3 Juan 1:5 - Buglere

⁵ Ba cha daballa Jesucristo giti, noare ba kle mo ta gbe diali daba ulita Jesucristo gerua dbanga chudaboi, ba kle ama gai ngwange no mo ullage, daba Chubenu bai kaire kle chie nga nage ni ba ama uñe agwa ba kle mo ta gbe daba ene chudaboi no.

3 Juan 1:5 ပူးပေါင်းရင်းမြစ်များ

Mateo 24:45

Jesu gerudu ene ulita ama be chieni chuia giti gire Jesu geru ñachugu kwian lle boanga u mauña alin giti: —Cha gerule ba ulita ole, ba kledale biale cha manade ngwange lle boi no diali cha takalin kare. E salengwli kwian gdaite lle boanga no u mauña alin kare. Kwian lle boanga e ta molen lle boi, u mauña be joge toi nga nage chui gwealege gire u mauña be kwian lle boanga no e jige lle boanga na ulita chugagwallale, lle boanga no ene be lle boanga na ulita manade no be bligda kete ama ulitage gutadale, be age ulita u mauña gerudu kare.

Mateo 25:16

Kwian lle boanga gdaite igi gau cinco mil mo chugagwallage, kwian lle boanga e lle gweale gigu igi e giti gire lle chbadu, kledu age ene gire igi jriendunga ama ole bitaboke tangle ma ngle, bdagli igi chku ulita ama ole ngle ngle diez mil.

Lucas 12:42

Jesu gerudu Pedro ole: —Cha gerule ba ulita ole, ba kledale biale cha manade ngwange lle boi no diali cha takalin kare, cha geru ñachuge bage ai kare: Kwian gdaite lle boanga no u mauña alin, kwian lle boanga e ta molen lle boi, u mauña be joge toi nga nage chui gwealege gire u mauña be kwian lle boanga no e jige lle boanga na ulita chugagwallale, lle boanga no ene be lle boanga na ulita manade no be bligda kete ama ulitage gutadale, be age ulita u mauña gerudu kare.

Hechos 1:15

Chui e suiale kwian ngle ciento y veinte nu Jesu gerua gaba kledu mo litaba ule kwian Jesu gerua ketanga gdataboko giti gdaite ole. Kwian ngle e ulita gwa giti Pedro gerudu: —Cha daballa cha ibotea Jesu giti, cha gerule ba ulita ole, boidu ulita David Chube gerua degu unsuialin gerule kare, unsuialin Chube Oña David gbu chada dege Judas-Iscariote be boi ulita giti. Judas-Iscariote kwian Jesu dollale jonlla dbanga Jesu ngwadi Jesu gai tkadale skage.

Romanos 12:13

Daba gweale me lle molen toigda no, ba daba ene Chubenu chudaboadale lle monu girabate ama ole ene ama ñage lle molen toigda. Ba daba na gadale ngwange no ba ullage.

Gálatas 6:10

Uñale chege che age no Chube takalin kare che me kle age ngwale, malen noare diali che ñage kare che mo ta gbadale age no kwian ulita alin kwian ulita chudaboi, che me ta jogedalenga age no daba Chubenu alin diali, che daba Chubenu Jesucristo giti chudaboadale ngeru kwian na ulitage.

Colosenses 3:17

Ba ulita mo ta gbadale age ulita gerule ulita che Chugagwalla Jesucristo takalin kare. Jesucristo giti ba diali ñage gerule no Chube che Ñenua ole ene: “Chube, cha kle gerule no ba giti ba agedu no cha alin giti, ba kle cha manade no. Noare ba kle cha chudaboi toi daba ole ba takalin kare. Cha no ba ole.” Ba gerudale no ene diali Chube ole Chube kle age no ba alin giti.

Hebreos 13:2

Kwian ulita chagengale kle joge chke ba ullage ba mo ta dbadale no kwian e ole, ba kwian e gale ngwange no lle ulita giti me tañachuge me no kwian edi. Ulia me uñale bage kwian e ngwale o kwian e lle boanga Chube alin nga ngaña giti kle chage basale badi, kwian gweale nu lle boanga Chube alin nga ngaña giti gaba ngwange no mo ullage, ni uñadu amage lle boanga Chube alin kle chage basale, ama tañachugu kwian ama kare kle chage. Malen ma no ba mo ta gbe kwian ulita gai ngwange no mo ullage.

3 Juan 1:10

Malen e giti cha be joge chke ba ulita ngwadi gire cha be ka boi mno tanre Diótrefes ole ama kle mo ta gbe chagé age giti, ama kle geru jinade ngwale chadi. Ama me kle age ene alin allabi agwa ama kle age tanre me no. Ama me takalin daba na Chubenu gakalin ngwange no ama ngwadi gwa, kaire kwian na bai takalin daba Chubenu gai ngwange no mo ngwadi gire ama me kle daba e chuge ngwadi daba na gai ngwange daba chudaboi. Ama takalin daba chege ama kare ulita age ama kle age kare. Kaire agwe daba gweale me kle Diótrefes kerua gai dage agwa kwian kle age no daba Chubenu chudaboi gire Diótrefes kle kwian daba chudaboanga e mlie siere u mo litangwage, Diótrefes me takalin kwian daba chudaboanga e chege mo lite ule daba Chubenu na ulita ole.

3 Juan 1:3

Ulia cha gerule ba ole, nga suga noare chadi ba giti, che daballa gweale Jesucristo giti chku aini cha kle ngwadi basale chadi gire ama geru tragu ba giti cha ole, ba diali kle mo ta gbe Jesucristo gerua ulia giti, ba kle toi no trate ulita Chube gerua ulia gerule kare, geru ketre chage ene ba giti, e giti nga suga noare ulia chadi ba giti.