2 Corintios 5:2 - Buglere

² Nege nga dba ai giti che tañachuge tanre mo jegwale me jage giti malen che kle jegwale jwlite chuia manade, chui ege che be jegwale na jagere me boi gai toi nga ngaña giti Chube ole diali chui tangle, che takalin chui e chke blike,

2 Corintios 5:2 ပူးပေါင်းရင်းမြစ်များ

Romanos 7:24

Cha tale suge trate chage cha agedale no Chube gerua gerule kare, cha ta agekalin ene agwa diali cha kle nga dba ai giti talla me no be kle cha tale cha ta gbe age me no. Cha tañachuge tanre mo giti, diali cha talla me no kle cha ta gbe age me no, cha me ñage age no cha ta agekalin kare, cha ta olire tanre e giti, ni kwian gdaite ñage cha ta blite cha chudaboi Chube kare. Chube alin ñage cha chudaboi che Chugagwalla Jesucristo giti, Jesucristo giti Chube cha jun siere ji chugege cha kle age me no gdale, ene Jesucristo giti cha me chege jiske Chube gwage, cha gerule no no Chube ole e giti.

Romanos 8:23

Me nga ulita lle ulita alin allabi kle boi ene chui manade, che kwian Chubenu kaire kle chui e manade, che ta klekalin blike Chube ole. Chube Oña kle che tale che ta gbe suge chui be chie giti, chui e be chke gire che be kle ule Chube ole ama oliale, chui ege jogeda mi kle che alin, Chube be che jaba gbeni gwade, che be joge toi diali chui tangle Chube ole nga ngaña giti.

1 Corintios 15:51

Cha geru no kete ba ulitage Chube be age giti che ulita ole, geru ai ni uñale ba gdaitege, che Chubenu ulita mi kle jogebada Cristo chieni chuiage, agwa bai kaire be kle gwade chui ege jegwale ulita be jwlite nganake.

Filipenses 1:23

cha alin mnoare lle boke gai, cha tañachuge gdaite cha jogekalinda, ene cha joge toi Cristo ole, ene cha alin ma no.