Apocalipsis 3:3 - Buglere

³ Ba tachkedale geru Chubenu ba tkere tangle giti, geru e ba gaubi gwangeabi ulia. Ba geru e gadale ngerugu mo tale, ba geru e gbadale gdadi, ba mo ta blitadale naskuni Chube ole me age me no dare ba kle age nege kare. Agwa ba me jain age cha kle gerule ba ole kare, gire ene cha be joge ji gbe ba giti salengwli kwian skwe boanga kle joge skwe boi kwian ngeru me kle chke uñale kwiange kwian skwe boanga be chke ngaminegire ama llea jwen ulita, ene kaire me chke uñale bage ngamangirege cha be joge ji gbe ba giti ba kle age me no gdale.

Apocalipsis 3:3 ပူးပေါင်းရင်းမြစ်များ

Mateo 25:13

Jesu geru ñachugu ene gire gerudu: —Ene kaire ba ulita kledale ta giti cha chieni chuia manade ngwange muinga judi gdatiga ta molen kare. Ba ulitage me uñale cha be chieni chui mangirege malen ba kledale biale cha manade ngwange diali —Jesu gerudu ene ulita kwian geru jwannga amage ole.

Marcos 13:33

Cha gerule ulia ba ole, me uñale bage ngaminegire cha be chieni malen ba kledale ta giti diali chui ulitage, ba ta kledale biale cha chieni chuia ngwange, me skate alenske ta me gbaba biale cha be chieni chuiage.

Marcos 13:36

Malen diali ba mo ta gbadale biale cha chieni ngwange, me no cha chieni gire ba skate alenske cháge ba kle gbe kare.

1 Tesalonicenses 5:2

Uñale ba ulitage che Chugagwalla Jesucristo be chieni chuia be chke salengwli kwian skwe boanga kle chke kare, kwian skwe boanga chke ngajrege chuia me uñale chege chui baige hora baige, skwe boanga be chke che skate alenske gire skwe boanga chke. Ene Jesucristo be chieni, kwian ulita be kle alenske ni be uñale kwiange Jesucristo be chieni chuia be chke.

1 Timoteo 6:20

Timoteo, Chube ba gau ba gbu daba tke tangle ama geruage, noare ba daba tke tangle geru e alin allabige. Kwian gweale kle geru ngwale trage daba ole, ba me geru e gbe gdadi. Kwian geru jun gballa mo chugadi geru tanre degu, kwian gerule geru e alin no, geru e alin ulia. E me gerule ulia, geru e me gerule Chube gerua gerule kare.

2 Timoteo 1:13

Ba chagedale geru trate ulia ole ba geru jun cha ba tku tangle giti. Jesucristo kle che ta gbe ama gerua gai ulia, Jesucristo kle che ta gbe no kwian ole Chube ole, ba chegedale ta ene ole.

Hebreos 2:1

Jesucristo ma kweri ma kiraske lle boanga Chube alin nga ngaña giti ulitage, malen che nu geru Jesucristo giti keruchugaba che geru e gadale gwangerugu ulia, geru e giti che mo ta gbadale suge moge ma ngle trate mo tale ene che mi joge siere Chube gerua uliage, che be chege diali ama gerua ole.

2 Pedro 1:13

Cha kle gwade cha tañachuge cha gerudale no diali ene ba ulita ole ba ta gbe tachke diali, ene ba ulita mi ta jogenga.

2 Pedro 3:1

Cha daballa cha ibotea Jesucristo giti, bitabokedale cha kle chada dege ba ulita alin, cha chada degu ngeru, kaire cha kle chada ai na dege, chada e ulita giti cha ta ba ta gbakalin tachke trate geru ulia giti.

2 Pedro 3:10

Che Chugagwalla Jesucristo chieni chuia be chke blike kwian skwe boanga kle chke kle kwian gai alenske kare, ene che Chugagwalla Jesucristo be chkeni, chui ege kwian me kle Jesucristo chieni chuia manade ngwange kwian ene be skate alenske, chui ege nga ngaña ulita nga dba ulita be boi tirare be jogenga ulita jita kote, jita kweri be kle gdade kweri tirare, nga ngaña be jogenga ulita jita e kote, chui, dai, beu ulita be liedba ulita, kaire nga dba ulita be jogenga ulita jita e kote, lle nga dba ai ulita giti be kuge, ni lle gdaite chegeda.

Apocalipsis 16:15

Cha gerule ba ole, ba tachkedale Jesucristo gerudu kare ene: “Ba kledale biale ni be uñale kwiange gire cha be chieni nga dba ai giti blike kwian skwe boanga kle chie kare. Kwian bai kaire be skwen chage gwade me gbeba ama be kle biale cha manade ngwange cha be chieni chuiage, ama kle biale kare mo ngama tkaba ñometraske kare, kwian edi nga be suge noare ama mi chege ibule mo giti kwian kle chage taglale kwian na gwa giti kare.” Jesucristo gerudu ene ulita ama be chieni chuia giti.

Apocalipsis 2:25

Agwa cha gerule sidri ba ole, ulia ba mo ta gbadale gwangerugu ba kle mo ta gbe nege kare me chage geru ngwale nate, ba kledale mo ta gbe kiraske gwangerugu Chube gerua giti cha be jogeni kaire baske.

Apocalipsis 2:5

Ba tañachugadale ba mo ta du ngeru kare cha ole ba tachkedale ngeru ba toidu mine cha gwa giti. Ba mo ta blitadale noni naskuni cha ole ngeru kare, ba toidale no ba toidu ngeru kare ba cha gerua gau gwangeabi kare. Agwa ba me takalin age cha kle gerule kare ba ole, cha be mo ta gbe joge ji gbe ba giti, cha be ba gbe me chege kira molen mo lite ule cha geruadi, e salengwli cha jichra jwennga ba ngeru kare. Agwa ba mo ta blite naskuni Chube ole, ene cha mi age ba ole cha kle gerule kare.

Apocalipsis 22:7

Jesucristo gerule ene: “Cha be chieni blike. Nga be suga no kwiandi kwian bai kaire kle Chube gerua gbe gdadi Chube gerua kle degaba chada ai giti kare.” Jesucristo gerule ene.

Apocalipsis 3:11

Cha gerule ulia ulia ba ole, cha chieni chuia kle kodi malen ba ulita mo ta gbadale gwangerugu cha gerua giti lle boi ulia no cha alin diali. Ba mo ta gbale lle boi no cha takalin kare ba mo ta gbale cha gerua manade no, ene kwian na mi ñanalla jwennga ba ngeru, ba mo ta gbe no ñanale cha be lle no kete bage.

Apocalipsis 3:19

Cha gerule ba ole, kwian bai kaire cha no no ole, kwian e kle age gweale me no cha dollale, gire cha kle ka boi ama ole ama kle age me no giti kaire cha kle ama chuge ngwadi boi daga ngwale, e giti cha kle ama ulita tke tangle ama toidale mine Chube gwa giti, gire ene ama ñage mo ta blite Chube ole Chube takalin kare. Cha gerule ba ole, ba mo ta gbadale diali kiraske gwangerugu Chube geruadi, ba mo ta blitadale Chube ole age Chube takalin kare.

Apocalipsis 3:2

Cha gerule ulia ba ole, ba mo ta gbadale tañachuge ulita ba kle age giti. Ba bebi geru Chubenu chuge ngwadi ulita ba mo kira gbadale kiraske naskuni blike geru Chubenu ole, ba mo ta gbale chage ta giti geru Chubenu kle ba tale ole. Cha kle gwage ba kle age me no gitidige e ulita me no Chube gwa giti.