Apocalipsis 12:1 - Buglere

¹ Cha gwagedu nga ngaña giti be boi tiraredi, muinga gdaite medu chage mo bliaba chuira chrallaske mo ñometra kare, dai kledu ama sera gwaru, muinga chugage lle sombrero kare kledu gbaba, lle sombrero ga giti tangle beu gbataboko giti gbaboke kledu.

Apocalipsis 12:1 ပူးပေါင်းရင်းမြစ်များ

Mateo 12:38

Kwian fariseo mneite kaire kwian daba tkanga tangle Moisés chadalla giti mneite gerudu Jesu ole: —Kwian tkanga tangle geruge, ba kle gerule Chube ba kagu nga dba ai giti, cha takalin nege ba lle daga ngwale no kweri dodade kwian me ña dodade mo kira giti kare, ba lle ene dodade cha ulita gwa giti, ene be chke uñale trate cha ulitage ulia Chube ba kagu ba kle age Chube kiralla giti.

Mateo 24:30

Nga be boi ene ulita gire Chube be cha kageni, cha be chieni nga dba ai giti ngnagu bogakwaske Chube kirallaske, chui ege kwian ulita nga ulitamu be gwage chadi cha noare cha kweri, ulia cha kwian ulita Chugagwalla. Kwian ulita be gwage chadi chieni ene gire ama be kennga tanre kaire be ta olire tanre mau giti, be suge trate ama ulitage e cha amaña chiu nga dba ai giti kwian kare kle chieni nabitaite.

Lucas 21:11

Kaire nga be jwlien tanre, kegde kweri be chite tanre nga tanrege, kaire bli suia kweri be kle tanre, kwian ngle be jogeda bli kweri kote, kaire jingme tirare be chage tangle nga ulitage, kaire lle tirare be meñe nga ngaña giti, kwian nga dba ai giti ulita be gwage nga ngaña giti ulita boi ene gire kwian ulita be kwachie tanre.

Lucas 21:25

’Chui ege chui, dai, beu ulita be jwlite nganake tirare, ni kwian gwageba chuidi daidi beudi boi ene kare. Kwian nga dba ai giti ulita be gwage nga ngaña giti ulita boi ene gire kwian ulita be kennga tanre. Kaire chui ege ble mi kle ble kle kare, ble be gdade tirare kwian ologe, kwian be kennga tanre ble chite tiraredi.

Juan 3:29

Nege ama chku, kwian kle chage ule ama ole, e giti nga chege suga no no chadi. E salengwli kwian onbre be mo jwen chuialla gbe, ama be skatemanalla gdaite gbe lle ulita gbe biale mo jwen chuiage alin. Mo jwen chuia chke gire onbre, muire kle ule, ulita kle no. E giti skatemanalladi nga be chege suga no no. Ene kaire nga suga no chadi Cristo chku kwian kle chage ule ama ole.

Hechos 2:19

Nga ngaña giti cha be lle tanre tirare gbe, e ulita be meñe kwian gwage, kaire nga dba giti be boi tirare, kwian tanre be daba gweda, lle tanre be kuge, jiangwa be chege skateda bogakwa kare nga dba giti.

Romanos 13:14

Che me chagedale age me no ene, agwa ma no che ulita mo ta gbe chege sugekare age me no ulitage chage no che Chugagwalla Jesucristo chagedu kare kwianske nga dba ai giti, che ulita tale che talla me no kle, che me mo chugadale ngwadi age me no che ta agekalin kare.

Romanos 3:22

Jesucristo alin giti Chube kwian jwen siere ji chugege kwian agedu me no gdale, kwian ulita bai kaire mo ta gbe Jesucristo gai ulia mo tale, kwian ene ulita israelita me israelita chege no trate Chube gwage.

2 Corintios 11:2

Cha tañachuge tanre ba ulita giti, cha tañachuge ba giti me cha talla, Chube kle cha ta gbe tañachuge ba ulita giti. Cha geru Cristo giti du ngeru baske, cha giti ba Cristo gau ulia malen cha ta ba manakalin no Cristo geruadi, cha takalin ba ulita mo ta gbe cha geru ketu bage kare Cristo giti e alin gai mo alin diali me kwian geru nganake dbanga chuge ngwadi ba ta gbe joge siere geru uliage joge geru na nate, cha takalin ba mo ta gbe diali geru uliage ba ulita mo ta gbaba geru gbaitre alin Cristo giti gai ulia mo alin.

Gálatas 3:27

Ba ulita Cristonu mo ñeangu chiske giti ba mo ta gbu ule Cristo talla ole age Cristo takalin kare.

Gálatas 4:26

Agwa una Jerusalén na nga ngaña giti, una e kwian Chubenu ulia unalla, kwian Chubenu ulita be toi una ege, kwian ene Sara kirolla kare. Kwian Chubenu ulia me kle tañachuge age diali Moisés chadalla alin gerule kare, e salengwli Sara me lle boanga kwian na alin kare.

Gálatas 6:14

Kwian e gerule ene no mo giti kwian na ole ama kle age giti, agwa cha me tañachuge ene, cha alin me no gerule mo giti daba na ole cha agedu giti. Cha ta gerukalin no kwian na ole che Chugagwalla Jesucristo agedu kruge alin giti, Jesucristo jokeda kruge cha alin, e giti Jesucristo cha ta ngeru ulita blitu, ene cha ta e ulita chugu ngwadi, nege cha me tañachuge dare cha tañachugu ngeru kare, suge chage Cristo alin giti cha Chubenu cha age Chube takalin kare, nege cha me age cha takalin kare.

Efesios 5:32

Chube gerua e no kweri chkedale uñale nate chege, suge chage geru e kle gerule onbre muire mo jwen giti agwa kaire kle gerule Cristo giti kaire kwian Cristonu giti.

Apocalipsis 1:20

Ba kle gwage beu gbagukedi cha kote cha ko taingwli giti, kaire ba kle gwage lle gdaguke orole dodaba jichra gbangwa cha giti tangle. Nege cha geru ñachuge ba ole lle gdaguke giti. Beu gbaguke kle cha kote chege salengwli kwian Chubenu chugagwalla gdaguke kle Chube gerua kete kwian Chubenu mne gdaite gdaite una gdagukege. Kaire agwe lle gdaguke orole dodaba jichra gbangwa chege salengwli kwian Chubenu ulita mne gdaguke toinga una gdaite gdaite kaire kaire gdagukege nga kweri Asiage.” Jesucristo gerudu cha ole ene.

Apocalipsis 11:19

Gire u gerungwa Chube olege nga ngaña giti u e ugakalla chegu degabanga, gire ne ngwadi gwa u ege cha gwagedu glidrega dodaba unsuialin tangle kwian israelita alin lle ogangwadi, lle ogangwa e toli lle gbaba egdage Chubenu kledu, lle e giti kwian tachke Chube agedu giti ama alin kaire tachke Chube kle diali ama ole. Glidrega dodaba e giti nga kledu ko chrachienga nga gdadu kweri tirare, enusulindra gdadu kaire nga dba giti nga jwliendu kegde chitedu kweri kaire noi boidu tanre noi chegu sklieba mno kweri kweri bialin nga skeke kote chku nga dba giti.

Apocalipsis 12:3

Gire cha gwagedu nga ngaña giti nabitaite be boi tiraredi, lle kweri dabere jegwale jorisi kare medu chage, lle e jiga molen sera molen, ama chuga gbaguke molen, ama kuda gdataboko molen kaire lle sombrero kare kledu gbaba chuga gbaite gbaitege.

Apocalipsis 15:1

Bigire cha gwagedu nakwaite nga ngaña giti be boi tiraredi, cha gwagedu lle boanga Chube alin gdagukedi lle boanga e kledu biale ji tirare gdaguke gbe bdagli kwian ulita nga dba giti alin agedu me no giti, ege dare Chube mi mo ta gbe ji tirare gbe kwian giti dare.

Apocalipsis 21:14

Kechuga kweri kweri gbataboko giti gbaboke kledu gbaba gbaite gbaite unadi tangle, kechuga e ulita kledu gere ulita una edi tangle gatedi kiraske. Kechuga gbataboko giti gbaboke giti kwian Jesucristo gerua ketanga dabage kalla kledu degaba gdaite gdaite, kwian e ulita chagedu Bda Cordero amaña Jesucristo ole ule Jesucristo kledu toi nga dba ai giti kwianske gire, kwian e kalla gdaite gdaite kledu degaba kechuga gbaite gbaite giti.

Apocalipsis 21:23

Una ege ni chui ni dai chratigenga una ege, Chube chralla kledu chratigenga kaire Bda Cordero jichra kare, Chube chralla kaire Bda Cordero chralla giti kwian ulita una ege kledu toi nga chra Chube agalinu giti.