2 Corintios 2:15 - Buglere

¹⁵ Cha kle chage geru Cristo giti trage kwian ulita ole, e giti nga suga no no Chubedi, ene geru Cristo giti ñage chke uñale kwian ulitage, ene kwian ulita ñage geru amaña keruchuge ñage mo ta gbe geru gai ulia mo alin. Kwian gweale geru gai ulia agwa gweale me geru gai ulia,

2 Corintios 2:15 ပူးပေါင်းရင်းမြစ်များ

1 Corintios 1:18

Che ulita Chubenuge suge geru Cristo jokeda kruge giti geru e no geru kiraske, uñale chege Cristo jokeda kruge giti Chube che jwen siere ji chugege che agedu me no gdale. Agwa kwian me Chubenu ama Cristo jokeda kruge gerua gai ngwale, kwian ene kle jogebanga geru uliage, kwian ene be joge sugekare Chubege ji chugale.

Efesios 5:2

Ba mo ta dbadale no daba ole diali daba chudaboi salengwli Cristo ta du no che ole kare. Cristo no no che ole, ta ene ole ama mo chugu ngwadi jogeda che agedu me no giti ene ama che jun siere ji chugege che agedu me no gdale. Cristo agedu ene che alin, e giti Chubedi nga suga noare, Chube gwage Cristo agedu no no kwian ulita alin. Che Chubenu mo ta gbadale age no Chube gwa giti ta dbe no daba na ulita ole.

Filipenses 4:18

Ba igi kagu cha alin Epafrodito ole, igi e chku cha kote, igi e ngle cha alin, nege cha lle molen tanre ulita toigda no, ba kle cha chudaboi tanre igi giti, Chube gwage ba kle age no cha alin kaire ama alin, Chubedi nga suga noare e giti.

2 Tesalonicenses 2:10

Ama be age ene kwian gwa gbe modi ngwale, ama kle sole. Kwian bai me Chube gerua Jesucristo giti gaba ulia kwian ene Satanás be onbre gdaite gbe ama anblite ngwale. Kwian e me Chube gerua ulia Jesucristo giti gau tiendale gitiru ji chugege agedu me no gdale,