2 Corintios 1:21 - Buglere

²¹ Chube ba ulita kaire cha ulita ta gbu Cristo gai ulia, ama che ulita ta gbu chage kiraske Cristo geruage, Chube che ulita gau mo alin geru dbe ama alin kwianske.

2 Corintios 1:21 ပူးပေါင်းရင်းမြစ်များ

Juan 3:34

Chube mo Kirolla kagu nga dba ai giti, Chube Kirolla kle Chube gerua trage kwian ole, Chube kle mo Oña kage diali Kirolla alin, me kle Kirolla chuge ngwadi ama gerua trage gballa.

Hechos 10:38

Uñale bage e suiale Jesu una Nazaremu mo chugu ngwadi Juan-Bautistage mo ñeange chiske gire Chube kira ketu Jesuge age ulita kwianske Chube Oña kirallaske. Gire chui ege gwangerugu Jesu chagedu age no ulita kwian oga dodade jingme ulitage kaire kwian jwligebanga dolla Satanás kote dodade. Chube kle Jesu ole diali malen Jesu ñadu age no ene ulita kwian alin.

Romanos 16:25

Cha kle ba jige Chube kote, ama ñage ba kira gbe mo ta gbe kiraske diali geru uliage cha ba tku tangle kare Jesucristo giti. Chube me boi, ama chege gwade diali chui tangle, unsuialin Chube kwian tanre Chube gerua ketanga ta gbu chada dege be boi Jesucristo ole giti, boidu ene ulita Chube kwian ta gbu mo gerua dege kare. Ngeru Chube nga dodaduge Chube mo ta gbu Jesucristo kage nga dba ai giti kwian jwanle siere ji chugege age me no gdale, geru e chegu ogaba kare skwlenre ba kwian me israelitage, agwa nege geru e chku uñale bage kaire kwian na nga ulitage, ene kwian nga ulitage ñage mo ta gbe Chube gai ulia mo Chubeale Jesucristo giti age Chube takalin kare.

Romanos 8:9

Agwa ba ulita me kle toi mo ta gbe age me no ngeru kare, nege ba ulita kle mo ta gbe age Chube takalin kare, Chube Oña kle ba ta gbe age no, Chube Oña kle toi ulia ba tale ba Cristonu. Chube Oña me kle kwian tale kwian me Cristonu.

1 Corintios 1:8

Chube be ba ulita ta gbe no diali gwangerugu ama geruadi, ene ba be kle biale chui bdagli alin, ene che Chugagwalla Jesucristo chieni chuia chke ba me skwen jiske Chube gwage.

2 Corintios 5:5

Che bebi jegwale ene gai, che kle aini jegwale nga dba ai giti ole agwa Chube Oña kle che tale che ta gbe suge trate jegwale na jagere giti chui be chke gire Chube be che jegwale me jage blite jegwale na jagere jage diali ole, Chube agali mo Oña ketu chege che ta gbe suge ene.

1 Tesalonicenses 3:13

Noare che Chugagwalla ba ta gbe chage no trate ngerugu che Ñenua Chube gwa giti, ene che Chugagwalla Jesu chieni ule kwian ulita amanu jogebada oña ole kaire lle boanga ama alin nga ngaña giti ole chuiage ba mi skate jiske Chubege.

2 Tesalonicenses 2:8

Kwian onbre e be mo kaite Chube kare kwian gwa giti, agwa Jesucristo be chieni kiraske tanre gire Jesucristo gwa giti onbre e ni ñage chege kira molen dare, Jesucristo be gerule alin allabi kwian onbre gdaite e ole gire onbre e be jogekeda.

2 Tesalonicenses 3:3

Chkedale uñale bage ulia Jesucristo che Chugagwalla ama no, Jesucristo kle ba ole ba chudaboi diali ama be ba ta gbe toi no ama kiralla giti, gire che dolla Satanás be ta mo chugakalin ba ole ba gbe age me no agwa Jesucristo be ba chudaboi be ba manade, ama mi ba chuge ngwadi boi daga ngwale che dolla Satanás takalin kare.

Hebreos 13:9

Ba me mo chugale ngwadi anblitange geru tanre ngwalege, ba mo ta gbadale kiraske Jesucristo gerua gai gwangerugu, ba me mo ta blitadale joge siere geru uliage. Chube no no che ole kaire ama kle age no diali che alin, malen che ñage kira gai amage toi no ulita ama takalin kare. Ma no che mo ta gbe kiraske tañachuge Jesucristo giti Chube agedu no che alin giti agwa me tañachuge age diali geru kledu gbaba unsuialin tangle che enusulian oña israelita alin bligda giti gerule kare. Geru e bligda giti chegu ngwale, age geru e kle gerule kare me kle che ta gbe trate Chube gwa giti, geru e giti che me kira gai toi no Chube takalin kare.

1 Pedro 5:10

Chube no no ba ulita ole, ta ene ole ama ba ulita gau mo alin Jesucristo giti, Jesucristo giti chui bdaglige ba ulita be kle ule Chube ole diali chui tangle nga ngaña giti, agwa nege nga dba ai giti ba boi daga ngwale sugeti, boi daga ngwaleske Chube agali be ba ta gbe ma trate ma kiraske ngerugu, ene diali ba ta be chege Chube ole, ene ba mi mo ta blite che dolla Satanás ole.

1 Juan 2:20

Agwa ba ulita kle geru ulia Jesucristo giti gai ulia, ba ulita tale uñale Jesucristo giti Chube mo Oña kagu ba ulita tale ene geru Jesucristo giti suge trate bage.

1 Juan 2:27

Kaire Chube Oña kle ba tale Jesucristo ama kagu kare ba ta gbanga diali geru ulita ulia giti, gire ba me kwian na gbadale mo tke tangle geru ulia giti. Ulia Chube Oña no agali kle ba tke tangle lle ulita giti, geru e Chube Oña kle ba tke tangle giti geru e ulia, me ngwale dale. Ba ta chegedale ule diali Jesucristo ole Chube Oña ba tkaba tangle kare, ba me mo ta gbale joge siere Chube Oñage.

Apocalipsis 1:6

Jesucristo che gau mau alin ama chegu che Chugagwalla kweri, Jesucristo che gau gerungale ama Ñenua Chube ole daba na alin lle boi no Chube alin Chube takalin kare. Cha takalin kwian ulita gerule no chui tangle diali Jesucristo giti Jesucristo agedu no ulita giti, cha takalin kwian ulita Jesucristo gai mo Chugagwallale Jesucristo gbe kweri kwian na gwa giti ulita. Ene nobi.

Apocalipsis 3:18

Malen cha gerule ba ole, ba mo ta gbe gwangerugu Chube gerua gai ulia mo tale kiraske gire cha be age no ba alin lle no kete bage, e chege salengwli cha lle ñanaske kada oro kete bage kare. Cha ba ta blite, ene cha kiralla giti ba ñage age no cha takalin kare, ene ba mi ibule ba agedu me no giti, ba be chege mo ngama tkaba ñometra jutre noske kare, Chube be ba ta gbe joge siere ulita ba kle age me noge kaire Chube gerua be ba ta gbe toi trate Chube gwa giti, e chege salengwli cha gdege jrite ba gwagwa ogage ba gbe ten kare.