Apocalipsis 13:5 - Buglere

⁵ Kaire lle gude chadale kare tirare ama jo chugaba ngwadi mo sobade dabadi gerule me no jain jain sugaska Chube dollale ama tadu mo gbakalin kweri kwian chugagwallale, kaire ama jo chugaba ngwadi chege kwian chugagwallale age ama takalin kare ama chugagwalla lle jorisi kare kirallaske dai ngle cuarenta y doge.

Apocalipsis 13:5 ပူးပေါင်းရင်းမြစ်များ

2 Tesalonicenses 2:3

Ba me mo chuge ngwadi kwian na ba anblite ngwale Jesucristo chieni chuia giti. Uñadale bage Jesucristo bebi chieni gire be boi ene: Kwian tanre be jwlite Chube dollale gire kwian onbre gdaite me no be mo tke dole Chube gerua giti, ama be age ulita che dolla Satanás kirallaske. Kwian onbre e gdaite be mo gbe kweri Chube ulia kare kwianske, kaire ama mi takalin kwian lle na gai chubere, kwian e be takalin kwian na ulita gwage ama alindi kweri Chube kare gerule no ama alin giti. Kaire ama be joge u gerungwa Chube ulia olege una Jerusalénge, ne ngwadi ama be gerule kwian ulita ole: “Cha Chube ulia, cha ba chugagwalla kweri, ba cha gai ba chubeale, ba cha gadale dage.” Ama be gerule ene kwian ulita ole, agwa bdagli Jesucristo be kwian onbre e kage nga dbigu giti ji chuge tanre kwian e agedu me no Chube dollale giti.

2 Tesalonicenses 2:8

Kwian onbre e be mo kaite Chube kare kwian gwa giti, agwa Jesucristo be chieni kiraske tanre gire Jesucristo gwa giti onbre e ni ñage chege kira molen dare, Jesucristo be gerule alin allabi kwian onbre gdaite e ole gire onbre e be jogekeda.

Apocalipsis 11:7

Ama gdaboke e lle bo ulita ama kagle kare ama Chube gerua tragu ulita kwian ole gire nga tira dbiugage lle gdaite me no tirare chiu kira bate gerunga Chube giti gdaboke e ole, lle tirare kirachku gerunga Chube giti gdabokedi lle tirare gerunga Chube giti gdaboke e guda.

Apocalipsis 12:14

Agwa muinga ege jo jiga ketaba gdaboke kweri salengwli mu kweria jiga kare. Jo jiga e ketaba muingage, ene muinga e ñage kige bate lle jorisi kare ngeru, ama ñage ji chienga nga gballage Chube nu nga gbaba biale ama alinge, ne ngwadi muinga be chege bate sugekare lle jorisi kare tirarege ama manabe bligda ketabe amage ama ullabe chura gdamai giti dai gdaderekege.

Apocalipsis 12:6

Gire muinga jo kige nga gballage Chube nu nga gbaba biale muinga alin kigengwa eni. Ama manabe ama ullabe bligdadi chui nglege chui mil doscientos sesenta.

Apocalipsis 13:7

Kaire lle gude chadale karege jo kira ketaba age me no mo tke dole kira bate kwian Chubenu ulita toinga nga dba giti ole ama kirachke batre kare, kaire ama chegu kwian chudalla ulita nga ulitamuge kwian gerule kwira na tanrere ulita chugagwallale.