2 Corintios 8:1 - Buglere

¹ Cha bitalla Jesucristo giti, nege cha ta gerukalin ba ulita ole Chube kle age giti daba Chubenu ulitaske nga tanre Macedoniage, Chube kle kwian amanu ulita nga ege ta gbe age Chube takalin kare.

2 Corintios 8:1 ပူးပေါင်းရင်းမြစ်များ

Mateo 25:22

Kaire agwe kwian lle boanga gdaitege igi dos mil ketaba, ama jo tienda chugagwalladi, gerudu chugagwalla ole: “Ba igi ketu chage dos mil, cha igi na gau e batre dos mil, igi ulita cuatro mil kle ai ba alin cha chugagwalla.”

Hechos 11:23

Bernabé jo chke llani kwian una Antioquíamu nu Jesu gerua gabadige, gire Bernabé gwagedu Chube ageba no tanre ulia kwian una Antioquíamu alin, e giti Bernabédi nga chegu suga noare kwian Jesu gerua gaba giti. Bernabé kwian Jesu gerua gaba una ege ta gbu, Bernabé gerudu: —Ba mo ta gbe ulia Jesuge chage no diali gwangerugu Jesu geruadi.

Hechos 16:9

Eni Pablo, Silas, Timoteo chegu gbe una Troage, ngajrege Pablo gbi chugu onbre gdaite nga Macedoniamu ole. Pablo gwagedu gbire onbredi onbre mo gbu gdate gerule Pablo ole: “Pablo, bai aini nga Macedoniage cha ulita chudaboi.”

Hechos 24:17

’Chura gwealege cha kledu chage nga nage me cha jwiage gire cha joni una Jerusalénge igi dbe, igi e cha bitalla Chubenu kagu kwian israelita Jesu gerua gaba me lle molen alin, cha kledu una ege gire cha joni u gerungwa Chube olege bda kete gwaleda Chube gwa giti.

Romanos 15:26

Kwian Chubenu nga kweri Macedoniage nga kweri Acayage mo ta gbu ule daba me lle molen una Jerusalénge chudaboi, malen ama mo ta gbu ule igi lite ole daba Chubenu una Jerusalénmu gweale me lle molen alin.

1 Corintios 15:10

Chube agedu no no cha alin, ama cha gau lle boi ama alin, ama ta ketu chage lle boi ama alin ama takalin kare. Chube me cha gau ngwale dale, me ene, cha kle lle boi no no, cha kle lle boi ma giti dare kwian Jesucristo gerua ketanga na ulitage. Cha kle lle boi ene cha me kle age mo kiralla giti, Chube no no cha ole, Chube mo kiralla giti cha chudaboi lle boi no.

2 Corintios 11:9

Cha kledu toi geru dbe baske cha tadu igige mo alin toigda, chui gwealege cha toidu bli ole cha tadu llege mo alin gutadale, agwa cha me mo ta gbu igi kade bage toigda ni lle gweale na kade bage mo alin, cha me tadukalin ba llea gai mo alin toigda ene ba me cha chudaboale diali. Mo tale daba Chubenu nga Macedoniamu cha chudabo igi giti, sugedu amage cha me lle molen mo kaire toigda no malen ama chiu igi dbe cha alin, mo tale ama cha chudabo ene. Agwa ba ulitaske cha me mo chugu ngwadi lle banu kade mo alin, cha mo ta gbu age ene toi baske cha be mo ta gbe age ene toi dare cha mo ta gbu kare toi baske kare.

2 Corintios 9:12

Ulia daba e me lle molen toigda no, ba kle ama ulita chudaboi tanre ba igia giti, kaire igi dbe giti ama alin ama ulitage mo tale be suge nga suga no ole, amage be suge Chube agedu no ama ulita alin ba ulita giti gire ama be gerule no no Chube ole e giti.

Efesios 3:8

Chage cha suge moge cha kwian ngwale ma soli kwian na ulita Chubenuge agwa Chube agedu no cha alin Chube cha gbu ama gerua Jesucristo giti dbe kwian me israelitage. Nga suga no chadige geru no Jesucristo giti kete kwian ulita me israelitage, geru e gerule Chube diali agekalin no no che ulita alin che kwian bai Jesucristo gerua gai ulia alin. Geru e cha kle kete chkedale uñale kwian ulitage.

Colosenses 1:29

Cha takalin chege cha kle gerule kare malen cha kle mo ta gbe kiraske lle boi diali Chube takalin kare Chube kirallaske kwian ulita alin.

1 Tesalonicenses 4:10

Ulia ba ulita kle ta dbe no daba Chubenu ulita ole kle toi una kaire kaire nga Macedoniage, noare ba kle mo ta dbe ene modi. Cha gerule ba ole cha daballa cha ibotea Jesucristo giti, ba ta dbadale modi no diali ma ngle daba ole ngerugu.