Chube lle ketu boale chage nga dba ai giti ama gerua dbe kwian ulitage, malen cha chage ta suga no no ole Chube gerua Jesu giti trage kwian ole nga ulitage, Chube no kwian ole geru amanu kwian ulitage chkedale uñale. Cha toi gwade o cha jogeda e giti cha me tallade, agwa cha Chube gerua ketakalin kwian ulitage, Chube gerua Jesu giti chkedale uñale kwian ulitage.
2 Corintios 4:12 - Buglere12 Cha mo ta gbu ene mo chuge ngwadi jogengaleda geru dbe giti ba ulitaske, ene cha giti ba ulita geru Jesu giti keruchugu ba ulita geru gau ulia ba ulita ta sugedu toi Jesu gerua ole ene ba be toi diali Chube ole chui tangle. အခန်းကိုကြည့်ပါ။ |
2 Corintios 4:12
9 ပူးပေါင်းရင်းမြစ်များ
Ba ulitage suge ba ta ngle molen, ba tañachuge ba geru ulita Cristo giti uñanga trate, agwa cha ulita geru Cristo giti traganga, cha geru Cristo giti dbe giti ba tanre gwage chadi cha kwian ngwale me ta molen kare. Ba ulita kiraske kwian na gwage, agwa cha ulita kira me ba gwage. Kwian na gerule no ba giti ba gai dage, agwa cha ulita me ene ba gwage, ba gerule me no cha ulita giti cha ulita gai kwian ngwale kare.
Cha kle mo ta dbe no ba ulita ole malen igi monu giti cha kle mo kira gbe ba chudaboale, cha kle lle gige mo alin, cha igi ulita monu mlienga geru ulia dbe giti ba ulitaske, kaire cha agali kiralla cha gbe ba alin lle boagda baske, cha kira be bidege chui gwealege agwa nege cha kira kle cha kle mo ta gbe age no ba ulita alin ba ta gbagda ma no geru uliadi dare, cha kle mo ta gbe ene ba ulita ole, ba kle mo ta gbe tañachuge nganake, suge chage cha kle mo ta gbe ma no ba ulita ole diali agwa ba ulita me kle mo ta gbe no cha ole, diali ba kle mo ta gbe tañachuge sugekare chage.
Nga suga no no chadi joge chke baske me ka boi ba ole me gerule mno kiraske ba ole ba gbe ji chuge ba kle age me no giti. Cha me gerule mno kiraske ba ulita ole kwian gweale ñage tañachuge cha giti cha kwian ngwale cha me kle gerule Jesucristo kiralla giti, cha me tallade kwian kle tañachuge ene cha giti, ma no cha alin ba ulita skwen cháge mo ta gbaba age no ulita joge siere age me no ulitage, ene nga suga no chadi ba ulita giti. Diali cha kle gerule Chube ole ba ulita giti cha takalin Chube ba ta gbe ma no ama ole diali age ma no diali ama takalin kare.
Cha kle toi nga dba ai giti cha kle Jesu gerua dbe kwianske, Jesu gerua dbe giti cha kle boi tanre daga ngwale tirare kwian Jesu gerua dollale kote, kwian me geru uñe ta cha gwakalinda Jesu gerua dbe giti, agwa cha kle mo ta gbe biale jogeda Jesu gerua dbe giti diali baini kaire cha chage ngwadi, ene suge kwian nage ulia Jesu kle gwadeni Jesu kle cha kira gbe geru dbe gwangerugu malen cha me kwachie.
Kwian unsuialin ta du no Chube ole, ama chada degu talla suge Chube ole giti, chada e gerule: “Cha Chube gai ulia, malen cha gerule no Chube giti kwian ole.” Kwian unsuialin chada degu ene, ama Chube gau ulia, ene kaire cha Chube gerua Jesu giti gai ulia, malen cha kle mo ta gbe gerule no trate Jesu giti kwian ulita ole.
Cha geru Cristo giti du bage, ba geru Cristo giti gau ulia ba mo ta ketu Chubege, e giti nga suga noare badi kaire chadi. Kwian cha gweda Cristo gerua giti cha me tallade, nga suga noare chadi, ba ta dbadale ene kaire. Kwian be cha gweda o me, me uñale chage, agwa diali nga suga noare chadi Cristo ole.
Ulia Jesucristo mo ketu boalenga daga ngwale mo gwangeda che giti kwian agenga me noge, malen suge trate chege che mo ta dbadale no mine daba ole. Jesucristo mo ketu boalenga daga ngwale che ulita giti, e kare ene agwe che mo chugale ngwadi boi daga ngwale daba chudaboi giti Jesucristo agedu kare, che mo ta gbadale daba chudaboi no diali che ñage mangire batre kare.
ကြော်ငြာတွေ