2 Corintios 5:17 - Buglere

¹⁷ Ene kaire kwian Cristo gai ulia kwian ene kwian jagere kare, kwian ene tañachuge nganake tañachugu ngeruge, ta agekalin nganake agedu ngeruge, kwian ene ta suge nganake ulita jagere.

2 Corintios 5:17 ပူးပေါင်းရင်းမြစ်များ

Mateo 12:33

Jesu gerudu dare kwian fariseo ulita ole: —Gli kaire kaire chke uñale nate gba giti, gli no alin ñage gbachie no, gli me no me ñage gbachie no.

Mateo 24:35

Nga ngaña giti nga dba ai giti mi chege diali dale alin, nga ulita ulita be joge tangle, agwa cha gerua mi joge tangle dale, cha gerua be chege diali dale alin, be boi ulita cha gerua kle gerule kare.

Lucas 5:38

Malen diali lle gbakle gage bda kwara jagerege, ene lle gage kle lie, bda kwara me skiennga, lle gage me jogenga ngwale.

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Juan 15:2

kwian ulita chanu uva girananga kare. Uvananga me gbachie no uva ngama gbanga be uvananga tkenga be mlienga, agwa uvananga gbachie no uva ngama gbanga be uvananga litenga trate, ene uvananga gbachie ma ngle.

Juan 15:5

Cha uva gira kare, ba ulita uvananga kare. Ba mo ta gbe cha gai ulia diali, ba ta chege ule cha ole diali cha ta ba ole kare, ene ba be age tanre no cha Ñenua takalin kare. Ba ta chege sugekare chage ba me ñage age sidri no.

Juan 17:23

Cha kle ama ulita ole ba kle cha ole kare, cha giti ama ulita tañachuge no ulia kwian gdaitre alin kare, ene ama giti kwian me chanuge suge ulia ba cha kagu aini nga dba ai giti, kaire suge amage ulia ba no kwian chanu ole ba no cha ole kare.

Juan 3:3

Jesu gerudu Nicodemo ole: —Cha gerule ulia ulia ba ole, kwian me menga nabitaite me ñage joge Chube ngwadi, kwian ene me Chubenu.

Juan 3:5

Jesu jaindunga: —Cha gerule ulia ulia ba ole, kwian ulita menga nge jondege soli chebia kote, menga ene alin allabi giti kwian me Chubenu me ñage toi Chube ole, agwa kwian ulita mo ta chugadale ngwadi Chube Oñage mo ta blite, ene ama Chubenu, be toi Chube ole, e salengwli kwian menga nabitaite kare.

Romanos 16:10

Ba gbi kade cha alin Apelege, ama boidu tanre daga ngwale Cristo gerua giti agwa ama mo ta gbu no chage ngerugu Cristo ole. Ba gbi kade cha alin kwian ulitage kle toi Aristóbulo ullage.

Romanos 16:11

Ba gbi kade cha alin Herodiónge, ama cha bitalla chuda giti. Ba gbi kade cha alin Narciso bitalla ulitage bai kaire nu mo ta gbaba che Chugagwalla Cristo gai ulia.

Romanos 16:3

Ba gbi kade cha alin onbre kada Aquilage kaire ama muiralla kada Priscage, ama boke cha chudaboanga no no lle boi Jesucristo alin,

Romanos 16:7

Ba gbi kade cha alin Andrónicoge kaire Juniage, ama boke cha bitalla chuda giti, ama kledu skage ule cha ole, ama kle mo ta gbe no diali Cristo gerua ole malen kwian Jesucristo gerua ketanga ulita gerule no no ama boke giti, ama geru Cristo giti gau ulia ma ngeru chage.

Romanos 16:9

Ba gbi kade cha alin Urbanoge, ama lle boanga ule che ole Cristo alin. Ba gbi kade cha alin Estaquige, ama cha skatemanalla no no, cha no no ama ole.

Romanos 7:6

Agwa Cristo chku che alin, nege Cristo giti Moisés chadalla me kle che kage dare ngeru kare, nege Cristo giti Chube ta jagere ketu chege toigda age Chube takalin kare me toi geru juda kle gbaba kare alin giti. Malen nege che ta me nge kare tañachuge Moisés chadalla alin giti, nege Chube Oña kle che tale, ama kle che ta gbe diali che chagedale mine, ene che ña age no Chube takalin kare.

Romanos 8:1

Nege kwian ulita bai kaire Jesucristonu, Jesucristo giti kwian ene me chege jiske Chube gwage kwian agedu me no gdale, kwian ene mi ji chuge Chube be ji gbe gire.

1 Corintios 1:30

Chube agali che ulita gau che ta gbu Jesucristo gai ulia, ene che talla chege diali Jesucristo ole. Jesucristo giti Chube che ta gbe ngle, kaire Jesucristo giti Chube che jun siere ji chugege che agedu me no gdale, Jesucristo giti che chege trate Chube gwage, Jesucristo giti che kle biale joge toi Chube ole bdagli.

1 Corintios 13:11

Cha kledu soli cha ta me kledu kwian juma talla kare, cha gerudu cha tañachugu kirogwa ulita gerule tañachuge kare, cha tigedu cha jo juma cha me tañachugu dare kirogwa soli kle tañachuge kare, cha kirogwa talla ulita chugu ngwadi.

2 Corintios 12:2

Chura gdataboko giti gdabaga jo tangle e suiale cha jo dbaba bate nga ngaña giti Cristo kle ngwadi, me uñale chage cha jo jegwale ole o cha oña alin jo, Chube alinge uñale cha jo mine, agwa uñale chage ulia cha jo dbaba bate nga ngaña giti Cristo kle ngwadi.

2 Corintios 5:16

Nege cha Cristonu malen cha me tañachuge cha tañachugu ngeru kare, ngeru cha bebi Cristo gai ulia cha tañachugu kwian ulita nga dba ai giti tañachuge kare daba na giti, diali cha chegu tañachuge daba na ulita giti bai ma no bai ma kweri bai gerule ma no, e suiale cha tañachugu ene kare daba ulita giti diali. Ene kaire ngeru cha tañachugu Cristo giti, chage sugedu ama me kweri, cha ama gau kwian ngwale kare, agwa nege cha me tañachuge ene kare dare, nege suge trate chage Cristo chema ulia, ama cha ta blitu nganake.

2 Corintios 5:19

Cristo giti Chube agali kwian ulita gbu mo skatemanallale ni tañachuge kwian ulita kledu age me no ama dollale giti. Geru e chkedale uñale kwian ulitage malen Chube cha gbu geru Cristo giti kete kwian ulitage, ene kwian ñage geru e gai ulia mo alin, ene ama ta chege no Chube ole.

2 Corintios 5:21

Cristo chagedu nga dba ai giti kwianske Cristo agedu no trate ulita ni agedu me no sidri, agwa Chube ama gbu che agedu me no ulita jia chuge, ene che Cristo gai ulia giti che me chege jiske Chube gwage agwa che chege no trate Chube gwage Cristo giti.

Gálatas 3:28

Cristo giti ba kwian israelita kwian me israelita, kaire ba kwian lle boanga mo mauña alin kwian lle boanga mo alin agali, kaire ba kwian onbre kwian muire, ulita salengwli, ba ulita Cristonu ba kwian gdaitre alin kare Jesucristo giti.

Gálatas 5:6

Che mo ta gbu Jesucristo gai ulia, che amanu, malen che me tañachugadale mo kwara sidri tkangenga o me mo kwara sidri tkangenga, e giti che me tañachugadale, e ngwale, e me che ta blite joge siere age me noge Chube gwage, agwa Jesucristo alin che ta blite age no Chube takalin kare, che mo ta gbadale ulia Jesucristo gai mo tale diali, ene Jesucristo giti che chege diali mo ta dbe no Chube ole kaire daba ulita ole.

Gálatas 6:15

Che me tañachugadale mo kwara sidri tkangenga o me mo kwara sidri tkangenga, e giti che me tañachugadale, e ngwale, e me che ta blite joge siere age me noge Chube gwage, Cristo alin giti Chube Oña che ta jagere gbe, ene che ta me nge kare.

Efesios 2:10

Chube che ta blitu ulita, ene che me chege age me no che agedu ngeru kare, gwangea Chube mo ta gbu che dodade mau alin age no ama takalin kare, nege Jesucristo giti ama che ta gbe age no daba na alin daba chudaboi ama takalin kare.

Efesios 2:15

Unsuialin tangle cha kwian israelita ulita enusulian kada Moisés Chube gerua ketu kwian israelitage kwian israelita toidale trate Chube gwa giti, geru e giti kwian israelita kwian me israelita mo ta gbu diali kira bate modi ongoru ongoru. Agwa Jesucristo jokeda kruge gire geru chegu nganake kwian israelita me agedale dare ulita Moisés chadalla gerule kare kwian ta gbagda trate Chube gwa giti, Jesucristo Chube gerua no jagere gbu kwian ulita alin. Jesucristo giti kwian israelita kwian me israelita toidale no ule chudalla gdaitre alin kare me tañachuge ngeru kare. Ene Jesucristo giti kwian chudalla ulita ñage toi no modi ule ongoru ongoru.

Filipenses 4:21

Ba Chubenu toinga una Filipoge ba Jesucristo gau ulia, cha gbi kage ba ulita alin. Kaire cha daballa Jesucristo giti kle cha ole cha chudaboi ama ulita gbi kage ba ulita alin.