Apocalipsis 20:9 - Buglere

⁹ Ama ulita joge kwian Chubenu ulita kle ngwadi una e Chube no ole una e kada Jerusalénge. Kwian ulita Satanás skatemanalla agenga ama takalin kare ama ulita be mo lite una edi tangle mo tke dole kwian Chubenu ole. Agwa Chube be jita kage nga ngaña giti chke nga dba giti kwian Chubenu dollale alin, gire kwian ulita mo tku dole kwian Chubenu ole chege kugeba boi tirare ji chugege be jogekeda ulita.

Apocalipsis 20:9 ပူးပေါင်းရင်းမြစ်များ

Lucas 17:29

Kwian ulita kledu toi kledu lle e kare alin boi allabi, kaire kwian ulita kledu toi nga suga no ole ama kledu age me no giti diali, me kledu tañachuge chui be boi giti gire chui chku boidale tirare. Lot jo siere una Sodomage gire Chube jita kagu nga ngaña giti una Sodomage alin, jita chiu ule lle jribabita gwade kare ole, chku nga dba giti kwianske ulita, kwian ulita una Sodomage kugedu ulita, Lot alin tiun gitiru.

Lucas 19:43

Chui me no be chke bage, kwian ba dollale be gere gbe ba unalladi tangle, kwian be mo lite badi tangle ulita, ene ba me ñage kige.

Lucas 21:20

’Chui be chke gire ba be gwage guardia donga tanre be lite una Jerusaléndi tangle, ba gwage edi ba tachkedale chui kle kodi gire guardia donga ulita be kwian una Jerusalénge gweda ulita be u skienda ulita.

Lucas 9:54

Kwian geru jwannga Jesuge boke kada Santiago kaire Juan gwagedu kwian nga Samariamu me Jesu gau ngwange no, Santiago kaire Juan gerudu Jesu ole: —Cha Chugagwalla, ¿ba takalin cha jita nga ngaña giti kade kwian una aimu gugagda ulita?

2 Tesalonicenses 1:8

Kaire chui ege Jesucristo be ji gbe kwian giti kwian bai me Chube uñe me Chube gerua che Chugagwalla Jesucristo giti gai ulia me geru e gbe gdadi.

Hebreos 13:13

Malen che mo ta gbadale ulia Jesucristo gerua gai kiraske gwangerugu, agwa me mo ta gbe geru unsuialin tangle giti gai mo alin allabi. Che mo ta gbadale biale boi daga ngwale Jesucristo boidu kare, kwian gide chedi Jesucristo gerua giti che me talladale, e giti suge chege che kle mo boange Jesucristo kare che kledale biale ta giti boi dagale Jesucristo giti.

Apocalipsis 11:5

Kaire kwian gdaboke e kate jita kledu, jita e ñadu kwian bai kaire mo tke dole age me no ama ole guge, jita e giti ama gdaboke ñadu mo jia jwennga ama dollage ama dolla ulita gweda.

Apocalipsis 13:13

Kaire lle bdale tirare chieba dbiske ama mo gbu kiraske age tanre daga ngwale kwian gwa gbe modi kwian anblitagda. Ama jita kweri kadu nga ngaña giti chke nga dba giti kwian ulita gwa giti, ulita boidu ama gerudu kare.