Apocalipsis 17:17 - Buglere

¹⁷ Chube be kwian chugagwalla gdataboko e ta gbe ule ulita age Chube takalin ama age kare muinga ole, Chube be kwian ta gbe lle gude chadale kare gbe mo chugagwallale ene be chege boiba ulita Chube gerua kle gerule kare.

Apocalipsis 17:17 ပူးပေါင်းရင်းမြစ်များ

Lucas 22:22

Cha chiu nga dba ai giti kwian kare, ulia cha ketabe boadale daga ngwale gwaleda Chube nu geruba kare unsuialin. Agwa onbre bai be cha kete boadalenga daga ngwale gwaleda, onbre e be boi dageare daga ngwale tanre, ama be cha jia chuge kweri.

Lucas 22:3

Kwian gerunga Chube ole daba alin chugagwalla ulita kaire kwian daba tkanga tangle Moisés chadalla giti ulita kle tañachuge ene Jesudi gire dolla Satanás chku Judas-Iscariote tale, Judas-Iscariote ama kwian geru jwannga Jesuge gdaite ule kwian gdataboko giti gdaite na ole.

Lucas 22:37

Chube gerua degaba unsuialin gerule cha giti, chada e gerule: “Kwian be gerule ama kwian me no, kwian be ama gbe jiske kwian me no kare, ama gwabeda kwian me no ole ule.” Cha boabe ene ulia, cha be boi ene chuia kle kodi chada degaba unsuialin gerule kare.

Juan 13:18

Jesu gerudu dare kwian geru jwannga amage ulita ole: —Cha me kle gerule ba ulita be mo ta gbe age no cha agedu kare, me ene, uñale chage ba ulita mi age no cha agedu kare. Cha ba ulita gau chage cha ole, cha ba ulita ta uñe trate, uñale chage ba gdaite kle mo ta dbe cha dollale, be boi Chube gerua degaba unsuialin gerule kare cha giti, chada e gerule: “Cha skatemanalla gdaite blire ule cha ole, amaña mo blite cha dollale.”

Juan 19:24

malen guardia donga gerudu modi: —Che me ñometra ai gagenga, ma no che blachke gbe ñometra giti gire che gdaite bai blachke be chege ñometra mauñale. Boidu ene Chube gerua degaba unsuialin gerule kare Jesu giti, chada e gerule: “Cha ñometralla jo girabataba modi, cha ñometralla jeike llagli giti blachke jo gbaba.” Chube gerua degaba unsuialin gerule ene kwian be age giti, chui e chku gire guardia donga agedu ene ulita Jesu ñometralla ole chada e gerule kare.

Juan 19:28

Boidu ene ulita gire Jesuge sugedu ama lle boadale Chube alin nga dba ai giti ama dodadu ulita. Boidale Chube gerua degaba unsuialin gerule kare, malen Jesu gerudu: —Cha siechie.

2 Corintios 8:16

Chube Tito ta gbu suge salengwli Chube cha ta gbu suge ba ulita giti kare, cha no no ba ulita ole, cha ta ba chudaboakalin suge ma no Chube takalin kare, ene kaire Tito ta suge ba ulita giti. E giti cha gerule no Chube ole Chube Tito ta gbu suge ene ba ulita giti.

Apocalipsis 15:1

Bigire cha gwagedu nakwaite nga ngaña giti be boi tiraredi, cha gwagedu lle boanga Chube alin gdagukedi lle boanga e kledu biale ji tirare gdaguke gbe bdagli kwian ulita nga dba giti alin agedu me no giti, ege dare Chube mi mo ta gbe ji tirare gbe kwian giti dare.

Apocalipsis 17:13

Chugagwalla gdataboko ulita e be tañachuge ule salengwli ulita, ama ulita be lle gude chadale kare gai mo chugagwallale ama be lle gude chadale kare gbe ma kweri moge kwian ulita chugagwallale be ama chuge ngwadi age ama takalin kare.

Apocalipsis 19:9

Lle boanga Chube alin gerudu nakwaite cha ole ene: “Ba chada degadale ene: ‘Kwian ulita mangire batre jo kadaba Bda Cordero be mo jwen chuia ollade ulita, ama ulitadi nga suga nodale.’ ” Lle boanga gerudu dare ene: “Geru ai ulita Chube gerua ulia.”

Apocalipsis 6:11

Ama geru kadu ene Chubege gire ñometra jutre ketre amage tkadale modi, gire gerudre ama ole ama mo undegadale kaire manadale chui sugetidale, gire ene kwian na Chubenu nga dba giti kaire gwabeda ama kare Chube gerua Jesucristo giti dbe gdale, kwian gwabeda be joge chke kwian e kle ngwadi nga ngaña giti ule ulita kwataneke Chube takalin kare, kwian ulita kle ene gire Chube ñage kwian ulita nga dba giti bai kaire kwian Chubenu guda gbe ji chuge daga ngwale ama agedu giti.