2 Timoteo 1:9 - Buglere

⁹ Chube che jun siere ji chugege age me no gdale, Chube che gau chagedale trate siere age me noge. E me gerule che agedu ulita ngeru no malen ama che jun siere ji chugege age me no gdale, me dale ene, che me ñage tien gitiru agali ji chugege che age me no gdale, Chube mo tale agali ta gbu age no che alin, ngeru ngeru nga dba ai ulita bebi dodadale Chube mo ta gbu age no che alin Jesucristo giti.

2 Timoteo 1:9 ပူးပေါင်းရင်းမြစ်များ

Mateo 1:21

María be kirogwa onbre molen ama ka be chege Jesu, ama be mo bitalla ulita jwen siere ji chugege age me no gdale, malen ama ka be chege ene Jesu.” Lle boanga Chube alin gerudu ene José ole gbire.

Lucas 10:21

Jesu kle gerule ene kwian setenta y dos ole gire Jesudi nga suga noare Chube Oña kirallaske, Jesu gerudu Chube ole: “Cha Ñenua, ba nga ngaña giti nga dba ai giti ulita Chugagwalla, nga suga noare chadi ba giti, ba noare ulita. Kwian me geru molen ama ta ba gerua gakalin ulia blike salengwli kirogwa geru gai blike kare, noare ba kwian ene ta gbu, ene amage ba gerua sugedu. Agwa kwian geru molen geru jun tanre lle ulita giti, kwian enege ba gerua me sugedu, ba gerua chegu ogabada kare amage. Chadi nga suga noare ba giti, ba kle kwian ta gbe ba takalinge kare, e no cha Ñenua.”

Juan 17:24

Cha Ñenua, ba no cha ole diali, ba nodu cha ole unsuialin nga ulita bebi dodadale, malen ba cha gbu kweri ba kle ngwadi. Ba kwian ai ulita ta gbu chage cha ole, cha takalin ama ai ulita joge cha ngwadi cha be kle ngwadi, ene ama ulita be gwage chadi cha noare kweri.

Juan 17:9

Cha kle gerule ba ole ama ulita giti, ba ama ta gbu chage cha ole, ama ulita banu, ba ama manade no, ba ama chudaboi no. Kwian e alin giti cha kle gerule ba ole, cha me kle gerule ba ole kwian me banu giti.

Juan 6:37

Cha Ñenua kwian ta gbe no cha ole, kwian ene ulita be cha gai ulia, kwian ulita bai kaire cha gai ulia cha mi ama kage siere, agwa cha be ama gai ngwange no.

Hechos 15:18

Chube gerudu ene ulita. Unsuialin uñadu ulita Chubege bdagli giti kle boi nege tangle giti e ulita uñadu Chubege ama be age ene kwian alin.” Chube gerua degaba unsuialin gerule ene.

Hechos 2:47

Kwian Jesu gerua gaba kledu gerule no diali Chube giti: “Chube no no, ama cha Chugagwalla kweri, ama kle age no cha alin diali.” Kwian ulita na gwagedu kwian Chubenudi ama kwian no ulia. Chui kaire kairege Chube kwian na ta blitu Jesu gerua gai ulia, ene gire kwian na tanre mo litu ule daba Chubenu ulita ole Jesu geruadi.

Romanos 11:14

Cha kwian israelita, geru dbe giti kwian me israelitaske e giti cha takalin cha bitallage suge me no ama alin cha kle geru dbe ba ulita kwian na me israelitaske, ene ama be ta geru Jesucristo giti keruchugakalin, ene ama ñage Jesucristo gai ulia mo jwanngale siere ba kwian me israelita Jesucristo gau ulia kare.

Romanos 11:29

Unsuialin Chube gerudu kwian israelita enusulian ole: “Cha ba oindalla ulita gau mo alin, ba kwian chanu, cha be age no ba alin kaire ba oindalla ulita alin.” Chube gerudu ene, Chube age ulita ama gerudu kare, Chube me mo ta blite ama gerule kare.

Romanos 16:25

Cha kle ba jige Chube kote, ama ñage ba kira gbe mo ta gbe kiraske diali geru uliage cha ba tku tangle kare Jesucristo giti. Chube me boi, ama chege gwade diali chui tangle, unsuialin Chube kwian tanre Chube gerua ketanga ta gbu chada dege be boi Jesucristo ole giti, boidu ene ulita Chube kwian ta gbu mo gerua dege kare. Ngeru Chube nga dodaduge Chube mo ta gbu Jesucristo kage nga dba ai giti kwian jwanle siere ji chugege age me no gdale, geru e chegu ogaba kare skwlenre ba kwian me israelitage, agwa nege geru e chku uñale bage kaire kwian na nga ulitage, ene kwian nga ulitage ñage mo ta gbe Chube gai ulia mo Chubeale Jesucristo giti age Chube takalin kare.

Romanos 3:20

Moisés nu Chube gerua degaba kwian geru e gai dage, kwian age geru e gerule kare, e alin allabi giti ni kwian gdaite be chege no trate Chube gwage, e giti kwian mi tien gitiru ji chugege ama age me no gdale, geru e jo degaba che ulita alin ta gbagda, ene chke uñale chege che kwian ulita agenga me no.

Romanos 9:11

Kirogwa boke bebi chke Rebeca kote, kirogwa boke bebi age no o me no gire Chube gerudu Rebeca ole kirogwa boke giti: “Kirogwa juma be chege lle boangale mo daballa nate alin, daballa nate be chege daballa juma chugagwallale.” Isaac kirolla Rebeca giti kirolla daba nate kada Jacob Chube ama gau gbu daballa juma kada Esaú chugagwallale, Chube agedu no ene Jacob alin me Jacob agedu gweale no giti malen Chube agedu Jacob alin, me ene, Jacob kle Rebecadíge bebi age no o me no, Chube tale Chube Jacob gau Chube takalin kare. Chube gerua degaba unsuialin gerule Chube agedu Jacob alin giti, chada e gerule: “Cha no no Jacob ole, cha agedu ma no Jacob alin me salengwli cha agedu Esaú alin kare.” Chube agedu ene unsuialin Jacob ole Esaú ole, e giti suge chege Chube me kwian gai kwian age gweale no giti ngeru gire Chube kwian ene gai mo alin, me ene. Chube kwian gai mo alin Chube me tañachuge kwian ageba ulita giti, Chube age kwian alin no Chube takalin kare.

Romanos 9:24

Chube che ta gbu suge ama gai ulia, che Chubenu, Chube kle tai dage chege Chube kle age no no che alin. Chube kle age no ene che kwian israelita alin, kaire Chube kle age no no kwian me israelita alin bai kaire Chube nu kwian me israelita ta gbaba ama gai ulia, kwian me israelita ene Chubenu kaire.

1 Corintios 1:18

Che ulita Chubenuge suge geru Cristo jokeda kruge giti geru e no geru kiraske, uñale chege Cristo jokeda kruge giti Chube che jwen siere ji chugege che agedu me no gdale. Agwa kwian me Chubenu ama Cristo jokeda kruge gerua gai ngwale, kwian ene kle jogebanga geru uliage, kwian ene be joge sugekare Chubege ji chugale.

Efesios 1:11

Chube kle age ulita ama nu mo ta gbaba age gwangeabi kare. Gwangeabi unsuialin tangle Chube mo ta gbu cha kwian israelita gai ngeru mo oliale cha Cristo gai ulia giti. Malen Chube cha kwian israelita ulita ta gbu ngerutabi mo jwannga siere ji chugege age me no gdale manade ngwange. Cristo chku Chube mo ta gbu kare gire cha kwian israelita gweale Cristo gau ulia, Chube cha israelita ulita Cristo gerua ganga gau mau alin toi Chube takalin kare gire ene diali cha ulita gerudale no Chube giti ene: “Ulia Chube agedu no no cha alin cha ama gerua gau ulia giti, malen cha gerule no ama giti cha no no Chube ole, Chube no trate ulita.” Cha kwian israelita gerudale no ene Chube giti Chube agedu no cha alin giti. Ene kaire cha israelita ulita Cristo gerua ganga giti kwian na be gerule no Chube giti.

Efesios 1:9

Chube mo ta gbu gwangea ama be age ulita Cristo giti kwian alin, uñadu Chubege lledale ama be Cristo kage nga dba ai giti, agwa kwian ulitage geru e me chku uñale. Agwa bdagli Chube che ulita amanu ta gbu chke Cristo giti ama mo ta gbu gwangea age giti che alin Cristo giti.

Efesios 2:5

Ngeru che ulita chagedu sugekare Chubege age me no tanre diali, che chegu kwian jogebada kare sugekare Chubege che agedu me no kbiale, Chube che jun siere ji chugege che agedu me no gdale, e salengwli Chube che jaba gbuni gwade kare.

Efesios 3:11

Chube agedu ene ulita, ama mo ta gbu gwangea kare ama age no kwian ulita alin che Chugagwalla Jesucristo giti.

Filipenses 3:14

Jesucristo alin cha ta lle boakalin no nga dba ai giti, ene nga ngaña giti bdagli Chube be age no cha alin be lle noare kete chage cha lle bo no nga dba ai giti ñanale.

1 Tesalonicenses 4:7

Chube me che gau mo ta dbe toi age me no diali, me ene, ama takalin che toi age no trate ama alin.

1 Timoteo 1:1

Cha Pablo chada ai degange ba alin Timoteo: Chube che jwannga siere kaire Jesucristo ama cha gbu ama gerua ketangale, Jesucristo che Chugagwalla, ama be chieni, che kle ama chieni chuia manade ngwange nga suga no ole. Timoteo, ba Jesucristo gerua gau ulia giti ba cha kirolla kare, cha takalin Chube che Ñenua kaire Jesucristo che Chugagwalla age noare ba alin ama tai dage bage ama ba ta gbe suga no diali, ene ba tale nga be kle suga no no badi, cha takalin ba toi Jesucristo talla ole diali.

2 Timoteo 1:1

Cha Pablo chada ai degange ba alin Timoteo: Chube tale Chube cha gbu Jesucristo gerua ketangale, sbali Chube gerudu Jesucristo alin giti allabi kwian ñage toi chui tangle diali Chube ole, malen Chube cha gbu geru e trage kwian ole.

Tito 1:2

kaire kwiange chke uñale chui be chke gire kwian Chubenu ulita be toi diali chui tangle Chube ngwadi Chube ole, kwian Chubenu ulita kle chui e manade. Ngeru ngeru Chube bebi nga dba ai ulita dodade Chube bebi kwian dodade gire Chube gerudu: “Kwian ulita bai cha gai ulia be toi diali chui tangle cha ole.” Chube gerudu ene, Chube me sodu, Chube gerule ulia diali.

Hebreos 3:1

Cha bitalla ulita Jesucristo giti, Chube che ulita gau mau alin ama che ta gbu Jesucristo gai ulia, malen ba ole cha gerule ene: Ba mo ta gbadale tañachuge ulia Jesucristo giti Jesucristo Chube gerua ulia ketanga kwian ulitage, ama giti suge chege Chube takalin che toi mine, kaire Jesucristo gerunga Chube ole che Chubenu alin che kle age me no giti, ama gerunga che alin Chube ole ma no trate ama ma kweri gerunga na Chube ole ulitage. Gire ene sugedale chege Jesucristo ñage che chudaboi ma no chudaboanga na ulitage.

1 Pedro 1:20

Ngeru Chube bebi nga ulita dodade Chube Cristo gbu biale agedale kwian alin, e kledu biale ene unsuialin chui nege dale alin. Cristo chku ama agedu no ba ulita alin,

1 Pedro 2:9

Agwa ba ulita Jesucristo gau ulia, Chube ba gau mo alin, ba Chube olia, Chube ba gau lle boangale Chugagwalla Jesucristo alin, Chube ba gau toidale no trate mo gwa giti, Chube ba gau mo alin Jesucristo giti, ba Chubenu ulia. Ngeru ba me Jesucristo uñu ba chagedu nga jereske kare, ba chagedu age me no sugekare Chubege, ba kledu ene gire Chube ba ta gbu suge Jesucristo giti salengwli jichra kle kwian gbe ten nga jereske kare, Jesucristo giti Chube ba ta blitu joge siere age me noge. Chube agedu no no ene Jesucristo giti ba alin, ama agedu ulita no ba alin ba tragadale kwian na ole.

Apocalipsis 13:8

Kwian ulita bai kaire me kle kalla gbaba Bda Cordero chadalla giti kwian e ulita lle gude chadale kare kwian anblitanga gai dage. Gwangeabi Chube bebi nga ulita dodade gire Chubege uñadu kwian bai be Bda Cordero gerua gai ulia kwian bai be geru Bda Cordero jo gwabada kwian age me no ñanale giti gai ulia, kwian e kalla gbere chada giti unsuialin tangle, ene kwian e ñage toi chui tangle diali dale Chube ole.

Apocalipsis 17:8

Lle gude chadale kare ba gwagedudi e amaña kledubi toi unsuialin tangle agwa nege lle gude chadale kare me kle toi, agwa ulia lle gude chadale kare e kle nga tira dbiuga jerege ama be chie bdugu nga ege, gire ama kagabe bdagli boi daga ngwale ma tirare ama gwabeda. Kwian ulita toi nga dba giti bai kaire ama kalla me kle degaba chada Chubenu giti Chube nga ulita dodadu gwangeabi gire, kwian e me Jesucristo gerua ganga me ñage toi chui diali dale chui tangle Chube ole, kwian e kare ulita be chege tañachuge tanre lle gude chadale kare e giti ama toiba ngeru giti, nege ama me kle toi agwa amaña be meñe nate gwade chui bdaglige. E giti kwian me Chubenu be tañachuge tanre.