2 Juan 1:1 - Buglere

¹ Cha kwian Chubenu chugagwalla juma cha chada ai dege ba ulita mne gdaite Chube nu gaba alin: Cha no no ba ulita ole, me cha alin no ba ulita ole, kwian na tanre kaire nu Chube gerua gaba ulia, ama ulita no no ba ulita ole.

2 Juan 1:1 ပူးပေါင်းရင်းမြစ်များ

Lucas 1:3

Cha gerule ba ole cha skatemanalla Teófilo, cha chagedu tanre geru e ulita jwen no ta giti, kaire cha geru kadu kwian tanrege Jesu giti, ene chku uñale no trate chage Jesu boidu mine ulita nga dba ai giti. Cha takalin geru e ulita chke uñale trate bage Teófilo, malen cha tañachuge noare cha geru ai ulita dege ba alin nege ta giti, ene geru ulia Jesu giti be chke uñale ma no ma trate bage kwian ba tku tangle Jesu gerua giti kare. Cha takalin geru ulita Jesu giti chke uñale trate bage.

Juan 8:32

cha gerua ulia giti be chke uñale ba ulitage mo ta gbe chagé giti geru uliage, ene geru ulia be ba jwen siere mo mauña me no ngeruge, ene ba chege ngwale mo mauña no na alin agedale no.

Hechos 11:30

Kwian Jesu gerua gaba una Antioquíage igi gau ene daba alin gire Bernabé gale Saulo gale igi dbe igi kete kwian Jesu gerua ganga chugagwalla nga Judeage girabatadale daba Chubenu ulita ole daba chudaboagda.

Romanos 16:13

Ba gbi kade cha alin Rufoge, ama kle mo ta gbe no no diali age no che Chugagwalla Cristo takalin kare daba Chubenu na gwa giti. Ba gbi kade cha alin Rufo chebiage, Rufo chebia cha alin cha chebia kare, cha no no ama ole mo chebia kare, ama no no cha ole mo kirolla kare.

Gálatas 2:14

Cha gwagedu Pedrodi kaire kwian israelita Jesucristo gaba na ulitadi age ene ama me kledu age trate geru ulia Jesucristo giti gerule kare, malen cha ka bo Pedro ole kwian Jesucristo gaba ulita gwa giti, cha gerudu Pedro ole: “Ba kwian israelita, agwa Jesucristo giti ba me age ulita diali kwian israelita kare, ba toidu kwian me israelita kare kwian me israelitaske, ¿mineade nege ba ta kwian me israelita gbakalin age Moisés chadalla gerule kare kwian israelita ulita kle age kare?

Gálatas 2:5

Cha ulita me kwian e chugu ngwadi gerule tanre ama takalin kare cha agedale, ama me kledu tañachuge trate ama gerudu kare, cha mo ta du geru ulia Jesucristo giti manade no trate ketadale ba ulitage.

Gálatas 3:1

Ba ulita nga Galaciamu, nga ngwale ba chuga giti, ba me ta molen. ¿Chema nga blitunga ba chuga giti ba ta gbe tañachuge nganake geru uliage? Ba ulita ole cha geru Jesucristo jo gbaba kruge giti tragu trate, geru Jesucristo giti sugedu ba ulitage, ba geru e gau ulia.

Gálatas 5:7

Ba ulita geru Jesucristo giti gau gwangea gire ba mo ta gbu chage no no geru e ulia ole, ¿nege boidu mine ba ulita ole? ¿Mineade ba ulita kle mo ta gbe joge siere geru uliage?

Colosenses 1:5

Nge jondege ba geru ulia Jesucristo giti keruchugu, geru e sugedu bage ba geru e gau ulia, e giti ba be tien gitiru ji chugege agedu me no gdale kaire ba ñage toi no diali chui tangle nga ngaña giti Chube ole. Ba geru e no gau ulia mo tale, geru e ba ta gbe suge bdagli nga ngaña giti Chube be age no ba alin, malen e giti ba ta dbe no diali daba na Chubenu ole kaire ba kle mo ta gbe ulia ulia geru no Jesucristo giti gai ulia gwangerugu.

1 Timoteo 2:4

ama takalin kwian ulita geru amanu ulia uñe kwian ama gai ulia, ene bdagli kwian ñage tien gitiru ji chugege agedu me no gdale.

Hebreos 10:26

Jesucristo mo ketu gwaleda che alin che jwangda siere ji chugege age me no gdale, che Jesucristo gerua gai ulia agwa che mo ta gbe chege age me no diali Chube dollale, uñale chege che kle age me no, agwa che kle age, che chege age ta ene ole, e me no. ¿Age ene giti che ñage llema kete ene che tien gitiru ji chugege che kle age me no gdale? Lle na ma no me che chudaboagda che jwanngale siere, Jesucristo agedu ulita che alin.

1 Pedro 1:2

Ba Chubenu ulita kle toi nga e kaire kairege cha gerule ba ole, Chube che Ñenua ba ulita gau gwangea unsuialin mo alin agedale ama takalin kare. Chube mo Oña giti ba ulita ta blitu ta gbu no ama ole ene suge ba ulitage Jesucristo jokeda giti ba chege no trate Chube gwage, ene kaire suge ba ulitage ba Chube gadale dage agedale Chube takalin kare. Cha takalin Chube age no no ba ulita alin diali Chube ba ta gbe nga suga no ole.

1 Pedro 5:1

Nege cha gerule ba daba Chubenu chugagwalla ulita ole, cha daba Chubenu chugagwalla ba ulita kare. Cha gwagedu mo gwagwa giti Cristodi ji chuge dagale nga dba ai giti, Cristo chieni chuiage che ulita be gwage Cristodi ule, chui ege che ulita be joge toi ule ama ole nga ngaña giti.

1 Pedro 5:13

Kwian Chubenu ulita kle mo lite aini una Babiloniage gbi kage ba ulita alin, Chube kwian una aige gau mo alin Chube ba ulita gau mo alin kare. Kaire Marcos gbi kage ba ulita alin, ama cha kirolla kare Jesucristo giti.

1 Juan 2:21

Cha kle chada ai dege ba ulita alin ba ta gbagda, e me kle gerule ba ulita me geru ulia Jesucristo giti uñe, uñale chage ba ulita geru uñe trate geru ulia giti, agwa cha kle chada dege ba ulita alin nakwaite ene geru ulia suge bage ma trate, Chube Oña kle ba ta gbe suge geru bai ulia giti kaire Chube Oña kle ba ta gbe suge geru bai me ulia giti.

1 Juan 3:18

Ba ulita cha olia kare Jesucristo giti, ba ole cha gerule, che Chubenu ulia me mo ta gbadale gerule alin allabi che no daba ole agwa me age no daba alin me daba chudaboi, che me kle mo ta gbe no daba ole ulia, che gerule che no daba ole che daba chudaboadale, ene ulia che kle tai dage dabage.

2 Juan 1:13

Ba bitalla ulita Jesucristo giti kle aini Chube nu ama gaba mau alin Chube ba gau kare mau alin, ama ulita kle gbi kage ba alin chada ai giti. Geru ai ene ulita cha chada degu ba cha bitalla Jesucristo giti ulita alin. Che kle meni.

2 Juan 1:5

Cha no no ba ulita ole ba cha bitalla ulita Jesucristo giti, cha gerule ulia ba ole, cha takalin che ulita Chubenu mo ta dbe no daba na ole ongoru ongoru. Geru ai cha kle dege ba alin, geru ai me jagere dale, geru ai sbali kledubi gbaba geru ai amaña che keruchugubi gwangea che Jesucristo gerua gau chuiage.

3 Juan 1:1

Cha kwian Chubenu chugagwalla juma cha chada ai dege ba cha skatemanalla no kada Gayo alin: Cha no ba ole ulia cha daballa Jesucristo giti Gayo.