Apocalipsis 21:3 - Buglere

³ Cha kledu gwage ene gire cha geru keruchugu kweri nga ngaña giti Chugagwalla Chube kle toiba dba ngwadige, gerudre ene: “Nege Chube kle toi kwianske kwian e ulita Chube gau no mo Chugagwallale, kwian e ulita chegu kwian Chubenu, Chube be toi ama ole chui diali dale alin.

Apocalipsis 21:3 ပူးပေါင်းရင်းမြစ်များ

Juan 1:14

Chube Cristo kagu nga dba ai giti, ama chku kwian kare, ama toidu chagedu kwianske ama ta du no diali kwian ulita ole, ama agedu tanre no kwian alin, ene kwian gwage amadi chkedale uñale ama Ñenua mine ulia. Ama kledu kwianske agedu no ulita kwian alin gire cha chada ai deganga, cha ule cha chagemanalla ulita ole gwagedu amadi, ama agedu ulita uñale cha ulitage, uñale cha ulitage ama ulia Chube Kirolla gdaitre alin, ama mo Ñenua kirallaske agedu no ulita.

Juan 14:23

Jesu jaindunga: —Kwian bai kaire no cha ole be cha gerua gbe gdadi be age ulita cha gerule kare, cha Ñenua be no kwian ene ole, cha Ñenua ule cha ole be chieni toi kwian ene tale diali.

2 Corintios 6:16

Lle oña dodaba mo kodi kwian kle gai mo chubeale, ¿lle oña e talla tañachuge mine ule kwian talla ole? Lle oña e jaba, che talla me ñage tañachuge ule e ole. Che Cristo ganga ulia me kle lle oña jaba gai mo chubeale, che talla Chube gwadenu, che talla Chube gwade toingwalla, Chube gerua degaba unsuialin gerule e giti, chada e gerule: “Chube gerudu: ‘Kwian bai kaire cha gai dage, cha be toi kwian ene tale diali, baini kaire ama joge ngwadi cha be kle ama ole, cha ama Chubea, ama kwian chanu.’

2 Corintios 6:18

ba ulita be chege cha kirollale cha jianle, cha be chege ba ulita Ñenuale.’ Chube che Chugagwalla kiraske kweri gerudu ene ulita kwian monu ole.” Chube gerua degaba unsuialin gerule ene.

1 Tesalonicenses 3:11

Cha kle gerule Chube che Ñenua ole kaire che Chugagwalla Jesu ole ama cha chudaboi, ene cha ñage joge tienda badi chui gwealege.

Hebreos 11:16

Agwa ama me tañachugu dale ene jogeni nga ama toidu ngeru ngwadige giti, ama ulita tañachugu joge nga ma noge Chube kle ngwadige nga ngaña giti. Malen kwian mo ta gbu Chube gerua gai ulia kaire agwe kwian e giti Chube me ibudu gerule kwian e amanu, ama kwian e Chugagwalla, gire ene ulia Chube nu nga no dodababi kwian e alin toingwa diali dale alin jwire nga ngaña giti ule Chube ole.

Hebreos 8:10

Agwa cha be geru jagere gbe kwian israelita chudalla ulita alin bdagli. Cha be ama ulita ta gbe tañachuge cha gerua e giti gire be suge amage mo tale ama agedale mine cha takalin kare, ama be cha gai mo Chugagwallale ama be gerule no cha giti, cha be chege ama Chubea gdaitre alin. Kaire ama ulita be chege chanu cha be ama ulita manade no.

Apocalipsis 10:4

enusulindra gdadu bitaguke e tane giti cha biri chada dege cha geru keruchugu giti gire cha geru keruchugu nga ngaña giti gerule cha ole: “Ba geru keruchugu enusulindra bitagukeske, ba me geru e degadale, ba geru e keruchugu ba geru oge mo tale mo alin.” Gerudre ene cha ole.

Apocalipsis 10:8

Lle boanga Chube alin gdaite gerudu ene gire keru e amaña gerudu nga ngaña giti cha ama keruchugu gerule cha ole me chada dege giti, gerudu cha ole nakwaite: “Lle boanga kle sera gdaite gbaba ble giti kle sera gdaite gbaba dbi giti kote chada kle treanbanga, joga amadige chada ga kote.”

Apocalipsis 12:10

Lle jorisi kare jo mliabanga nga dba giti gire cha ologe geru sugedu kweri nga ngaña giti, gerudre ene che dolla Satanás giti: “Ngeru che dolla daba Chubenu ulita gbanga jiske Chubege ngajudi ngajrege Chube gwa giti nga ngaña giti. Agwa nege che dolla jo mliabanga siere nga ngaña gitige sugekare gire ama me ñage daba Chubenu gbe jiske Chubege dare. Noare ulia che Chugagwalla Chube kirachku ene che dolladi. E giti nege chku uñale kwian ulitage Chube ma kweri ulitage Chube kiraske tanre, kaire kwian ulitage chku uñale Jesucristo Chube nu kagaba nga dba giti ama kwian Chugagwalla kiraske tanre.

Apocalipsis 21:7

Kwian bai mo ta gbe kiraske gwangerugu cha gerua giti age no diali cha takalin kare, kwian ene ulita cha be gbe toi chui tangle diali cha ole, cha be chege ama Ñenuale kaire agwe ama ulita be chege cha oliale.

Apocalipsis 22:3

Una ege ni kwian gdaite ni lle gdaite kle boidale daga ngwale. Chube kaire Bda Cordero amaña Jesucristo kledu una ege toiba dba toigda kweri giti kwian ulita Chugagwallale, gire kwian ulita Jesucristo gerua gaba agedu Chube tadukalin kare kwian e kle gerule no Chube giti kaire Jesucristo giti kwian ulita Chube gai kweri Jesucristo gai kweri mo Chugagwallale.

Apocalipsis 7:15

Malen kwian e ulita kle Chube gwangnagu Chube kle toiba dba toigda kweri no giti ngwadi, ama ulita kle Chube ole gerule no Chube giti chui ulita ngajudi ngajrege, me kle ka chite gerule no Chube giti. Chube kle toiba dba toigda kweri no giti ama be kwian e ulita manade no be kwian e chudaboi kwian mi boi daga ngwale dare, ama be kle diali Chube ole.