1 Timoteo 4:8 - Buglere

⁸ Che kolale, che jrite, ene che kwangitra jrite no kira giti. E ulita no che alin, agwa e sugeti alin. Kaire che mo ta gbadale tañachuge diali Chube gerua giti ta gbe age ulita ama takalin kare, ene che chege Chube kirallaske. E no che alin nege nga dba ai giti kaire chege che alin diali chui na ulita bdagli nga ngaña giti Chube ngwadi.

1 Timoteo 4:8 ပူးပေါင်းရင်းမြစ်များ

Mateo 12:32

Cha chiu nga dba ai giti kwian kare, nege cha kle chage aini kwianske, kwian bai gerule me no cha dollale, gire bigwa kwian e mo ta blite cha ole, kwian ene gerudu ulita me no cha dollale Chube talla mlienga. Agwa kwian bai gerule cha kle age dolla Satanás kiralla giti, kwian ene me kle gerule me no cha alin allabi dollale agwa kaire ama kle gerule Chube Oña dollale, Chube me kwian gerudu me no ene talla mlienga dale. Kwian bai gerule me no Chube Oña dollale ama chege jiske tanre Chube gwa giti diali dale alin, chui bdaglige kwian ene be chege ji chuge diali chui tangle ama gerudu me no Chube Oña dollale gdale —Jesu gerudu ene kwian fariseo ole.

Mateo 19:29

Kaire cha gerule ba ole, kwian ulita bai kaire mo ta dbe ma no cha ole kwian kle mo ta dbe no mo bitalla ulita olege mo llea ulita olege, kwian ene ta kle biale mo llea chuge ngwadi kaire mo bitalla chuge ngwadi cha gerua dbe gdale. Kwian u chuge ngwadi, kwian dbi chuge ngwadi, kwian mo daballa chuge ngwadi, kwian mo ñenua chuge ngwadi, kwian mo chebia chuge ngwadi, kwian mo kirogwalla chuge ngwadi, kwian bai mo ta gbe lle gweale o bitalla gweale chuge ngwadi ene cha gerua dbe kwian nage gdale, kwian ege Chube be lle ma no ma ngle kwian e nu lle chugaba ngwadige kete amage nga dba ai giti kwian ene age cha takalin kare ñanale, kaire bdagli kwian ene be toi no diali chui tangle nga ngaña giti Chube ole.

Mateo 6:33

Ba mo ta gbadale Chube gai ma no diali mo Chugagwallale, ba ama gadale dage, ba mo ta gbadale age no trate ama takalin kare diali, ene Chube be ba manade no be lle toigda kete bage lle bai me ba ole ene ba toi no nga dba ai giti.

Lucas 5:38

Malen diali lle gbakle gage bda kwara jagerege, ene lle gage kle lie, bda kwara me skiennga, lle gage me jogenga ngwale.

Romanos 8:28

Chube nu kwian ulita bai kaire gaba mau alin, kwian mo ta dbe no Chube ole, kwian ene boi daga ngwale ñage tañachuge me no kle boi ulita giti. Agwa me ene, uñale chege boi daga ngwale ulitaske Chube diali age no kwian amanu alin.

1 Corintios 8:8

Sugedale trate che Chubenu ulitage bligda ene gute o me bligda ene gute e salengwli Chube gwage, Chube me tañachuge e giti. Che geru gaba sbali chege suge che ñage bligda kaitaba lle oña ngwalege gute, e me gerule che ma no Chube gwage daba na me bligda ene gutege, kaire e me gerule daba me bligda ene gute ama chege me no Chube gwage, e me ene dale, che chege no trate Chube gwage che mo ta gbe ama gai ulia giti.

1 Timoteo 4:7

Kwian gerule ba ole geru gweale me no unsuialin giti ba me ñage geru e keruchuge geru e gbe gdadi, geru e me gerule ulia Chube giti. Ma no ba mo ta gbe tañachuge diali Chube gerua giti ta gbe age no diali Chube takalin kare.

1 Timoteo 6:3

Kwian gweale daba tke tangle geru ngwalege, me chada ai cha degu gerule kare, ama me gerule che geru jun che Chugagwalla Jesucristo gerua kle gerule trate kare, me gerule che geru gau ulia gerule kare.

1 Timoteo 6:5

Kwian ene ta me no, ama me ñage tañachuge no trate malen diali ama kira bate geru ngwale giti, ama me Chube gerua Jesucristo giti gai ulia. Kaire ama gerule kle kwian tke tangle ulia Chube geruage, agwa ulia me ene, ama tañachuge nganake, ama tañachuge mo tale: “Noare cha kwian tke tangle Chube giti, kwian tke tangle ñanale cha igi gai no.” Kwian ta enege ba jogedale siere.

1 Timoteo 6:6

Ulia che Chube gerua uñe, chege suge Chube gerua ma ñanaske lle ulitage. Lle ngle lle me ngle, che me tallade lle molen mangire batre ole, che nga dbadale suga no diali lle ngle ole lle me ngle ole.

2 Timoteo 3:5

Kwian ai kare ulita be gerule: “Cha no Chube ole, cha Chubenu.” Ama gerule ene gire ama age nganake, ama me chage Chube takalin kare me chage no trate ulia kwian Chubenu chagedale kare. Kwian e karege ulita ba chegedale sugekare.

Tito 3:8

Cha gerudu kare ulita, e ulia ulia, malen cha takalin ba me ka chite geru e trage kwian ulita ole, ba kwian tke tangle geru ege, ene be suge kwian ulitage kwian bai nu Chube gaba ulia ama mo ta gbadale age no diali Chube takalin kare. Geru e no kwian ulita alin, malen ba kwian ulita tkadale tangle no, geru e giti ba be kwian ulita chudaboi.

Hebreos 13:9

Ba me mo chugale ngwadi anblitange geru tanre ngwalege, ba mo ta gbadale kiraske Jesucristo gerua gai gwangerugu, ba me mo ta blitadale joge siere geru uliage. Chube no no che ole kaire ama kle age no diali che alin, malen che ñage kira gai amage toi no ulita ama takalin kare. Ma no che mo ta gbe kiraske tañachuge Jesucristo giti Chube agedu no che alin giti agwa me tañachuge age diali geru kledu gbaba unsuialin tangle che enusulian oña israelita alin bligda giti gerule kare. Geru e bligda giti chegu ngwale, age geru e kle gerule kare me kle che ta gbe trate Chube gwa giti, geru e giti che me kira gai toi no Chube takalin kare.

1 Juan 2:25

Jesucristo agali gerudu che ulita amanu mo ta gbale chege ene ule ama ole kaire Chube ole, ene che ulita amanu be toi chui tangle diali Chube ole.

Apocalipsis 3:12

Kwian ulita bai kaire kirachke che dolla Satanádi ama mo ta gbe kiraske age ulita cha takalin kare, kwian ene be toi diali cha ole kaire cha Ñenua Chube ole nga ngaña giti, kwian e be toi jwire Chube kle toi ngwadi una jagere ka jwankle Jerusalénge una e be chie nga ngaña giti gwadbiguda nga dba ai giti. Una Jerusalén kalla cha be gbe kwian e giti kaire cha Ñenua Chube kalla cha be gbe kwian e giti, ama be chege cha Ñenua Chubenu. Kaire cha be mo ka na jagere gbe kwian e giti.

Apocalipsis 3:21

Cha gerule ba ole, kwian bai mo ta gbe kiraske Chube gerua gai ulia mo tale, cha be kwian ene gbe daba chugagwale daba na kaganga chui bdaglige cha ole ule. Cha be age no ene ama alin salengwli Chube cha Ñenua agedu cha alin kare. Cha kirachku lle ulitadi nga dba ai giti gire cha joni nga ngaña giti Chube ngwadi, Chube cha gbu kwian kaire lle na ulita Chugagwalla kweri.