Apocalipsis 11:8 - Buglere8 Ama gdaboke e guleda ama jaba chegu jon kweri kwian ulita kle chagege una kweri Jesucristo guleda kruge ngwadige una Jerusalénge, kwian toinga una ege agedu me no tanre, malen e giti una e chegu salengwli una unsuialin tangle kada Sodoma kare kaire una e chegu salengwli nga Egipto kare. Kwian una ege agedu me no me no kwian gdaboke gerunga Chube giti e ole malen e kada una Sodoma kare kaire nga Egipto kare kwian kledu age me no giti. အခန်းကိုကြည့်ပါ။ |
Apocalipsis 11:8
40 ပူးပေါင်းရင်းမြစ်များ
E kare ene kaire Jesucristo jo dbaba nga gballage sugekare una kweri kwian me kledu toi ngwadige, gire eni Jesucristo boidu tanre daga ngwale ama guleda kruge gire ene Jesucristo jokeda giti che agenga me no ulita ama gerua gai ulia che tien gitiru ji chugege age me no gdale, che chege trate Chube gwa giti Jesucristo jokeda giti.
Kaire unsuialin Lot suiale una kweri gdaboke kada Sodoma kaire una kada Gomorra, una e bokege kwian ulita kledu age tanre me no me no, Chube me taidu dage kwian ege, Chube una e boke gugu ulita, una kweri boke ulita kwiange llagli kugedu jitage, una tan mnuña alin chegu jita kote. Chube agedu ene mo kira giti unsuialin, e chege gda uñale kwian na ulita agenga me no be toi chui bdagli ngnagu alin ta gbagda, sugedale kwian chudalla ulitage age tanre me no gdale Chube una boke kweri ulita gugu.
Lle boanga Chube alin nga ngaña giti agedu me no me no, ene kaire kwian una Sodomamu una Gomorramu kaire una na tanre kodi una boke kweri ege ulita agedu me no. Kwian ulita una ege mo ta gbu age me no me no diali, muinga tanre kwian onbre tanre mo chugu ngwadi mo chuge ke giti, muinga na tanre me takalin onbrege, muinga jritedu mo muire salengwlidi, kaire kwian onbre na tanre me takalin muingage, kwian onbre jritedu mo onbre salengwlidi. Age ene gdale kwian ji chugu jita kote kwian ulita kugedu jita kote una ege. Chube agedu ene kwian agenga me no ole unsuialin, e chege gda uñale kwian na ulita agenga me no be toi chui bdagli ngnagu alin ta gbagda.
Kwian gdaboke e joni ene nga ngaña gitini gire sugetibi allabi nga jwliendu kegde chitedu kweri tirare, nga una ege gweale gdaite ulita jo skianbada gire kwian ngle siete mil jokeda nga jwliendu kegde chitedu kbiale. Kwian bai kaire chegu gwade ama ulita chegu ta kennga ole tanre, kaire ama gerudu no Chube giti chru ole ta kenngaske ene: “Chube toinga nga ngaña giti ba kweri kira molen ulia, ba ñage age ulita.” Kwian gerudu no ene Chube ole ta kenngaske.
Lle boanga Chube alin ngeru gdaite gerudu ene, gire lle boanga na gdabokedale lle boanga ngeru ka junnga gerule dare, ama gerudu ene: “Ulia ulia una kweri una Babilonia chegu skianbanga ulita, chegu me no kwian agedu me no kbiale, kwian toinga una ege ama kwian na nga ulitamu gbu boi daga ngwale age me no tanre gire e giti Chube ji gbu kwian una Babiloniamu giti.”
Chube nga gbu jwlien tirare ene gire una kweri Babiloniage skiendunga bitamaige tangle, Chube me ta jonga una Babiloniage kwian una ege kle age me no me no giti, Chube ta skochiu tanre kwian agedu me no tanre sugaska Chube dollale gdale, gire Chube ji gbu tirare kwian una emu giti ene. Kaire una nga dba giti ulita skiendunga ulita jo dba chegu me no.
Lle boanga Chube alin gdaguke chagedu lle jogda kare gbaguke dbe kote gdaite gdaite ama agedu ulita ama kagle kare, gire lle boanga e gdaite chiu cha gitigu gerudu cha ole: “Bai aini cha be ji kweri Chubenu kaite bage, ji kweri tirare cha be gbe muinga gdaite chagenga kwian onbre tanre ole giti, muinga e kle toiba dba chi tanre giti nga dba giti, muinga e chege salengwli una kweri gdaite kare kwian chugagwalla kweri ulita una emu chege kwian chugagwalla nga dba giti ulita kaganga kare.
Muinga e skadagda giti chada gweale kledu degaba, chada e kwian gbu tañachuge, me sugedu kwian nage chada e kle gerule llema giti, chada kledu degaba muinga e skadagda giti ene: “Muinga ai kada una kweri Babilonia kare. Muinga ai chege muinga na chagenga onbre tanre ole chebiale, kaire muinga ai kwian ulita agenga me no sugaska chebiale age me no giti.” Chada kledu degaba ene muinga e amaña skadagda giti.
Kwian una Babiloniamu boidu tirare daga ngwale ene agedu me no gdale gire kwian chugagwalla ulita ama skatemanallale chegu ta kennga gwage amadi bate, ama gerudu ene: “Ulia ulia cha ulita tai dage bage ba ulita toinga una Babiloniage, una Babilonia kweri noare agwa sugetibi allabi hora gdaitre alinge ji chku gbaba ba ulita giti ba agedu me no me no Chube dollale kbiale.” Kwian chugagwalla nga ulitamu kwian una Babiloniamu skatemanallale gerudu ene kwian toinga una Babilonia giti.
Lle boanga Chube alin gdaite kiraske tanre ama kechuga gbaite kweri gau ngaña kodi, kechuga e chege salengwli kechuga kweri kweri lle gweale ugagda kare. Lle boanga kechuga e mliu bleske, ama gerudu ene: “Ke ai cha mliu bleske e kare ene una Babilonia be chege skianbada ulita chege me no diali dale alin, ni una e be chege naskuni ngeru kare.
ကြော်ငြာတွေ