2 Corintios 5:20 - Buglere

²⁰ Cha kwian chagenga Chube gerua Cristo giti dbe kwian ulitaske, me cha tale cha kle gerule kwian ole agwa cha kle gerule Chube takalin kare Chube cha ta gbe gerule kare. Cristo kalla giti cha gerule kwian bai me Cristo gai ulia ole ama mo ta gbadale no Chube ole Cristo giti, Cristo gai ulia giti ama me chege dare Chube dollale agwa Cristo giti Chube ama ta blite Chube ama gbe mo skatemanallale.

2 Corintios 5:20 ပူးပေါင်းရင်းမြစ်များ

Lucas 10:16

Jesu gerudu ene kwian setenta y dos ole kwian me Chube gerua gai giti, gire Jesu gerudu dare kwian setenta y dos ulita ole: —Nege cha kle ba kage Chube gerua trage kwian na ole, kwian bai ba gai ngwange no ba keruchuge no, kwian ene me kle ba alin allabi gai ngwange no keruchuge no, kaire ama kle cha gai ngwange no cha keruchuge no agali kare ba giti. Kwian me ba gai ngwange no me ba gerua Chube giti gai ulia, e salengwli ama me kle cha agali gai ngwange no kare e salengwli ama me kle cha agali gerua gai ulia kare. Kwian me cha gerua gai ulia, e salengwli ama me kle Chube cha kaganga agali gerua gai ulia kare. Gire nege cha gerule ba ulita ole, joga Chube gerua trage kwian ulita ole una kaire kairege. Jesu gerudu ene kwian setenta y dos ole, gire kwian ulita jo gdaboke modi kaire kaire, ama ulita chagedu Chube gerua dbe kwian nage Jesu gerudu kare.

Lucas 14:23

Chugagwalla gerudu kwian lle boanga ole: “Joga jrite blike kwian me kle toi unaske nate, ba jrite jon kaire kaire ba ten ngwange ba kwian kade, ba gerule kwian e ulita ole ama chiedale blire nga ollade cha ole, kwian e ulita chke gire u be chke ete kwian ole.

Juan 20:21

Jesu mo kaitu ene kwian geru jwanngage gire Jesu gerudu nabitaite: —Cha takalin ba ulita ta dbe suga no. Jesu gerudu dare kwian geru jwannga ulita ole: —Cha Ñenua cha kagu lle boi ama takalin kare kwianske, ene kaire cha ba ulita kage lle boi cha takalin kare kwian me cha gerua uñeske.

Romanos 5:10

Ngeru che kledu age me no ulita Chube dollale, che ene gire Chube mo ta gbu no che ole, Chube agali mo Kirolla Cristo kagu jogedaleda che giti, Cristo jokeda giti Chube che gbu ama skatemanallale, ene nege Cristo giti che ta chege no Chube ole. Cristo jokeda che agedu me no giti gire ama chkuni gwade, e giti che ulita tiun gitiru ji chugege che agedu me no gdale, suge chege che me Chube dollale nge kare, nege che Chube skatemanalla.

2 Corintios 12:10

Cha toi oga skibachie. Kwian ka boi cha ole Cristo gerua dbe giti. Lle me cha ole toigda. Kwian cha jrite nate Cristo gerua dbe gdale. Cha boi dagale tanre Cristo gerua dbe giti kwian kote. E ulitaske cha me tallade, nga suga no chadi toi boi ene Cristo gerua dbe giti, boi ene ulitaske cha skwatige cha kira ulita jogenga agwa Cristo cha gbe kiraske ma no boi ene ulitaske gire cha chege ma kiraske Cristo giti Cristo gerua dbe gwangerugu.

2 Corintios 3:6

Unsuialin Chube Moisés ta gbu Chube gerua dege kwian israelita alin, Moisés geru e degu kwian alin, kwian me ñadu age geru e ulita gerule kare, malen geru e giti kwian chegu jiske sugekare Chubege. Agwa nege tangle Chube cha gau Chube cha gbu geru no jagere trage kwian ulita ole, Chube kle kira kete chage kle ta kete chage geru e jagere dbe kwianske, Chube Oña giti geru e suge kwiange, kwian geru e gai ulia giti kwian chege toi diali chui tangle ule Chube ole.

2 Corintios 5:11

Uñale chage chui bdaglige che Chugagwalla Jesucristo be gerule cha ole cha agedu giti nga dba ai giti malen suge chage cha ama gadale dage no diali age no ama takalin kare. Kaire cha takalin chke uñale kwian ulitage kwian Jesucristo gadale dage, malen cha kle geru Jesucristo giti trage kwian ulita ole ene kwian ñage Jesucristo gai kweri Jesucristo gai dage. Uñale trate Chubege cha chage ta mine giti ama gerua dbe, cha takalin ba ulitage suge kaire ba tale cha geru du ba ulitaske ta no giti.

2 Corintios 6:1

Cha lle boanga Chube alin, Chube ta du no ba ulita ole cha kage baske geru Jesucristo giti kete bage, nege cha gerule ba ulita ole cha me takalin ba geru Chube agedu no ba alin Cristo giti gai ngwale, ba mo ta gbadale geru e gai no no diali.

Efesios 6:20

Chube cha kagu nga ulitage ama gerua e kete kwian ulitage, geru e kete kwiange giti cha tkere skage, cha takalin ba gerule Chube ole cha giti diali ene cha me ta kennga gerule Cristo gerua giti kwiange aini cha kle skage ngwadi.

Colosenses 1:20

Nga dba ai giti nga ngaña giti Chube tadu kwian ulita kaire lle na ulita gbeni no naskuni ama ole Cristo giti, malen ama Cristo kagu toi kwianske gerule kwian ole kwian ñage Chube uñe no Cristo giti. Cristo jokeda kruge, Cristo jokeda giti kwian bai Cristo gai ulia Chube kwian e gai mo skatemanallale salengwli Chube kwian dodadu gwangea kare Chube chegu kwian e ole diali ule kare, ene Cristo giti kwian ulita chegeni Chubenu.

1 Tesalonicenses 4:8

Kwian bai me geru ai ulita gbe gdadi me daba ta gbe chke me daba tke tangle geru ai ulita giti, kwian ene me kle age mo salengwli dollale, kle age Chube dollale, e Chube gerua me kwian gerua. Geru ai ulita giti chkedale uñale ba ulitage Chube mo Oña ketu ba gdaite gdaitege mo ta gbadale age no Chube Oña takalin kare.