Apocalipsis 4:11 - Buglere

¹¹ “Chube, ba cha ulita Chugagwalla, ba no trate kweri, ba giti cha ulita gerule no. Cha gerule ba giti ba cha Chugagwalla kweri ba kira molen tanre, ba mo ta gbu lle ulita dodade unsuialin tangle, ba lle ulita dodadu no trate, ba giti lle ulita ba dodadu kle gwade kle toi no ulita.” Kwian daba Chubenu chugagwalla juma veinticuatro kledu gerule no ene Chube ole.

Apocalipsis 4:11 ပူးပေါင်းရင်းမြစ်များ

Hechos 14:15

—¿Mineade ba ulita kle cha boke gai mo chubeale? E me no age ene, cha boke kwian ba ulita kare, cha me Chube, cha kwian. Cha boke chiu aini geru ulia Jesu giti dbe bage, geru e giti ñage suge bage lle e ngwale ba kle gai mo chubeale ulita ba chugadale ngwadi. Ba ulita mo ta blitadale Chube ulia gdaitre alin ole, ama gwade, ama nga ngaña dodadu nga dba dodadu ble dodadu lle ulita nga ulitage ama dodadu, ba ama alin gadale ulia mo Chubeale.

Hechos 17:24

Chube cha kle gerule giti Chube e nga ulita dodadu Chube lle ulita gbu nga ulitage ama nga ngaña ulita mauña nga dba ai ulita mauña, Chube e me toi gwa kwian u dodabage mo kodi.

Romanos 11:36

Chube mo kirallaske kwian ulita lle ulita nga ulita dodadu, Chube kle e ulita gbe tige kle e ulita manade, Chube e ulita dodadu mo alin. Chube no no, ama alin kweri, ama alin ñage age kwian alin no, ama alin giti kwian gerudale nobi diali chui tangle, enebi no ama alin.

Efesios 3:9

Sbali geru Chube be age no kwian me israelita alin giti chegu skwlenre kwian ulitage, Chube nga ulita lle ulita dodanga gwangea ama mo ta gbu age no kwian ulita alin Jesucristo giti kwian israelita alin kaire kwian me israelita alin. Chube che gbu geru e gbe chke uñale kwian ulitage.

Hebreos 1:10

Kaire Chube gerudu mo Kirolla Jesucristo ole ene: “Ba kwian Chugagwalla kweri, gwangeabi ba nga ulita dodadu no biale nga dba giti, kaire ba amaña nga ngaña dodadu ulita no trate.

Hebreos 1:2

Agwa nege tangle chui ai che kle toige Chube nu gerubabi che ole ama Kirolla Jesucristo giti. Chube mo Kirolla Jesucristo kagu nga dba ai giti geru amanu gbe chke gda uñale chege. Chube nga ulita kwian ulita lle ulita dodadu Jesucristo giti kaire Chube nu lle ulita dodaba ama lle e ulita jigu ama Kirolla Jesucristo kote, Jesucristo chege lle ulita mauñale kwian ulita Chugagwalla kweri.

Apocalipsis 1:6

Jesucristo che gau mau alin ama chegu che Chugagwalla kweri, Jesucristo che gau gerungale ama Ñenua Chube ole daba na alin lle boi no Chube alin Chube takalin kare. Cha takalin kwian ulita gerule no chui tangle diali Jesucristo giti Jesucristo agedu no ulita giti, cha takalin kwian ulita Jesucristo gai mo Chugagwallale Jesucristo gbe kweri kwian na gwa giti ulita. Ene nobi.

Apocalipsis 14:7

Ama kledu gerule kiraske ene: “Ulia chui ji chugalege chkubi Chube be ji gbe kwian ulita agenga me no giti, malen ba Chube gadale dage ba Chube gerua gbadale gdadi. Ma no ba mo ta blite ba mo gate no Chube giti gerule no Chube giti, ama nga ngaña dodanga ama nga dba dodanga ama ble dodanga ama chi gwagwa dodanga, ama lle ulita dodanga ba ama gadale dage ba gerudale no ama giti.”

Apocalipsis 19:1

Chube ji gbu kwian una Babiloniamu giti ene, bigire kwian ngle kerua sugedu chage kiraske nga ngaña giti, ama ulita kledu gerule ene: “Alelulla, Chube noare, cha ulita gerule no no Chube giti. Chube cha Chugagwalla kweri kira molen ama ñage age ulita mo kirallaske, Chube no trate agenga no. Chube cha ulita jun siere ji chugege Chube kirachku cha dolladi, e giti cha gerule no no Chube giti. Chube diali gerule trate, ulia Chube kle age kwian ole kwian kle age mangire batre, Chube kle kwian gbe ji chuge kwian kle age me no giti. Chube kweri e amaña ji gbu muinga gdaite giti muinga e chagenga kwian onbre tanre ole, muinga e amaña kwian nga ulitamu gbanga age me no Chube dollale, muinga e kwian Chubenu gbu boi daga ngwale kaire ama kwian Chubenu tanre guda, Chube kwian maunu jia junnga ulita muinga ege, Chube muinga e gbu ji chuge jabale muinga agedu me no ulita giti.”

Apocalipsis 5:12

Cha lle boanga ulita keruchugu gerule no kweri kiraske Bda Cordero giti: “Bda Cordero jo gwabada kwian agedu me no giti, cha gerule no ama giti cha no no ama ole. Ama kiraske tanre ulita, ama ñage age ulita, ama ma kiraske lle ulitage, ama lle ulita mauñale, lle ulita amanu, kaire amage kle chke uñale lle ulita giti. Ama no trate ulita malen cha ama gai dage, cha ama gai mo Chugagwallale no, cha gerule no no ama giti.” Lle boanga Chube alin tanre ulita gerudu no ene Bda Cordero giti.

Apocalipsis 5:2

Gire kaire agwe cha gwagedu lle boanga Chube alin nga ngaña giti gdaitedi ama lle boanga no kiraske ama gerudu kweri ene: “¿Chema ta no trate ulita ñage lle chada gatagda gdaguke jwennga chada bliabanga trennga gire chada batenga? ¿Chema no trate ñage age ene?”

Apocalipsis 5:9

Kwian mangire batre ulita kledu ne ngwadi ama ulita mo gatu biale geru no jagere giti Bda Cordero alin ene: “Cha ulita no ba ole. Ba ulia no trate malen ba ñage chada e gai kote lle chada gatagda gdaguke jwennga. Ba jo boaba daga ngwale gwabada kwian agedu me no giti. Ba boidu daga ngwale ba jokeda kruge kwian ulita alin ene kwian ulita ba gai ulia ñage chege Chubenu, ba agedu ene kwian chudalla ulita alin kaire kwian gerunga kwira ulita alin kaire kwian toinga nga ulitage alin. Ene ba jokeda giti kwian ulita ñage Chube uñe.