Apocalipsis 12:12 - Buglere

¹² Nga ngaña giti lle ulita kaire kwian ulita mangire batre kle toi nga ege Chube ole, ba ulita nga dbadale suga no ba ulita ñage kirachke che dolladi giti. Agwa ba ulita mangire batre kle toi nga dba giti kaire lle ulita kle toi bleske, ba ulita be olire tanre ba be boi daga ngwale giti. Che dolla chku age me no ba ole nga dba giti, uñale amage chui jo tigenga ulita amage ama tkabe skage gire, malen e giti ama skochie tanre tirare ama agekalin me no ulita.” Geru sugedu chage ene ulita.

Apocalipsis 12:12 ပူးပေါင်းရင်းမြစ်များ

Lucas 15:10

Cha gerule ba ole, ene kaire nga ma suga no lle boanga Chube alin nga ngaña giti tanredi kwian gdaitre alin ole joge siere age me noge mo ta blite Chube ole giti.

Lucas 2:14

Ama ulita gerudu: —Chube noare, ama kweri, nga ngaña giti Chube ngwadi nga suga no no cha ulitadi Chube kle age giti no kwian nga dba ai giti alin. Nege gwangerugu kwian ulita bai kaire alin Chube age no, nga be suga noare kwian ene ulitadi, kwian ene be ta dbe no Chube ole kaire agwe be ta dbe no daba na ulita ole nga dba ai giti —lle boanga Chube alin gerudu ene gire ama ulita joni nga ngaña giti. Oveja mananga gerudu modige: —Lle boanga Chube alin nga ngaña giti chku Chube gerua jige che alin, ale llani una Belénge tienda boidu minedi.

Hebreos 10:37

Ba ulita tachkedale Chube gerua degaba unsuialin kle gerule Jesucristo giti, chada e gerule: “Chube gerudu: ‘Me sbali gdaite be chieni be chke blikare, ama mi manade tanre ama be chieni.

2 Pedro 3:8

Cha daballa cha ibotea Jesucristo giti, cha ta ba ulita ta gbakalin dare, cha takalin ba me ta jogenga Chube me chui gbe gdadi salengwli kwian kle chui gbe gdadi kare, chui gbaite Chube alin chura ngle mil kare, chura ngle mil Chube alin chui gbaitre alin kare.

Apocalipsis 11:10

Kwian ulita kledu toi nga dba ai gitidi nga sugadu no kwian gerunga Chube giti gdaboke jokeda giti, kwian ulita chegu ta no ole gire kwian lle no ketu moge ongoru ongoru nga suga no ole. Kwian gerunga Chube giti gdaboke e guleda ama kledu gerule Chube gerua giti gdale, malen kwian ulita ta chegu no ama gdaboke jokeda giti, kwian ulitage me skwendu no onbre gdaboke kledu gerule Chube gerua giti kwian jainchku tanre kwian boke edi.

Apocalipsis 11:14

Nga boidu tirare bitabokege tangle agwa kaire sugetibi me sbali gire nga be boi tirare na bitamaidale tangle.

Apocalipsis 12:9

Gire lle jorisi kare tirare jo mliaba siere nga ngaña gitige chku dba nga dba giti ule ama chudaboangalla ulita ole. Lle jorisi kare tirare e ka jwankle Satanás kaire amaña ka jwankle Diablo. Che dolla Satanás e amaña ama kwian Chube dodadu gwangea anblitu gbu age me no unsuialin tangle, che dolla Satanás kwian nga dba giti ulita anblitanga ama kwian ta gbanga age me no.

Apocalipsis 13:6

Lle gude chadale kare agedu ulita ama gbere age kare. Ama gerudu me no Chube dollale ama Chube kalla jun kate ngwale me no, ama gerudu me no Chube ulla dodadre gerungwa Chube oledige kaire ama gerudu me no kwian Chubenudi kwian bai kaire ulita kle toi nga ngaña giti Chube oledi.

Apocalipsis 18:20

Chube ji gbu kweri kwian toinga una Babiloniage giti kwian e agedu me no kwian Chubenu dollale gdale, malen e giti kwian ulita kle toi nga ngaña giti Chube ole kwian Jesucristo gerua ganga ulita, kwian ulita Jesucristo gerua ketanga dabage, kwian ulita Chube gerua ketanga, ama ulitadi nga sugadale no Chube agedu kwian una Babiloniamu ole giti. Chube kwian ulita amanu jia junnga kwian una Babiloniamuge.

Apocalipsis 8:13

Bigire cha gwagedu mu kweria gbaitedi ji chienga nga ngaña giti sui jwennga kweri kwian be boi giti, mu e gerudu kiraske: “Ay, ay, ay, cha tai dage kwian nga dba giti ulitage. Lle boanga Chube alin na gdamai ulita be ngwane trompetage gdaite gdaite gire be boi tirare ulita nga dba giti.”

Apocalipsis 9:12

Boidu ene tirare ngeru bitaitege tangle, kaire bebi na bitabokege tangle boidale tirare.