1 Timoteo 3:5 - Buglere

⁵ mo ullaske ama me mo gbe mo kirogwalla chugagwallale no, gire ene kaire mi ñage mo gbe kwian Chubenu chugagwallale no.

1 Timoteo 3:5 ပူးပေါင်းရင်းမြစ်များ

Hechos 20:28

Ba agali kwian Chubenu chugagwalla ulita chagedale ta giti, kaire ba kwian Chubenu na ulita manadale no ta giti. Chube Oña ba gau ba gbu kwian Chubenu manade, malen ba mo ta gbadale kwian Chubenu ulita manade no Chube gerua Jesu gitidi. Jesu jokeda giti kwian Jesu gau ulia kwian ene ulita Chubenu ba manadale no Chube geruadi.

1 Corintios 10:32

Kwian israelita gwa giti kwian me israelita gwa giti kaire kwian Chubenu ulita gwa giti ba mo ta gbadale age trate ene Chube takalin kare, ene ba mi kwian gdaite ta gbe age me no Chube dollale ba kle age giti.

Efesios 1:22

Chube kwian ulita kaire lle ulita nga ulita jigu Cristo kote, ene Cristo chege ulita mauñale chege ulita kagangale. Kaire Chube Cristo gbu kwian ulita Cristo gerua gaba ulia Chugagwallale, che ulita Cristo gerua gaba ulia che Cristonu che Cristo jegwalenu kare, Cristo kle mo talla gbe diali che amanu tale, ama kle ule diali che amanu ulita ole.

Efesios 5:24

Che kle mo ta gbe Cristo gai dage mo Chugagwallale, che kle age Cristo takalin kare. E kare ene ba muinga mo jwanbale mo ñengulalla gadale dage diali mo chugagwallale ama gerua gbe gdadi ama gerule kare.

Efesios 5:32

Chube gerua e no kweri chkedale uñale nate chege, suge chage geru e kle gerule onbre muire mo jwen giti agwa kaire kle gerule Cristo giti kaire kwian Cristonu giti.