1 Timoteo 4:7 - Buglere

⁷ Kwian gerule ba ole geru gweale me no unsuialin giti ba me ñage geru e keruchuge geru e gbe gdadi, geru e me gerule ulia Chube giti. Ma no ba mo ta gbe tañachuge diali Chube gerua giti ta gbe age no diali Chube takalin kare.

1 Timoteo 4:7 ပူးပေါင်းရင်းမြစ်များ

Hechos 24:16

Malen cha diali mo ta gbakalin age trate no Chube ole kaire kwian ole.

1 Timoteo 1:4

Ama diali kle tañachuge geru unsuialin alin giti, kaire ama kle tañachuge mo enusulian unsuialin ulita agedu kare, ba me kwian ene keruchuge. Geru unsuialin tanre ngwale kle, kwian tañachuge mo kaire kaire geru e giti, kwian ulita chege geru trage tanre geru ngwale giti, ulita ta me chege salengwli geru giti gire kwian ulita kira bate modi geru giti, ta ene ole ama me ñage daba na tke tangle geru uliage Chube takalin kare. Kwian ulita ene me che chudaboi geru Jesucristo giti dbe kwian nage, Chube takalin kwian ulita Jesucristo gai ulia. Ba gerudale kwian me geru ulia dbanga ole ama me tañachugale dare ama kle tañachuge kare, me ñage daba tke tangle dare geru ngwalege, e me kwian chudaboi geru ulia gai.

1 Timoteo 1:9

Kwian kle age no ulita geru kle gbaba me kwian ene gbe jiske, geru kle gbaba kwian agenga me no ulita alin, geru kle gbaba kwian ai kare gbale jiske: Kwian me ta agekalin geru gbaba gerule kare, ama age me no geru dollale. Kwian me Chube gerua gai ulia, ama age me no alin diali. Kwian alin Chube me kweri, ama ta kle sugekare Chubege. Kwian mo ñenua gweda mo chebia gweda, kaire kwian daba gwangada.

1 Timoteo 3:16

Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.

1 Timoteo 4:8

Che kolale, che jrite, ene che kwangitra jrite no kira giti. E ulita no che alin, agwa e sugeti alin. Kaire che mo ta gbadale tañachuge diali Chube gerua giti ta gbe age ulita ama takalin kare, ene che chege Chube kirallaske. E no che alin nege nga dba ai giti kaire chege che alin diali chui na ulita bdagli nga ngaña giti Chube ngwadi.

1 Timoteo 6:11

Timoteo, ba Chubenu, ba me agedale kwian kle tañachuge igi alin giti kare, ba agedale nganake diali, ba mo ta gbadale toi ai kare: Ba chagedale no trate. Ba agedale Chube takalin kare diali. Ba mo ta gbadale Chube gai ulia. Ba ta dbadale no kwian ulita ole. Jesu gerua dbe giti ba boi daga ngwale ba me talladale. Ba agedale ta no giti kwian ulita alin.

1 Timoteo 6:20

Timoteo, Chube ba gau ba gbu daba tke tangle ama geruage, noare ba daba tke tangle geru e alin allabige. Kwian gweale kle geru ngwale trage daba ole, ba me geru e gbe gdadi. Kwian geru jun gballa mo chugadi geru tanre degu, kwian gerule geru e alin no, geru e alin ulia. E me gerule ulia, geru e me gerule Chube gerua gerule kare.

1 Timoteo 6:3

Kwian gweale daba tke tangle geru ngwalege, me chada ai cha degu gerule kare, ama me gerule che geru jun che Chugagwalla Jesucristo gerua kle gerule trate kare, me gerule che geru gau ulia gerule kare.

1 Timoteo 6:5

Kwian ene ta me no, ama me ñage tañachuge no trate malen diali ama kira bate geru ngwale giti, ama me Chube gerua Jesucristo giti gai ulia. Kaire ama gerule kle kwian tke tangle ulia Chube geruage, agwa ulia me ene, ama tañachuge nganake, ama tañachuge mo tale: “Noare cha kwian tke tangle Chube giti, kwian tke tangle ñanale cha igi gai no.” Kwian ta enege ba jogedale siere.

2 Timoteo 2:16

Kwian gweale kle gerule ngwale geru me ulia giti, ba me ama gbe gdadi, ba joge siere amage, geru ngwale giti ama daba na ta gbe bedre bedre tañachuge me no Chube giti gire bdagli daba ta jwlite age me no Chube dollale.

2 Timoteo 2:23

Kwian kle gerule geru ngwale giti, ba me kwian ene gbe gdadi geru giti, kwian ene gerule tanre, amage me suge kle gerule llema giti, uñale bage kwian ene chege gerule geru ngwale giti gire bigwa ama ta kira batakalin geru e giti. Me no gerule kwian ene ole.

2 Timoteo 3:12

Ulia bai kaire ulita toikalin trate no mo ta gbaba Jesucristo geruage, kwian ene be boi daga ngwale Jesucristo gerua giti, kwian na be age me no ama dollale.

2 Timoteo 3:5

Kwian ai kare ulita be gerule: “Cha no Chube ole, cha Chubenu.” Ama gerule ene gire ama age nganake, ama me chage Chube takalin kare me chage no trate ulia kwian Chubenu chagedale kare. Kwian e karege ulita ba chegedale sugekare.

2 Timoteo 4:4

gire kwian mi geru ulia keruchuge dare, kwian be geru ulia mlienga be geru unsuialin ngwale me no alin gbe gdadi.

Tito 1:14

Ama me kwian israelita gerua unsuialin dodaba mo tale gbadale gdadi, kaire ama me agedale kwian israelita gerua gerule kare, geru e me Chube gerua, geru e kwian israelita gerua, kwian israelita geru e dodadu mo chugadi, kwian me Chube gerua gai ulia, kwian israelita gerua kwian ene gbe siere Chube geruage.

Tito 2:12

Chube agedu no ene che alin malen sugedale chege che chegedale sugekare age me no ulita Chube dollalege nga dba ai giti, che me mo chugadale ngwadi age me no ni sidri kwian me Chubenu kle age kare, che me mo chugadale ngwadi tañachuge age che takalin kare, che agedale ulita no, che chagedale no trate ulita Chube takalin kare.

Tito 3:9

Kwian geru ngwale traganga daba ole, kwian geru unsuialin enusulin oña giti traganga kaire kwian geru traganga Moisés nu Chube gerua degaba unsuialin giti, ama ulita kle kira bate ngwale geru e ulita giti, ba me kira batadale ama ole, ba chegedale sugekare kwian kira bate geru giti daba olege, kira bate geru e giti me no ba alin, e ngwale.

Hebreos 5:14

Diali bligda mno samla kare lle na tanre kare kwian juma kle gute. E kare ene kwian Chube gerua ganga bai kaire mo ta gbaba ulia Chube gerua jwen jumale amage ulita suge kwian Chubenu toidale mine ulita trate Chube gwa giti, kaire agwe amage suge daba na tke tangle no Chube gerua giti. Agwa ba ta kle kirogwa kare ba me kle tachke daba tke tangle daba geru uña kare.