2 Corintios 5:18 - Buglere

¹⁸ Chube alin ñage age ene kwian tale Cristo giti. Ngeru cha kledu tañachuge ulita age ulita Chube dollale, agwa Cristo giti Chube cha gbu ama skatemanallale, ene nege Cristo giti cha ta chege no Chube ole, nege Chube kle cha kage geru Cristo giti kete kwian nage, ene kwian na kaire ñage chege Chube skatemanallale Cristo gai ulia giti.

2 Corintios 5:18 ပူးပေါင်းရင်းမြစ်များ

Lucas 10:5

U bai kairege ba joge chke, ba gbi kadadale no kwian ulitage kle toi u ege, ba gerudale ama ulita ole: “Cha takalin Chube age no ba ulita alin, ene ba ulita ta dbe suga no.”

Lucas 24:47

Geru e Cristo giti tragadale ngerule kwian una Jerusalénmuge ole, bigire geru tragadale kwian nga ulitage ole, geru tragadale kwian ulita kle age me no kwian ta jwlitedale Chube ole me age me no dare, gire kwian agedu me no ulita ngeru Chube be talla mlienga.” Chube gerua degaba unsuialin gerule ene.

Juan 3:16

Chube no no kwian ulita ole, malen ama mo Kirolla gdaitre alin kagu nga dba ai giti kwian ulita alin, ene kwian ulita bai kaire Chube Kirolla gai ulia mi chege sugekare Chubege ji chuge, be toi no chui tangle diali Chube ole nga ngaña giti.

Juan 3:27

Juan-Bautista gerudu kwian geru jwannga amage ole: —Chube me kle kwian ole kwian me ñage age Chube kiralla giti.

Hechos 10:36

Kwian israelita ole Chube gerudu Jesucristo giti Chube be Jesucristo kage nga dba ai giti kwian alin, Jesucristo kwian ulita Chugagwalla, Jesucristo giti alin kwian ñage mo ta gbeni suga no Chube ole.

Romanos 11:36

Chube mo kirallaske kwian ulita lle ulita nga ulita dodadu, Chube kle e ulita gbe tige kle e ulita manade, Chube e ulita dodadu mo alin. Chube no no, ama alin kweri, ama alin ñage age kwian alin no, ama alin giti kwian gerudale nobi diali chui tangle, enebi no ama alin.

Romanos 5:1

Mo ta gbe Jesucristo gai ulia giti mo tale che me chege jiske Chube gwage che agedu me no ulita giti, noare Chube che ta gbu ene no Jesucristo ole, che Chugagwalla Jesucristo giti che ta chege no Chube ole.

1 Corintios 1:30

Chube agali che ulita gau che ta gbu Jesucristo gai ulia, ene che talla chege diali Jesucristo ole. Jesucristo giti Chube che ta gbe ngle, kaire Jesucristo giti Chube che jun siere ji chugege che agedu me no gdale, Jesucristo giti che chege trate Chube gwage, Jesucristo giti che kle biale joge toi Chube ole bdagli.

1 Corintios 12:6

Kwian Chubenu ulita me kle lle amaña boi Chube alin, agwa Chube amaña kle kwian monu ulita ta gbe kiraske lle boi no Chube alin Chube Oña ta ketu kwiange lle boi mo kaire kaire kare.

1 Corintios 3:5

Cha Pablo kaire Apolos bonate salengwli lle boanga Chube alin, cha Pablo me ma kweri Apologe, Apolos me ma kweri chage, cha boke lle bo mo kaire kaire Chube gerua amaña dbe Chube cha ta gbu lle boi kare, cha giti Apolos giti ba Chube gerua keruchugu ba geru gau ulia.

1 Corintios 8:6

Uñale trate che ulita Chubenuge Chube gdaitre alin kle, Chube e che Ñenua. Kaire che ulita Chubenu alin Chugagwalla gdaitre alin kle, e Jesucristo. Chube kaire Jesucristo nga ulita dodadu lle ulita dodadu kwian ulita dodadu, ama giti che ulita kle toi gwade.

Colosenses 1:22

Agwa nege tangle ba Chube uñe ba Cristo gerua gaba giti. Cristo boidu daga ngwale kwian kare jokeda kwian kare malen ba Cristo gerua gau giti Chube ba gbu no trate mo skatemanallale, ene ba ñage chege no trate ama gwa giti me ta ngeru kare me no ni ba chege jiske sidri lle gweale giti Chube gwa giti.

Santiago 1:17

Ulia Chube me kle age ene dale, Chube no trate malen ulita kle boi no che ole, e che Ñenua Chube kle age che alin, lle ulita no bai chke chege, e chie Chubege, diali Chube kle age no che alin kle lle no kete chege. Chube nga ulita dodanga ama nga gbu chrale nga ngaña giti ama dai gbu ama beu gbu ama chui gbu chratigenga nga ulitage nga dba ai giti, Chube agedu ene no che alin ulita. Chube diali no ama me kle mo ta blite nganake, ama kle chege amaña diali, ama diali kle age no che kwian amanu alin.

1 Juan 2:2

Jesucristo agali mo ketu gwaleda kruge che ulita agedu me no ulita giti, Jesucristo jokeda giti che ulita chegu trate Chube gwage me jiske, Jesucristo me jokeda che alin allabi agwa kaire Jesucristo jokeda kwian nga ulitamu alin, kwian ulita agenga me no, Jesucristo jokeda giti kwian ulita chege trate Chube gwage me jiske, kwian agedu me no Chube talla e ulita mlienga kwian Jesucristo gai ulia giti.

1 Juan 4:10

Chube talla no no che ole ngeru chege, che bebi mo ta dbe no Chube ole Chube nu mo ta gbaba no che ole ngeru, Chube tale agedu no che ulita alin ama ta no no che ole, malen Chube mo Kirolla gdaitre alin kagu nga dba ai giti mo kete gwaleda kruge che agedu me no giti, ene Chube Kirolla giti che ulita me chegedale jiske che agedu me no giti gdale.