Lle boanga Chube alin nga ngaña giti agedu me no me no, ene kaire kwian una Sodomamu una Gomorramu kaire una na tanre kodi una boke kweri ege ulita agedu me no. Kwian ulita una ege mo ta gbu age me no me no diali, muinga tanre kwian onbre tanre mo chugu ngwadi mo chuge ke giti, muinga na tanre me takalin onbrege, muinga jritedu mo muire salengwlidi, kaire kwian onbre na tanre me takalin muingage, kwian onbre jritedu mo onbre salengwlidi. Age ene gdale kwian ji chugu jita kote kwian ulita kugedu jita kote una ege. Chube agedu ene kwian agenga me no ole unsuialin, e chege gda uñale kwian na ulita agenga me no be toi chui bdagli ngnagu alin ta gbagda.
Apocalipsis 19:3 - Buglere3 Geru sugedu ene chage gire cha geru keruchugu nakwaiteni gerule ene: “Alelulla, Chube kweri, Chube kira molen tanre. Chube ji gbu kwian una Babiloniamu giti, una e kle gugaba ulita gire una e jiangwalla be kle chie bdugu diali chui tangle.” အခန်းကိုကြည့်ပါ။ |
Apocalipsis 19:3
9 ပူးပေါင်းရင်းမြစ်များ
Jita tirare be kwian gbe boi daga ngwale jita e jiangwalla be chege bdugu diali chui tangle ni chui gbaite be kle kwian alin undege ji chugege, ni ngajrege ni ngajudi kwian be ñage undege ji chugeske, ji chuge jitaske be chege diali chui tangle kwian alin. Kwian bai kaire be lle gude chadale kare gai dage gerule no ama giti kaire be lle gude chadale kare oña dodadre gale dage mo chubeale kaire kwian mo chuge ngwadi gbange egdage dolla e kalla giti, kwian e ulita giti ji gbabe tirare ene.” Lle boanga gdamaidale gerudu ene ulita.
Kwian chugagwalla nga ulitamu kwian una Babiloniamu suia jun toidu salengwli ulita ama kare age me no tanre nga suga no ole mo chuge ke giti onbre muinga ole muinga onbre ole. Kaire kwian chugagwalla ulita e sui jun toi lle tanre ñanaske ole salengwli kwian una Babiloniamu kare. Chube ji gbu kwian una Babiloniamu giti gire kwian chugagwalla nga ulitamu gwagedu una Babiloniadi boi tirare daga ngwale gwagedu una kuge jiangwalladi chie bdugu jitaske, gire kwian chugagwalla nga ulitamu ta olidu tanre kwian una Babiloniamu giti.
Chube ji gbu kwian una Babiloniamu giti ene, bigire kwian ngle kerua sugedu chage kiraske nga ngaña giti, ama ulita kledu gerule ene: “Alelulla, Chube noare, cha ulita gerule no no Chube giti. Chube cha Chugagwalla kweri kira molen ama ñage age ulita mo kirallaske, Chube no trate agenga no. Chube cha ulita jun siere ji chugege Chube kirachku cha dolladi, e giti cha gerule no no Chube giti. Chube diali gerule trate, ulia Chube kle age kwian ole kwian kle age mangire batre, Chube kle kwian gbe ji chuge kwian kle age me no giti. Chube kweri e amaña ji gbu muinga gdaite giti muinga e chagenga kwian onbre tanre ole, muinga e amaña kwian nga ulitamu gbanga age me no Chube dollale, muinga e kwian Chubenu gbu boi daga ngwale kaire ama kwian Chubenu tanre guda, Chube kwian maunu jia junnga ulita muinga ege, Chube muinga e gbu ji chuge jabale muinga agedu me no ulita giti.”
Kwian ulita kle nga ngaña giti kerua sugedu chage gerule no ene Chube giti gire kwian daba Chubenu chugagwalla juma veinticuatro kaire lle gwade gdabaga ama ulita jongnagwa skutu dba mo ñeu kaboge gwadbiguda skadagda gbu dba Chube kle toiba dba toigda kweri giti gwangnagu, gerudu: “Alelulla, Chube che Chugagwalla kiraske ulita, noare ama ji gbu kwian me no una ege giti ulita.”
ကြော်ငြာတွေ