Apocalipsis 11:2 - Buglere

² Agwa ba me nga goga tangle u gerungwa Chube ole ugakallage ñachugeda. Nga e jo ketaba kwian me israelitage malen ba me nga e amanu ñachugadaleda. Kwian me israelita e be chage age me no tanre una no Chubenu kada Jerusalénge dai ngle dai cuarenta y doge (dai e salengwli chura gdamai giti dai gdaderekege kare).

Apocalipsis 11:2 ပူးပေါင်းရင်းမြစ်များ

Mateo 27:53

Kwian chkuni gwade ama chegu ne ngwadi, Jesu chkuni gwade gire kwian e ulita jo una Jerusalénge, kwian na tanre gwagedu kwian jogebakeda chkuni gwadedi.

Mateo 4:5

Jesu gerudu ene gire Satanás jo Jesu dbe una no Chubenu kada Jerusalénge, jo chke llani gire ama Jesu du ngaña u jiri bdagli giti u gerungwa Chube ole giti, jo chke ngaña gire Satanás gerudu Jesu ole: —Ba Chube Kirolla ulia ba skwen dbige aini. Chube gerua degaba unsuialin gerule: “Chube be lle boanga mau alin nga ngaña giti kage ba alin, lle boanga Chube alin be ba manade. Lle boanga Chube alin be ba gai ngwange kote, ene ba me lentige, ni ba be sera lentige kege.” Chube gerua degaba unsuialin gerule ene malen ba ñage skwen dbige aini ba mi lentige dale.

Mateo 5:13

Jesu gerudu dare kwian geru jwannga amage ulita ole: —Cho mana noare agwa cho joge skeke gire cho ene me ñage jwliteni naskuni bale gutadale. Cho sketigeda me no, kwian cho ene mlienga goga tangle, kwian chage cho e giti ama me tallade, cho e ngwale. Ene kaire ba me toi no daba gwa giti Chube takalin kare, Chube be ba gbe ji chuge, ene ba be chege salengwli kwian kle cho sketigeda mlienga kare. Ba toidale no kwian ulita gwa giti Chube takalin kare, ene Chube ñage ba gbe lle boi ama alin nga dba ai giti Chube takalin kare.

Lucas 21:24

Guardia donga ngle kwian me israelita alin be kirachke kwian israelita una Jerusalénmu ulitadi, guardia donga e ulita be kwian israelita tanre gweda be kwian israelita na tanre dbe tkale skage nga na ulitage. Be boi ene ulita kwian israelita una Jerusalénmu ulita ole gire kwian me israelita be una e gai mo alin. Chube be kwian me israelita chuge ngwadi dole ene kwian israelita ole sbali, kwian me israelita dole ene chuia be bidege gire Chube mi ama chuge ngwadi age dare kwian israelita ole.

Hebreos 10:29

Kwian bai me Chube gerua Moisés nu degaba gau dage boidu ene ulita, e giti ñage suge chege ulia Chube be ji gbe ma tirare kwian giti kwian ulita bai kaire Jesucristo gerua gaba bigire mo ta bliteni Jesucristo Chube Kirolla gai ngwale giti. Jesucristo jokeda kwian gbadale trate no Chube gwa giti agwa kwian e kle Jesucristo ibade kidere Jesucristodi tañachuge Jesucristo jokeda kwian ngwale agenga me no kare. Kaire kwian kle gerule jain jain jere jere Chube Oña kle age no ama alin dollale. Kwian e kare ene ulita giti Chube be ji ma tirare gbe kwian kle age Chube dollale gdale.

Apocalipsis 11:11

Agwa chui gbamai jo tangle chui na bonga gire Chube kwian gerunga ama giti gdaboke e gbuni gwadeni, onbre gdaboke e chkuni gdate gire kwian bai kaire ulita gwagedu boidu gitidi kwian ulita e kendunga tanre.

Apocalipsis 11:3

Kaire cha be kwian gerunga cha giti gdaboke kage mo ngama tkaba kwian oli kle mo ngama tke ñometra jereske kare. Ama gdabonate be cha gerua trage kwian ole una ege chui ngle chui mil doscientos sesentage (chui e salengwli chura gdamai giti dai gdaderekege kare).” Gerudre ene cha ole kwian gdaboke giti.

Apocalipsis 12:6

Gire muinga jo kige nga gballage Chube nu nga gbaba biale muinga alin kigengwa eni. Ama manabe ama ullabe bligdadi chui nglege chui mil doscientos sesenta.

Apocalipsis 21:10

Lle boanga gerudu ene cha ole, gire Chube Oña chku chadige, cha chegu ama kirallaske. Gire lle boanga amaña cha du jwichuga kweri jeike gwagda giti ngaña gire ama una kweri no Chubenu kada Jerusalén kaitu chage, una e chiu nga ngaña giti gwadbiguda chiu Chube gwa giti nga dba giti.

Apocalipsis 21:2

Gire cha Juan gwagedu una noare Chubenudi una jagere ka jwankle Jerusaléndi. Una jagere e kledu chie nga ngaña giti Chube kle ngwadi gwadbiguda chke nga dba ai giti. Cha gwagedu no una edige, una e chegu cha gwage salengwli muinga kle mo jwen kle mo ngama tke no kare ama skatemanalla onbre ama be mo jwen ole manade ngwange kare, ene una e kare medu chage.

Apocalipsis 22:19

Kaire agwe kwian bai kaire geru kle degaba chada ai giti jwennga siere sidri me geru kete ulita kwiange kle degaba kare gire ene Chube be ama jwen siere jige sugekare Chubege, kwian e me ñage gli kwian gbagda toi chui tangle gba gute, ama me ñage toi una no Chubenuge. Una ai giti kaire gli ai giti geru kle degaba ulita chada ai giti.