2 Pedro 1:13 - Buglere

¹³ Cha kle gwade cha tañachuge cha gerudale no diali ene ba ulita ole ba ta gbe tachke diali, ene ba ulita mi ta jogenga.

2 Pedro 1:13 ပူးပေါင်းရင်းမြစ်များ

2 Corintios 5:8

Ma no che alin che jogeda blike, ene che joge siere nga dba ai gitige che ñage toi nga ngaña giti ule che Chugagwalla Jesucristo ole, agwa nege che kle toi nga dba ai giti nga suga no ole che jogeda chuia manade ngwange, uñale chege che be joge toi Jesucristo ole chui ege.

Filipenses 1:7

Cha tañachuge cha kle tañachuge no ene ba ulita giti, ulia cha no no ba ulita ole. Ba kle bate chage cha kle bate bage agwa cha me kle ta jogenga ba giti. Cha kle skage cha me kle skage baini kaire cha be kle gerukalin no trate Jesucristo gerua ulia giti kwian ole, gerukalin no trate kwian chugagwalla ole Jesucristo che jwannga siere giti. Ba kle gerule Chube ole cha giti, ba kle cha chudaboi, ene che kle ule kare. Chube age no che alin kaire ule, Chube age no ba alin kaire cha alin.

Filipenses 3:10

Cha ta Chube uñakalin ma no, cha ta sugekalin Cristo chkuni gwade kiralla kle cha ole diali chui ulita, ene cha ñage age ulita Cristo agedu kare, boi daga ngwale Cristo boidu kare, kaire jogeda ama jokeda kare.

2 Timoteo 1:6

Malen cha gerule ba ole ba mo ta gbadale lle boi Chube alin diali chui gdale, ba mo ta gbu Chube gai ulia kaire ta amaña giti ba lle boale Chube alin. Cha ko gbu ba giti cha gerudu ba giti Chube ole, chui ege Chube ta ngle ketu bage lle boi ama alin kwianske, ba me ta e mlienga lle boage Chube alin.

Hebreos 13:3

Kaire ba tachkedale diali kwian kle skage giti ba ama chudaboadale. Ba mo ta dbadale tai dage daba kle skagege, ba sugedale moge ba kle ule ama ole skage kare. Ba tañachugadale daba bai boaklenga daga ngwale jere jere giti ba mo ta dbadale olire daba ene giti. Cha gerule ba ole, ba mo ta gbadale tai dage daba enege, sugedale moge ba kle boi dagale agali ama ole ule kare.

2 Pedro 1:12

Uñale chage ba kle mo ta gbe no no geru uliage Jesucristo giti kwian geru dbanga ba tku tangle kare, uñale bage ulita trate ba chagedale mine Chube takalin kare, agwa cha ta gerukalin diali ba ole cha kle gerule kare lle ulita giti, cha me takalin ba joge siere geru uliage malen cha ta ba ta gbakalin ma no dare diali geru ulia giti.

2 Pedro 1:14

Che Chugagwalla Jesucristo kle cha ta gbe suge cha jogeda chuia kle kodi,

2 Pedro 3:1

Cha daballa cha ibotea Jesucristo giti, bitabokedale cha kle chada dege ba ulita alin, cha chada degu ngeru, kaire cha kle chada ai na dege, chada e ulita giti cha ta ba ta gbakalin tachke trate geru ulia giti.