Apocalipsis 2:3 - Buglere

³ Diali ba kle mo ta gbe chage gwangerugu kaire ba kle boi tanre daga ngwale cha gerua giti, ba me kle skwatige ba me kle olire ba kle boi daga ngwaleske, ba kle mo ta gbe chage diali gwangerugu ta no ole.

Apocalipsis 2:3 ပူးပေါင်းရင်းမြစ်များ

Marcos 15:21

Guardia donga ulita jo Jesu dbe kru ole nga Jesu gwabeda ngwadi gire jonkare guardia donga tendu onbre kada Simón ngwange, Simón una Cirenemu, ama Alejandro kaire Rufo ñenua, Simón kledu chage una Jerusalén ngnagu gire guardia donga Simón gau gbu Jesu krulla dbe.

Lucas 14:27

Kwian bai ta chagekalin ulia cha ole me ñage tañachuge mau giti ngeru, ama mo ta gbadale cha alin ole age ulita cha takalin kare, kwian ene boi daga ngwale cha giti me tallade, kwian ene kle mo ta gbe age cha takalin kare ama ñage chage cha ole.

Lucas 18:1

Jesu kwian geru jwannga amage tku tangle ama ulita gerudale diali Chube ole, ama ulita me skwatigedale chudaboi kade Chubege. Jesu geru ñachugu kwian geru jwannga amage ulita alin ene suge trate geru jwannga ulitage Jesu kle ama tke tangle giti,

Lucas 21:19

Kwian age me no ba ole ba me mo tallade, ba bai me mo chuge ngwadi joge siere cha geruage boi daga ngwaleske, ba mo ta gbe cha gerua gai ulia mo tale diali gwangerugu mo ta gbe age no diali Chube takalin kare, ba bai mo ta gbe ene, chui bdagli be chke gire ba be toi no diali chui tangle cha ole Chube ngwadi.

Lucas 5:5

Simón jo du toli ule Jesu ole gire Simón gerudu Jesu ole: —Ba cha tkanga tangle geruge, cha lle bo tanre ule cha chagemanalla ole beigliga nga chiu ju nege, cha ni ngwe gdaite jun, gire ba cha kage chibita amañage cha be gdeba tke chiske nakwaite ba gerudu kare.

Lucas 8:15

Kwian gweale kle boi Chube gerua ole chude jo chke dba dbi no giti kare. Kwian e Chube gerua keruchuge gire ama mo ta gbe geru e gai jumale mo tale, ama tañachuge no diali Chube gerua giti, ama Chube chuge ngwadi age ama tale Chube takalin kare, ene Chube ama ta gbe chui gbaite gbaite kaire kairege ma ngle Chube gerua giti. Kwian ene mo ta dbe no diali Chube gerua kete daba na ulitage, ene daba tanre chke geru gai ulia kwian e giti —Jesu gerudu ene kwian geru jwannga amage ulita ole.

Juan 15:21

Ba ulita chanu, malen kwian ulita me chanu be chage ba nate age me no ba dollale, ama me cha kaganga uñe, malen ama be age me no ba ole.

Romanos 12:12

Chui be chke gire Jesucristo be ba dbe ule ama ole toi ama kle ngwadi diali chui tangle, ba mo ta dbadale nga suga no ole e giti chui e manade ngwange. Ba mo ta gbadale jage boi daga ngwalege. Ba gerudale Chube ole diali.

Romanos 16:12

Ba gbi kade cha alin Trifenage kaire Trifosage, ama bonate lle boanga che Chugagwalla Cristo alin. Ba gbi kade cha alin Pérsidage, muinga e lle boanga no no che Chugagwalla Cristo alin, cha no ama ole.

Romanos 2:7

Kwian ulita bai kaire nu mo ta blitaba Chube ole, kwian ene toikalin no diali chui tangle Chube ole nga noge, takalin Chube gerule no ama giti, malen kwian e mo ta gbe chage no Chube ole age no Chube takalin kare diali. Bdagli Chube be kwian ene ulita gbe toi diali chui tangle mo ole ule.

1 Corintios 13:7

Ta dbe olire daba giti daba kle age me no giti agwa diali no daba ole, diali mo ta gbe tañachuge no daba ene giti, mo ta gbe no daba manadedi chui gwealege daba ñage mo ta blite nganake no, ta dbe no daba ole diali ni mo ta blite sidri me no daba ole.

1 Corintios 16:16

Cha takalin ba Chubenu ulita daba e gai dage age ama gerule kare Jesucristo gerua giti. Kaire daba na ulita kle lle boi ene baske kle ba chudaboi, ba ama gai dage kaire.

2 Corintios 10:15

Nege daba gweale na kle lle boi Chube alin ba ulitaske, cha me lle boaba nobi e gai mo alin gire gerule no mo giti daba na nu lle boaba baske giti. Cha me kle tañachuge daba bai lle bo giti Chube alin, cha kle tañachuge ba ulita ta mine Cristo ole giti, cha takalin ba ulita mo ta gbe Cristo gai ulia ma no diali, cha geru Cristo giti du baske, cha takalin ba ulita mo ta gbe geru e gai ulia ma no diali, ene ba ulita chege mo ta gbaba diali gerudi. Cha takalin geru Cristo giti chke uñale kwian ulitage malen cha takalin ba ulita mo ta gbe chage ma no geru e gerule kare, ene ba ñage cha chudaboi geru dbe baske, ene ba giti kwian na ñage Cristo gai ulia mo alin.

2 Corintios 11:23

Ama ulita gerule no mo giti: “Cha alin lle boanga Cristo alin no no ulia.” Cha kaire lle boanga Cristo alin. Ba ulita ñage tañachuge chadi cha kle gerule ulita no ene ngwale mo giti agwa cha kle gerule ulia, cha lle boanga Cristo alin ma no ama ulitage, cha lle bo ma ngle Cristo alin ama ulitage, kaire cha boidu daga ngwale ma ngle ma tirare ama ulitage Cristo gerua dbe giti, cha jo tkaba skage geru dbe giti bita ma ngle ama ulitage, kwian geru ulia dollale cha kwabatu ma ngle ama ulitage, bitangle kwian geru ulia dollale tadu cha gwakalinda geru dbe giti. Agwa kwian ulita geru me ulia dbanga kle gerule no mo giti alin, ama kle gerule alin mo giti agwa me kle boi dagale cha kle boi kare.

2 Corintios 4:1

Chube taidu dage chage agedu no cha alin, ama agali cha gau cha gbu ama gerua jagere Jesucristo giti dbe kwianske, malen cha me skwatige cha me e chuge ngwadi, cha mo ta gbe gwangerugu geru dbe Chube alin.

2 Corintios 4:16

Malen cha me ta chuge geru dbe gwangerugu, cha me kwachie boi daga ngwale geru dbe giti. Cha kle toi nga dba ai giti, diali chui kaire kairege bedre bedre cha kle joge ma juma, kira me chege, agwa cha tale chui kaire kairege cha ta chege ma no ma kiraske Chube ole, cha ta suge moge cha kwian jagere kare Chube gerua ole.

2 Corintios 5:9

Che jogeda o che toi gwade che kle mo ta gbe diali age no Jesucristo takalin kare.

2 Corintios 6:5

kwian cha kwabate tanre mno, kwian cha tke skage, kwian mo lite mo tke dole cha ole, cha kira me lle boi chui gdale, cha me ña gbe no lle tanre kle cha alin boadale, chui gwealege cha kle toi bli ole. E ulitaske cha kle mo ta gbe jage geru dbe, cha takalin kwian ulita geru Jesucristo giti uñe.

Gálatas 6:2

Ba kwian Chubenu ulitaske daba gweale boi daga ngwale daba gweale mo ta gbakalin age me no, ba ulita bai kaire kle chage no Chube ole trate ba mo ta gbadale diali daba chudaboi ongoru ongoru ta no giti, ba age ene ba kle ta dbe no daba na ole Cristo geru gbu kwian ulita alin kare.

Gálatas 6:9

Malen che ulita me skwatigedale age diali no ulita Chube takalin kare, che chege ta ene kare molen diali, bdagli Chube be age no no che alin, ene be suge trate ulita chege che agedu no Chube takalin kare che me agedu ngwale.

Filipenses 2:16

ba geru Cristo giti dbe amage, ene geru e giti ama ñage Chube uñe ñage ta jwlite Chube ole, ene bdagli ama be toi Chube ole diali chui tangle. Ba age ene, bdagli nga be suga noare chadi ba giti Cristo chieni chuiage, be suge chage ba geru Cristo giti gau ulia gwangea ba me geru e chugu ngwadi, malen be suge chage cha me chagedu ngwale geru e dbe bage.

Filipenses 4:3

Cha chudaboanga taingwli, cha takalin ba che ibotea boke e Jesucristo giti chudaboi, ba ama boke ta gbeni no daba ole, ene ama mi kira bate dare modi. Cha kledu baske gire muinga boke e lle bo tanre, ama cha chudabo geru Jesucristo giti dbe kwian nage ule Clemente ole, kaire daba na tanre cha chudabo geru dbe kwiange, ama ulita kalla kle degaba nga ngaña giti Chube kle ngwadi, bdagli ama be toi nga ngaña giti diali ule Chube ole.

Colosenses 1:11

Chube kiraske tanre, ama ñage age ulita mo kiralla giti ba ulita alin, malen cha gerule diali ama ole ama ba ulita kira gbe ngle ba kle boi daga ngwaleske ene ba be ñage jage ta no ole ba be ñage mo ta gbe chage gwangerugu kiraske me mo tallade me skwatige ba kle boi daga ngwaleske, ene ba ñage mo ta gbe diali nga suga no ole Chube kirallaske.

1 Tesalonicenses 1:3

Noare ama ulita kle ba gai ulia kle mo ta gbe lle boi no ba alin diali kwianske. Noare ama kle mo ta dbe no kwian ole kaire ba ole. Ama me skwatige, boi daga ngwale giti me tallade, ama diali kle Chugagwalla Jesucristo chieni chuia manade.” Cha gerule ene ba giti diali chui tangle che Ñenua Chube ole.

1 Tesalonicenses 2:9

Cha daballa cha ibotea Chubenu, ba tachke cha giti cha kledu baske cha lle bo nga ju nga jere, cha lle bo Chube alin ama gerua trage ba ole, kaire cha lle bo mo alin ene cha ñadu igi gai bligda gigagda, cha me tadukalin igi kade ngwale bage.

1 Tesalonicenses 5:12

Cha daballa cha ibotea Jesucristo giti, cha gerule ba ulita ole, noare ba tañachuge no daba giti daba bai kle lle boi modi Chube alin baske, daba ba chugagwale kle che Chugagwalla Jesucristo gerua dbe ba ulitaske kle ba tke tangle che Chugagwalla Jesucristo geruage ene ba Jesucristo uñadale ma no ba chagedale ma no trate.

2 Tesalonicenses 3:13

Cha daballa cha ibotea Jesucristo giti, ba ulita me mo ta gbe skwatige toi no ba kle toi kare age no kwian na alin, diali ba mo ta gbadale daba chudaboi Chube takalin kare.

2 Tesalonicenses 3:5

Cha takalin Jesucristo che Chugagwalla ba chudaboi ba ta gbe no daba na ole Chube no ba ole kare, kaire cha takalin Jesucristo ba ta gbe chage gwangerugu Jesucristo geruadi me tallade ba kle boi daga ngwale giti Jesucristo me mo talladu ama boidu giti kare.

2 Tesalonicenses 3:8

kaire cha me mo manadu daba na llea giti cha me bligda kadu dabage ngwale. Cha me agedu ene agwa cha lle bo diali tanre gire ene cha ñadu mo manade agali cha lle bo ñanale, cha me tadu chegekalin jiske ba ulitage.

1 Timoteo 4:10

Uñale chege e ulia, malen che mo ta gbe diali lle boi no Chube alin. Kwian tanre ka boi che ole Chube gerua giti, che me tallade, che mo ta gbaba Chube alinge. Chube gwade, ama alin ñage kwian jwen siere bai kaire Jesucristo gai ulia, ene kwian me ji chuge bdagli agedu me no gdale.

1 Timoteo 5:17

Kwian Chubenu chugagwalla nga ulitage lle boi no kwian Chubenu kaire kaire alin, kwian Chubenu ulita mo chugagwalla kaire kaire chudaboadale no no bligda giti ñometra giti igi giti, chugagwalla Chube gerua trage no kwian ole diali kwian tke tangle no Chube geruage, kwian Chubenu mo chugagwalla ene manadale no.

Hebreos 10:36

Ba mo kira gbadale ma ngle me tañachuge tanre ba kle boi daga ngwale giti ba mo jigadale Chube kote. Ba kle age ai kare, ba kle age ulita Chube takalin kare gire kaire Chube be age no ulita ba alin ama gerua kle gerule kare ba age no ñanale.

Hebreos 12:1

Uñale chege che enusulian oña e ulita unsuialin tangle mo ta gbu ulia Chube ole Chube gai ulia age Chube takalin kare, malen che kaire agwe mo ta gbadale ulia Chube ole Chube gai ulia che enusulian oña e agedu kare. Che mo ta gbadale joge siere lle ulita kle che gbe age me noge, che kle age me no ulita che takalin kare che e ulita chugale ngwadi sugekare chege. Kaire lle ulita bai che ta gbe sugekare Chubege me age ulita Chube takalin kare che lle e ulita chugale ngwadi. Ulia che mo ta gbadale kiraske toi diali no Chube takalin kwian amanu toidale kare.

Hebreos 13:13

Malen che mo ta gbadale ulia Jesucristo gerua gai kiraske gwangerugu, agwa me mo ta gbe geru unsuialin tangle giti gai mo alin allabi. Che mo ta gbadale biale boi daga ngwale Jesucristo boidu kare, kwian gide chedi Jesucristo gerua giti che me talladale, e giti suge chege che kle mo boange Jesucristo kare che kledale biale ta giti boi dagale Jesucristo giti.

Hebreos 6:10

Ulia Chube noare, Chube ta no trate molen, diali ama kle age no kwian alin kwian bai kaire kle ama gai ulia age ama takalin kare. Kaire Chube me ta jogenga ba agedu giti ta no ole daba Chubenu na chudaboi daba ta gbe kiraske Jesucristo giti ba kle age diali kare, gire ene suge Chubege ba noare Chube ole.

Hebreos 6:12

Cha me takalin ba mo ta gbe kianle me age Chube gerua gerule kare, agwa ma no ba mo ta gbe gwangerugu kiraske Chube giti kwian na Chube gerua ganga unsuialin tangle kare. Kwian e Chube gerua gau ulia ulia me mo ta gbu skwatige manade tanre Chube be age Chube gerudu ama ole kare, ama manadu ta no ole, uñadu amage Chube be age ulita Chube gerudu kare ama ole. Ama manadu ta ene ole, malen Chube agedu no ama alin Chube gerudu kare. Ba mo ta gbadale salengwli kwian e agedu kare ulita.

Hebreos 6:15

Chube gerudu ene Abraham ole gire Abraham manadu ta no ole sbali me ta skochie ni skwatige manade, gire ene Chube agedu no Abraham ole Chube kirogwa ketu Abrahamge Chube gerudu ama ole kare. Kirogwa gdaite e giti Abraham oindalla jriendunga tanre.

2 Pedro 1:6

Ba mo ta gbadale me mo chuge ngwadi age me no ba takalin kare. Ba mo kira gbadaleda jage ulita me joge siere blike. Ba mo ta gbadale chage no trate Chube ole diali.

Apocalipsis 1:9

Che ulita Jesucristo gau mo Chugagwallale gire ene Jesucristo giti che ulita Chubenu. Cha Juan ba daballa Jesucristo giti kaire agwe kle boi daga ngwale ba ulita Chubenu kle boi kare Jesucristo gerua gai gdale. Jesucristo kle kira kete che ulitage ene che ñage jage boi daga ngwaleske, ene che ñage chege ta no ole che kle boi ulita tanre daga ngwalege. Jesucristo cha ta gbu geru ulia Chubenu giti gire cha Jesucristo gerua du gdale cha dule skadi ngadrega bleske ka jwankle Patmoge.

Apocalipsis 3:10

Ba ulita kle mo ta gbe age diali cha takalin kare ba ulita kle mo ta gbe jage ta no ole ba kle boi daga ngwaleske, malen cha be ba ulita manade no be boi tirage nga ulitage nga dba ai giti, cha mi ba chuge ngwadi boi daga ngwale kwian na me cha gerua gaba be boi kare, cha be boi daga ngwale gbe kwian ene ulita ta chugagda, ene be chke nate uñale kwian ene ulita kwian mine.