3 Juan 1:11 - Buglere

¹¹ Ba cha daballa no Jesucristo giti, ba ole cha gerule, ba me agedale Diótrefes kle age kare. Ba me sui jwen amage age me no ama kle age kare, ma no ba sui jwen daba agenga noge. Kwian bai kaire kle age diali no Chube takalin kare kwian ene Chubenu ulia, agwa kwian bai kaire kle age me no diali Chube dollale kwian ene me Chubenu dale ama me Chube uñe.

3 Juan 1:11 ပူးပေါင်းရင်းမြစ်များ

Juan 10:27

Kwian chanu cha kerua gbe gdadi, ama cha gai dage, ama ulita chage cha gerule kare, cha ama ulita uñe.

Juan 12:26

Kwian bai ta lle boakalin no cha alin, kwian ene mo ta gbadale diali chage cha ole age cha takalin kare, kwian ene mo ta gbadale biale boi daga ngwale cha boi daga ngwale kare. Kwian lle boi cha alin ta ene ole, kwian e alin cha Ñenua be age no no diali.

1 Corintios 11:1

Cha kle mo ta gbe gwage Cristo nate Cristo chagedu kare kwianske nga dba ai giti, ene kaire ba ulita mo ta gbadale gwage cha nate cha kle chage kare kwianske.

1 Corintios 4:16

Ba ulita cha kirogwalla kare Jesucristo giti, cha ba ulita ñenua kare, cha takalin ba ulita mo ta gbe chage Jesucristo ole cha kle chage kare.

Efesios 5:1

Ba ulita Chube olia kare Cristo giti, Chube no no ba ole, ba mo ta gbadale chage Chube talla ole age ama takalin kare.

Filipenses 3:17

Cha daballa cha ibotea Cristo giti, ba chagedale cha chagedu baske kare. Ba gwagedu chadi kaire cha chagemanalladi cha ulita chagedu mine ba gwa giti. Nege ba kle gballa, ba gwage daba nadi bai kaire kle chage cha chagedu kare, ba chage ama kle chage kare.

1 Tesalonicenses 1:6

Ba ulita mo ta gbu chage cha chagedu kare kaire Chugagwalla Jesucristo chagedu nga dba ai giti kare. Ba Jesucristo gerua gau ta suga noare ole, e Chube Oña ba ta gbu, ba ulita boidu daga ngwale Jesucristo gerua giti, agwa ba ulita me talladu, ba geru ulia gau ulia diali no.

1 Tesalonicenses 2:14

Cha daballa cha ibotea Chubenu, ba ulita boidu daga ngwale ba bitalla kote geru Jesucristo giti gdale, boidu ene kaire kwian Chubenu kle Jesucristo geruadi kle toi una kaire kairege nga kweri Judeage jo jritaba nate bitalla israelitage geru ulia gai gdale.

2 Timoteo 3:10

Timoteo, uñale bage ba gwagedu chadi cha kwian tku tangle mine Chube geruage, ba gwa giti cha toidu cha chagedu mine dabaske, cha mo ta gbu lle boi no Chube alin, cha mo ta gbaba Chube gai ulia, kwian bai me ta geru gakalin blike ole cha me skochiu, cha mo kira gbuda jage ulita,

Hebreos 6:12

Cha me takalin ba mo ta gbe kianle me age Chube gerua gerule kare, agwa ma no ba mo ta gbe gwangerugu kiraske Chube giti kwian na Chube gerua ganga unsuialin tangle kare. Kwian e Chube gerua gau ulia ulia me mo ta gbu skwatige manade tanre Chube be age Chube gerudu ama ole kare, ama manadu ta no ole, uñadu amage Chube be age ulita Chube gerudu kare ama ole. Ama manadu ta ene ole, malen Chube agedu no ama alin Chube gerudu kare. Ba mo ta gbadale salengwli kwian e agedu kare ulita.

1 Pedro 3:11

Ma no mo ta gbadale joge siere age me noge mo ta gbadale age no mo ta gbadale toi no taingwli daba na ulita ole diali gwangerugu.

1 Pedro 3:13

¿Chema ñage age me no me no ba ole ba ulita kle mo ta gbe diali age no Chube takalin kare? Ba kle age no giti kwian me ñage age me no ba ole.

1 Juan 2:29

Uñale ba ulitage Jesucristo no trate agenga no diali, kaire chkedale uñale bage kwian bai kaire kle chage age ulita trate Chube takalin kare, kwian ene ulia Chube olia.

1 Juan 3:10

Kwian kle mo ta gbe age giti chke nate uñale chege trate ama Chubenu o ama che dolla Satanánu. Kwian bai kaire kle chage age me no, kwian kle age giti chke nate uñale chege ama me Chube oliale dale, ama che dolla Satanás oliale ama kle mo ta gbe agenga diali me no. Kaire kwian bai kaire me kle mo ta dbe no daba ole, e giti chke nate uñale chege ama kaire me Chube oliale dale, ama che dolla Satanás oliale.

1 Juan 4:1

Cha bitalla ulita Jesucristo giti, cha no ba ole, cha ba ta gbe ene: Ba me mo ta gbadale kwian ulita gerua gai ulia kwian gerule ba ole ama kle chage kwian tke tangle Chube gerua ulia giti gire. Ba me ama ulita kerua gai ulia blikare dale, agwa ma no ba kwian ene ta chugeda ulia ama kle chage Chube Oña talla giti o ama kle chage che dolla talla giti. Ba ama ta chugadaleda, ene be suge ma trate bage ama ulia Chubenu o me. Ulia ulia nga dba ai ulitage kwian tanre kle chage daba tke tangle geru ngwale me uliage, kwian e kle gerule ama kle chage geru ulia Chube giti kete kwiange, agwa me ulia dale ama kle kwian anblite ngwale.