Apocalipsis 21:12 - Buglere

¹² Una kweri edi tangle ulita gere kledu tkaba kweri jeike ngaña, gere e gerekalla gdataboko giti gdaboke kledu, gereka ege gdaite gdaite lle boanga Chube alin gdaite kledu gereka manade. Gereka gdaite gdaitege kwian israelita chudalla mne gdataboko giti gdaboke kalla kledu degaba gdaite, gire ene kwian israelita chudalla mne gdataboko giti gdaboke kalla kledu degaba ulita ugaka kaire kairege.

Apocalipsis 21:12 ပူးပေါင်းရင်းမြစ်များ

Mateo 18:10

Jesu gerudu: —Cha gerule ba ole, ba mo ta gbadale me daba na cha gerua gaba ibade, ba daba ene gweale ibade ba me kle age sugekare Chube gwage, me ene, diali lle boanga ulita cha Ñenua Chube alin nga ngaña giti kle cha Ñenua ole, cha Ñenua kle ama kage kwian cha gerua gaba manade.

Lucas 15:10

Cha gerule ba ole, ene kaire nga ma suga no lle boanga Chube alin nga ngaña giti tanredi kwian gdaitre alin ole joge siere age me noge mo ta blite Chube ole giti.

Lucas 16:22

Jo chuia kaire gire Lázaro jokeda, lle boanga Chube alin nga ngaña giti ngle Lázaro oña du Abraham oña kle ngwadi nga noarege kwian no oña kle toi ngwadige. Kwian lle molen tanre kaire jokeda, ama jaba tkere dbige,

Hechos 26:7

Cha bitalla kwian israelita mne gdataboko giti gdaboke ulita takalin Chube ama gbeni gwade chui bdaglige malen ama ulita Chube gai dage gerule no Chube giti kle mo ta gbe lle boi Chube alin diali. Cha gerule ba ole chugagwalla Agripa, Chube gerudu unsuialin Chube be jaba gbeni gwade, geru e cha kle gai ulia, geru e giti cha bitalla kle cha gbe jiske.

Hebreos 1:14

Ulia lle boanga Chube alin nga ngaña giti ama kle lle boi Chube alin Chube kle ama kage kare, Chube kle ama kage kwian ulita bai kaire Jesucristo gerua gaba manade no kaire kwian e chudaboi, lle e kare alin allabi Chube kle lle boanga amanu nga ngaña giti gbe age, lle boanga Chube alin me kweri kiraske Chube Kirolla Jesucristo kare.

Apocalipsis 21:13

Gereka gdamai kledu chui chie ngwange ngnagu, gereka gdamai kledu chui joge ngwange ngnagu, gereka gdamai kledu siagu ngnagu, gereka gdamai kledu ñagu ngnagu.

Apocalipsis 21:15

Lle boanga Chube alin kledu gerule cha ole ama kledu chage oro dodabale lle ñachugagda dbe una no e ñachugagda kaire una e gerella kaire gerekalla ñachugagda.

Apocalipsis 21:25

Una ege nga jere me kle dale, nga ju alin diali kle malen gereka una ege ni bitaite kle jegaba, gereka e kle degabanga diali.

Apocalipsis 22:14

Cha gerule ba ole, nga be suga noare kwiandi bai kaire kle mo ñometralla gbababi biale trate kare, ene ama ñage gli kwian gbagda toi chui tangle gba gute kaire ama ñage joge una no Chubenu ugakallage tangle ñage joge chiga.