2 Corintios 12:14 - Buglere

¹⁴ Nege bitamaigedale cha kle biale joge kwaite baske, cha be jogeni baske cha mi mo chuge ngwadi mo manange ba ulitage igire bligdale toigda no baske diali cha agedu ngeru kare, cha kle chage ba ulitaske geru dbe, e giti cha me kle mo ta gbe lle banu gai mo alin geru dbe ñanale, me ene, cha kle age no ba ulita alin geru ulia kete bage ene ba geru ulia uñe. Chkedale uñale trate bage ñenua ta molen age no mo kirolla alin me kirogwa age no mo ñenua alin, ñenua igi lite ole mo kirogwalla managda, kirogwalla me agedale ene mo ñenua alin, cha ene kare geru ulia dbe baske giti, cha kle geru kete bage ñenua kle age mo kirogwalla alin kare.

2 Corintios 12:14 ပူးပေါင်းရင်းမြစ်များ

Hechos 20:33

Cha kledu toi baske cha me lle kadu bage mo alin mo managda ni cha igi kadu ni cha ñometra kadu ba gwealege mo alin geru dbe ñanale.

1 Corintios 10:24

Che me ñage tañachuge mo giti alin age che takalin kare ulita no che alin, che me ñage tañachuge ene, agwa kaire no mo ta gbe tañachuge daba na ulita giti che kle age e no o me no daba na alin.

1 Corintios 10:33

Cha kle gerule kare ba ulita ole cha kaire kle mo ta gbe age ene diali tañachuge ngeru no kwian na ulita alin, cha me tañachuge ngeru mo giti age mo alin cha takalin kare, me ene, cha kle mo ta gbe tañachuge kwian na giti. Cha kle age ene kwianske cha takalin kwian na tanre ñage mo ta gbe Cristo gai ulia cha giti.

1 Corintios 11:34

Ba gweale bli ole ma no blire no mo ullage, ene me tañachuge chie blire unchkedale ba takalin kare mo litangwage tachkegda Jesucristo giti, ba age ene Chube me ji gbe ba alin mo lite ene giti. Kaire lle na tanre kle gerudale ba ole, agwa cha mi chada degange e giti, cha be joge chui gwealege baske geru trage agali ba ole geru gweale cha me degangu chada aige.

1 Corintios 16:5

Cha be jogeni una Corintoge ba ulita kle ngwadi tienda ba ulitadi, agwa ngeru cha kle tañachuge joge nga Macedoniage tienda daba Chubenudi nga ege, chegé sugeti nga ege gire cha be joge dare, cha kle tañachuge joge chke ba ngwadi una Corintoge.

1 Corintios 4:19

Chube takalin, me sbali cha be joge llani ba ulitaske, mo gwagwa giti cha be ba kwian kle tañachuge ene uñe, ene be chke uñale chage ulia ba kle gerule Chube kiralla giti o ba kle gerule alin ba kle tañachuge kare gballa mo ta giti.

1 Corintios 9:12

Kwian gweale na geru dbanga kle mo ko ñana gbe bage geru dbe giti cha kaire ñage mo ko ñana gbe bage ma kweri, cha geru dbanga ngeru baske. Agwa cha me mo ta gbu age ene ba ole, cha mo ta gbu jage cha lle molen cha me lle molen cha me talladu e giti, cha me mo ko ñana gbu ba ulitage geru dbe giti, cha mo ko ñanalla ulita chugu ngwadi ngwale, cha tadukalin ba geru Cristo giti keruchuge me ta gbe tañachuge lle na giti me ta gbe joge siere geru uliage.

1 Corintios 9:18

Cha Jesucristo gerua traganga kwian ole, e giti cha ñage mo ko ñanalla gbe kwiange agwa cha alin ma no me lle kade kwiange toigda geru dbe ñanale, nga suga no no chadi Jesucristo gerua dbe me mo ko ñana gbe kwiange geru dbe giti, nga suga no ene cha alin e salengwli cha kle lle gweale gai geru dbe ñanale kare.

1 Corintios 9:19

Cha me lle boanga ni kwian gdaite alin ni kwian gdaite cha gau lle boale mau alin, agwa cha agali mo chugu ngwadi lle boangale kwian ulita alin, ene cha takalin kwian ngle Cristo gai ulia.

2 Corintios 1:15

Ngeru cha tañachugu ba ulita kle mo ta dbe no cha ole ba ulita be cha gaini ngwange no diali, malen cha tañachugu joge chke bitaboke baske tienda ba ulitadi, ene bitaboke ba ña kira gai cháge Jesucristo gerua giti.

2 Corintios 11:9

Cha kledu toi geru dbe baske cha tadu igige mo alin toigda, chui gwealege cha toidu bli ole cha tadu llege mo alin gutadale, agwa cha me mo ta gbu igi kade bage toigda ni lle gweale na kade bage mo alin, cha me tadukalin ba llea gai mo alin toigda ene ba me cha chudaboale diali. Mo tale daba Chubenu nga Macedoniamu cha chudabo igi giti, sugedu amage cha me lle molen mo kaire toigda no malen ama chiu igi dbe cha alin, mo tale ama cha chudabo ene. Agwa ba ulitaske cha me mo chugu ngwadi lle banu kade mo alin, cha mo ta gbu age ene toi baske cha be mo ta gbe age ene toi dare cha mo ta gbu kare toi baske kare.

2 Corintios 12:13

E giti cha ñadu igi kade bage toigda agwa cha me agedu ene, kwian Chubenu nga namu igi ketu chage toigda, ene cha ñadu chage gwangerugu Cristo gerua dbe, cha igi e gau mo alin agwa cha kledu geru dbe baske sugedu chage ma no cha me lle kade igi kade bage mo alin toigda. Cha igi gau daba nga namuge toigda agwa cha me igi gau bage, e giti ba gweale kle tañachuge cha agedu me no ba ole me igi kade bage cha takalin ba e talla mlienga.

Gálatas 4:19

Agwa cha me mo ta dbe ene ba ole, ba ulita cha kirolla cha jian kare Jesucristo giti, cha no ba ulita ole, cha kle tañachuge tanre diali ba ulita giti cha kle ba ole suiale cha me kle ba ole suiale. Ngeru ba me Cristo uñu cha ta olidu tanre ba giti, nege ba Cristo uñe, agwa ba kle joge siere geru ulia Cristo gitige, malen nabitaite cha kle ta olire tanre ba ulita giti muinga kle skibachie tanre kirogwa suiale kare, cha ta ene molen ba ulita giti. Cha takalin ba ulita Cristo gai mo Chugagwallale ene ba chage Cristo takalin kare, e giti nga be chege suga no chadi ba ulita giti, ene cha mi chege ta olire dare ba giti.

Filipenses 4:1

Cha daballa cha ibotea Jesucristo giti, cha ta gwagekalin noare ba ulitadi, ba ulita ole cha no no, nga suga noare chadi ba giti. Diali ba agedale ulita no ba mo ta gbale no Jesucristo ole cha gerudu ba ole kare, diali ba mo ta gbale chage no che Chugagwalla Jesucristo takalin kare.

Filipenses 4:17

Cha me kle tañachuge mau alin giti ba igi ketadale chage ene cha toi no, me ene, ma no cha alin cha takalin bdagli Chube age no ba alin lle noare kete bage ba cha chudabo ñanale.

1 Tesalonicenses 2:11

Kaire uñale ba ulitage cha agedu no ba ulita alin, cha ba ulita chudabo gdaite gdaite, cha ba ulita ta gbu suga no geru ulia giti. Salengwli ñenua mo kirolla chudaboi age no mo kirolla alin kare, ene cha agedu ba ulita alin, cha ba ta gbu chage ngerugu Chube geruage, cha ba ta gbu suga no, cha ba ta gbu chage trate kwian Chubenu chagedale kare. Chube ba ulita gau mau alin, ene chui bdagli ama be gerule nga ulita giti kwian ulita Chugagwallale gire ba ulita be joge toi ule ama ole nga no noge.

1 Tesalonicenses 2:8

Cha noare ba ulita ole, malen cha geru Jesucristo giti du bage, me e alin, kaire cha kledu biale mo ta gbaba jogeda ba ulita giti geru dbe bage giti, cha no no ba ulita ole.