2 Pedro 1:10 - Buglere

¹⁰ Malen cha gerule ba ulita ole cha daballa cha ibotea Jesucristo giti, Chube ba gau mo alin agedale no Chube takalin kare, Chube ba ta gbu Jesucristo gai ulia ene ba chegu Chubenu, Chube agedu no ene ulita ba alin ba ulita agali gdaite gdaite mo ta gbadale ma no dare diali Chube ole age ama takalin kare, ba age ene ba ta mi joge siere Chubege.

2 Pedro 1:10 ပူးပေါင်းရင်းမြစ်များ

Mateo 22:14

Kwian tanre kle Chube gerua keruchuge agwa gire uñale Chubege kwian ulita me ta ama gerua gakalin ulia, kwian bedreare alin be ama gerua gai ulia, Chube kwian ene ta gbe tañachuge no geru ulia giti.

Romanos 11:29

Unsuialin Chube gerudu kwian israelita enusulian ole: “Cha ba oindalla ulita gau mo alin, ba kwian chanu, cha be age no ba alin kaire ba oindalla ulita alin.” Chube gerudu ene, Chube age ulita ama gerudu kare, Chube me mo ta blite ama gerule kare.

2 Timoteo 2:19

Chube gerua ulia, me jwlite, geru e be chege diali chui tangle, Chube gerua gerule: “Chubege uñale kwian bai Chubenu.” Kaire gerule: “Kwian bai Chube gerua gaba ulia, ama ulita mo ta gbadale joge siere age me noge.” Chube gerua gerule ene.

Hebreos 6:11

Cha takalin ba ulita mo ta gbe diali age ba kle age daba alin kare gwangerugu chui tangle diali, ene uñale bage ulia Chube be age no ba alin ama gerudu giti ba ole kare ba agedu no ñanale kaire ba be ñage toi ule ama ole nga ngaña giti.

Hebreos 6:19

Che Jesucristo gerua gaba ulia suge chege ulia Chube be age no che alin ama gerule kare kaire suge chege Jesucristo giti che be ñage toi chui tangle Chube ole nga ngaña giti. Geru e giti che ñage mo ta gbe kiraske diali che kle boi daga ngwaleske, ene che chege kiraske salengwli du lugakleda kejre ene chi uda me ñage du dbe kare. Che Chugagwalla Jesucristo joni toi Chube ole ule nga ngaña giti gerule che alin Chube ole, ama kle che manade ngwange llani. Unsuialin tangle kwian gerunga Chube ole daba alin gdaite jo tangle ñometra no ura itabanga gwa nga no no u gerungwa Chube olege, ama jo ne ngwadige gerule Chube ole daba alin chui gbaitre alin chura kaire kairege. Agwa ulia nege tangle Jesucristo kle toi diali Chube ole nga ngaña giti, ama gerunga Chube ole che Chubenu alin chui tangle diali salengwli Melquisedec gerudu Chube ole daba alin diali kwian na me jo gbaba ama taneage kare.

Santiago 2:10

Ulia kwian gweale mo ta gbe age ulita Chube gerua degaba kle gerule kare, agwa ama age me no geru gbaitre alin dollale, kwian ene kle chege jiske, ama age me no geru gbaitre alin dollale agwa e giti ama kle chege jiske geru ulita giti salengwli ama age me no geru ulita dollale kare.

1 Pedro 1:2

Ba Chubenu ulita kle toi nga e kaire kairege cha gerule ba ole, Chube che Ñenua ba ulita gau gwangea unsuialin mo alin agedale ama takalin kare. Chube mo Oña giti ba ulita ta blitu ta gbu no ama ole ene suge ba ulitage Jesucristo jokeda giti ba chege no trate Chube gwage, ene kaire suge ba ulitage ba Chube gadale dage agedale Chube takalin kare. Cha takalin Chube age no no ba ulita alin diali Chube ba ta gbe nga suga no ole.

1 Pedro 1:5

Ba ulita kle mo ta gbe Chube gai ulia mo tale diali, ba ta ene molen Chube ole ene Chube ba ulita manade no no mo kiralla giti Jesucristo chieni chuia alin, ene chui bdaglige Jesucristo be chieni ba jwen ba dbe toi ule ama ole nga ngaña giti, chui ege ba be tien gitiru lle ulita me no nga dba ai gitige.

2 Pedro 1:3

Jesucristo che ulita gau mo alin, Jesucristo takalin che chege age no trate diali ama chagedu kare Chube takalin kare, che ulita mo ta gbadale Jesucristo gerua uñe ma trate, ene che kira gai mo ta gbe ma no diali chage no ama chagedu kare, Jesucristo kiralla giti che ñage chage nga dba ai giti age no diali Chube takalin kare Jesucristo chagedu kare.

2 Pedro 1:5

Chube kle age no tanre ene ba ulita alin Jesucristo giti malen ba mo ta gbadale chage ai kare nga dba ai giti: Ba mo ta gbadale Jesucristo gai ulia mo tale gwangerugu. Ba me Jesucristo gadale ulia mo tale alin allabi, agwa kaire ba ulita gdaite gdaite agali mo ta gbadale ulia ulia age no trate Chube takalin kare. Ba mo ta gbadale Chube gerua uñe ma trate, ene suge bage Chube takalin mine ba alin.

2 Pedro 3:14

Cha no no ba ulita ole malen cha takalin ba ulita mo ta gbe toi no diali Chube takalin kare ba kle Jesucristo chieni chuia manade gire, ba mo ta gbe age no ene diali, Jesucristo chieni chuia chke gire ba be kle biale ama gai ngwange no ta no trate ole, ba ta be kle no Chube ole, ba me skatedale kwachie amage ta me no ole age me no.

2 Pedro 3:17

Kwian ene daba tkanga tangle geru me uliage be joge chke ba ulitaske be gerule geru ngwale giti ama tañachuge kare, malen cha kle ba ulita ta gbe ngeru kwian enege geru ulia giti. Ba ulita cha daballa cha ibotea Jesucristo giti, cha no no ba ole, cha gerule ba ulita ole ba mo ta gbadale chage ta giti Chube gerua ulia gai ma no, ene kwian daba tkanga tangle geru me uliage chke baske ba anblite geru amanudi be suge bage kwian e me kle chage geru ulia ole ama kle chage geru ngwale ole, ene ba mo ta gbaba no geru ulia ole ba mi mo ta blite joge siere geru uliage ba mi geru ngwale gai ulia.

Judas 1:24

Chube che ulita amanu jun siere ji chugege che agedu me no gdale che Chugagwalla Jesucristo giti, Chube e amaña ba chudaboi ba kira gbe ba manade, ene ba me joge siere amage age me no ba takalin kare, ene ba kle biale joge toi ule ama ole ama kle ngwadi ta no trate nga suga no ole. Chube no no, Chube kweri, Chube kira molen kweri, Chube kiralla me jwlite, Chube kiralla unsuialin, Chube kiralla amaña nege, kaire Chube kiralla amaña chege gwangerugu chui tangle. Che ulita amanu gerudale no ama giti diali. Ene nobi. Geru ai ene ulita cha Judas chada degu ba kwian Chubenu ulita alin. Che kle meni.

Apocalipsis 22:14

Cha gerule ba ole, nga be suga noare kwiandi bai kaire kle mo ñometralla gbababi biale trate kare, ene ama ñage gli kwian gbagda toi chui tangle gba gute kaire ama ñage joge una no Chubenu ugakallage tangle ñage joge chiga.