2 Pedro 2:9 - Buglere

⁹ Unsuialin Chube Noé kaire Lot manadu no, ene Noé kaire Lot me boidu daga ngwale kwian agenga me no ulita boidu kare kwian agedu me no gdale, ene kaire nege Chube ñage kwian ulita manade no bai kaire mo ta gbe no ulia Chube ole Noé kaire Lot mo ta gbu Chube ole kare, Chube kwian ene ta gbe toi no trate Chube takalin kare kwian agenga me noske, ene chui bdaglige Chube ji gbe chuiage kwian ene be tien gitiru Chube be ji gbege. Agwa ji chuge chuia chke Chube be kwian agenga me no ulita gbe ji chuge chui tangle.

2 Pedro 2:9 ပူးပေါင်းရင်းမြစ်များ

Mateo 10:15

Cha gerule ulia ba ulita ole, chui be chke gire Chube be ji gbe kwian una ege alin bai me ba gau ngwange no me tadu Chube gerua keruchugakalin, kwian ene alin Chube be ji gbe ma mno Chube ji gbu kwian agenga me no ulita alin una Sodomamuge una Gomorramuge unsuialin tangle.

Mateo 6:13

Ba me cha chuge ngwadi che dollage, ene ama me ñage age me no cha ole. Ba cha jwen siere lle me no ulitage. Uñale chage ba kwian ulita Chugagwalla ma kweri, ba kiraske ba ñage age ulita mo kiralla giti, ba no no, ba ene diali chui tangle. Cha gerule ene ulita ba ole cha Ñenua. Ene nobi.” Ba ulita gerudale ene Chube ole.

Romanos 2:5

ni ba ta mo ta blitakalin Chube ole, ba ta chegekalin age dare mo ta gbe age me no. Ba me mo ta blite joge siere age me noge Chube be ji chuge kweri gbe ba kle age me no tanre giti chui bdaglige, chui ege Chube be ji gbe kwian agenga me no ulita alin.

1 Corintios 10:13

Ba tale suge age gweale me no ba tachkedale ai giti: Kle boi ene kaire daba na ulita ole, daba ulita ta suge ba ta suge kare. Ba talla ene molen ba tachkedale Chube giti, Chube kle ba ole diali, ama ba chudaboi ba kira gbe ene ba me age me no ba ta agekalin kare. Ba tale ba ta agekalin gweale me no ba Chube chuge ngwadi ba chudaboi, ene Chube be ba ta gbe joge siere talla enege ene ba mi age me no ba takalin kare.

2 Timoteo 3:12

Ulia bai kaire ulita toikalin trate no mo ta gbaba Jesucristo geruage, kwian ene be boi daga ngwale Jesucristo gerua giti, kwian na be age me no ama dollale.

Tito 2:14

Jesucristo mo chugu ngwadi jogeda che ulita alin, ama jokeda alin giti ama che jun siere, ene che amanu. Ama che ta blitu, ama che ta gbu nganake, ene suge chege che me agedale me no dare gire che ta agekalin no diali ama takalin kare.

2 Pedro 2:4

Cha takalin suge ba ulitage Chube agedu mine unsuialin lle boanga monu ole, lle boanga tanre Chube alin nga ngaña giti unsuialin agedu me no Chube dollale, lle boanga e ulitage Chube me taidu dage sidri, Chube lle boanga e ulita mliunga nga dbigu giti nga jereske sugekare Chubege, Chube talla me chegu ule ama ole ama agedu me no giti Chube dollale, Chube ama ulita gbu skage ogabale chui bdagli gbadale boi daga ngwale ji chuge diali.

2 Pedro 3:7

Chube agedu ene unsuialin kwian chudalla nge ulita ole agwa nege Chube kle nga dba ai ulita kaire nga ngaña ulita manade chui bdagli alin, chui e Chube ji gbe chuia kwian agenga me no ulita alin, chui bdaglige Chube amaña be age nakwaite be nga dba ai kaire nga ngaña kagenga ulita jita kote, chui ege kwian agenga me no ulita be kle ji chuge sugekare Chubege jita eske.

Judas 1:6

Lle boanga gweale Chube alin nga ngaña giti me mo ta gbu age Chube takalin kare agwa ama mo ta gbu age agali sugekare Chubege age me no, Chube ama gbu skage ogaba nga jere jereske, chui tangle ama kle nga jereske ogaba chui bdaglidale alin Chube be ji gbe chuiage gbale ji chuge ma kweri diali chui tangle, ama mi ña joge siere ji chugege.

Apocalipsis 3:10

Ba ulita kle mo ta gbe age diali cha takalin kare ba ulita kle mo ta gbe jage ta no ole ba kle boi daga ngwaleske, malen cha be ba ulita manade no be boi tirage nga ulitage nga dba ai giti, cha mi ba chuge ngwadi boi daga ngwale kwian na me cha gerua gaba be boi kare, cha be boi daga ngwale gbe kwian ene ulita ta chugagda, ene be chke nate uñale kwian ene ulita kwian mine.