2 Tesalonicenses 3:9 - Buglere

⁹ Cha Chube gerua Jesucristo giti traganga ba ole malen cha ñadu lle kade bage toigda, agwa cha me agedu ene dale. Cha lle bo ba gwa giti ene chkedale uñale ba ulitage che lle boi giti che lle molen me tañachuge daba na alin ñage lle kete chege toigda. Cha lle bo ba gwa giti mo alin ene kaire ba agedale cha agedu kare lle boadale mo managda.

2 Tesalonicenses 3:9 ပူးပေါင်းရင်းမြစ်များ

Juan 13:15

Cha ba chugagwalla, cha mo ta gbu ba ulita chudaboi cha ba ulita sera gligu, ba ulita mo ta gbadale no ene kaire, ba ulita agedale cha agedu kare ba ole.

1 Corintios 4:16

Ba ulita cha kirogwalla kare Jesucristo giti, cha ba ulita ñenua kare, cha takalin ba ulita mo ta gbe chage Jesucristo ole cha kle chage kare.

Gálatas 6:6

Kwian kle daba tke tangle Chube geruage, daba ulita bai kaire Chube gerua jwannga kwian tkanga tanglege, geru jwannga mo tkanga tangle chudaboadale no lle toigda ulita giti, ene kwian tkanga tangle ñage toi no ñage daba tke tangle dare.

1 Tesalonicenses 2:6

Cha me tañachugu ai kare mo tale: “Cha takalin kwian una Tesalónicamu kaire kwian nga nage gerule no cha giti kwian cha gbe kweri mo chugagwalla kare, ene kaire ama igi ketadale chage cha geru dbe amage ñanale.” Cha me tañachugu ene dale. Cristo cha gau cha kagu ama gerua dbe ba ulitage ñanale cha ñage igi kade bage, agwa cha alin ene me no geru dbe bage gire igi kade bage geru ñanale. Noare ba ulitaske cha mo ta gbu no ba ulita ole, cha ba manadu Chube geruage salengwli chebia kle kirogwa manade no kare.

2 Tesalonicenses 3:7

Ba ulitage uñale kwian Chubenu toidale mine kwian me Chubenuske, ba gwagedu chadi cha toidu mine baske, ba mo ta gbale toi no ene cha toidu cha chagedu kare baske. Cha me toidu baske ngwale, cha kledu baske diali cha lle bo mau alin mo kodi ene cha ñadu toi no,

1 Pedro 2:21

Ba boidale daga ngwale age no giti Cristo agedu kare, Cristo chagedu nga dba ai giti ama boidu tanre daga ngwale age no giti ba ulita alin, e chegu egdage ba ulita alin ba ulita mo ta gbadale ene Cristo agedu kare, ama no kwian ole ama mo ta gbu age no diali kwian ole boi daga ngwaleske nga dba ai giti, ama agedu ene ba ulita alin, ene chkedale uñale bage ba ulita mo ta gbadale Cristo mo ta gbu kare.

1 Pedro 5:3

Ba ulita daba Chubenu chugagwalla me tañachugadale ba daba Chubenu ulita kaganga, ba me ta sugedale ba daba Chubenu ulita mananga Chube geruadi malen ba ama mauña, ba me tañachugadale ene. Agwa ba ulita daba Chubenu chugagwalla chagedale ta giti ta no ole daba Chubenu ulitaske, ba chagedale age no daba Chubenuske, ene daba Chubenu ulita be gwage badi be ta agekalin no ba kle age kare.