1 Timoteo 3:2 - Buglere

² Kwian Chubenu daba gai mo chugagwallale onbre ai kare gadale: Kwian Chubenu chugagwalla chagedale no trate diali kwian ulita gwa giti, ene kwian na me ñage gerule me no amadi. Ama toidale mo muingalla gdaitre alin ole. Ama me mo chugadale ngwadi age me no. Ama me mo chugadale ngwadi age ulita ama ta agekalin kare. Ama mo gadale dage kwian ulita ole. Ama kwian na gadale ngwange no mo ullage. Uñale amage kwian tke tangle mine Chube geruage.

1 Timoteo 3:2 ပူးပေါင်းရင်းမြစ်များ

Lucas 1:6

Zacarías kaire Elisabet kwian noare, ama bonate chagedu trate no Chube gwa giti, ama bonate Chube gau mo Chugagwallale, diali ama kle age Chube takalin kare Chube nu geru gbaba kare.

Lucas 2:36

Chui ege muinga kada Ana kledu u gerungwa Chube olege, Ana Chube gerua ketanga, ama onbre kada Fanuel jian, Ana onbre israelita unsuialin kada Aser chudalla. Ana muinga juma juma, chura ochenta y cuatro chkeba amage. Ana mo jun bdale bdale, chura gdaguke toidu ule ñengula ole, gire ñengula jokeda, Ana chegeba oli onbrege. Ana noare Chube ole, ama gerule diali Chube ole u gerungwa Chube olege, ama lle boi nga ju nga jere Chube alin, chui gwealege ama mo tke bagere bligdage, me blire chuiete ulita, ama chege gerule Chube ole chui ulita bliage.

Romanos 12:13

Daba gweale me lle molen toigda no, ba daba ene Chubenu chudaboadale lle monu girabate ama ole ene ama ñage lle molen toigda. Ba daba na gadale ngwange no ba ullage.

Filipenses 2:15

ene kwian gwage badi me ñage gerule me no ba giti, ama gwage badi ba trate. Ba kwian Chubenu chagedale no trate kwian me no ulitaske, kwian e ta me no age me no diali, ama kle toi nga jereske kare me Chube uñe. Ba jichra kare kwian eneske,

1 Timoteo 3:12

Kwian Chubenu chugagwalla chudaboanga toidale muinga gdaitre alin ole. Ama mo gbadale mo kirogwalla chugagwallale no mo ullage, kaire mo gbadale kwian na kle toi mo ullage chugagwallale.

1 Timoteo 3:8

Ene kaire kwian Chubenu chugagwalla chudaboanga ai kare gadale: Ama agedale no diali, ene ama no kwian na gwage, kwian na ama gai dage. Kwian ulita ole ama gerudale diali ulia. Ama mo ta gbe me lle gage janga me chage llale. Ama me tañachugadale igi gai lle giti ngwale daba ngeru.

1 Timoteo 4:3

Kwian daba tkanga tangle geru ngwalege gerule: “Kwian me ñage mo jwen kaire me ñage bligda ulita gute, bligda gweale me no gutadale.” Kwian e me kle gerule ulia. Chube bligda ulita dodadu kwian alin gutadale. Kwian bai kaire Chubenu Chube gerua gaba ulia ñage bligda ulita gute, ama gerudale no Chube ole bligda giti uñale amage Chube lle ulita dodadu ama alin.

1 Timoteo 5:10

uñale kwian Chubenu ulitage muinga toidu ulita no lle no bo, muinga mo kirolla manadu no, muinga noare kwian basanga ole mo ullage kle kwian basanga gai ngwange no mo ullage, muinga ta dbe daba Chubenu na chudaboi diali, muinga daba kle boi daga ngwale chudaboi no ama kira gbe, kaire muinga kle lle na tanre noare dodade.

1 Timoteo 5:22

Ba me kwian gai blike ko gbe ama giti gerule ama ole ama be chege kwian Chubenu chugagwallale, me uñale bage ama kwian no no o me. Ba kwian gweale gbe blike kwian Chubenu chugagwalla gire bigwa chke uñale ama kwian me no kle age me no, gire kwian Chubenu ulitage be suge ba no ama kle age me no ole ba ama gbu daba chugagwalla. Ba mo ta gbadale age no ulita trate diali, ba me kwian gbe blike mo tale daba chugagwallale.

1 Timoteo 5:9

Ba kwian Chubenu ulita agedale ene: Muinga me chege ñengulage ulita ba me kalla gbe chada giti, ba muinga ai kare alin kalla gbe chada giti: Muinga churalla chku sesenta alin gwangerugu, muinga toidu onbre gdaitre alin ole,

2 Timoteo 2:24

Kwian lle boanga Chube alin me ñage kira bate geru giti, ma no ama chagedale ta no daba ulita ole ama daba tke tangle no geru uliage, daba age me no ama dollale geru giti ama me skochie me skwatige daba tke tangle,

Tito 2:2

Ba kwian onbre juma ulita tke tangle chage ene: Ama me mo chugadale ngwadi age me no. Ama agedale no diali, ene kwian na ama gai dage. Ama me mo chugadale ngwadi age ulita ama ta agekalin kare. Ama diali ta gbadale Chube gerua gai ulia. Ama mo ta dbadale no kwian ulita ole. Ama boi daga ngwale Chube gerua giti ama me talladale, ama mo ta gbadale chage ngerugu Chube takalin kare. Ba kwian onbre juma tke tangle chage ene ulita.

Hebreos 13:2

Kwian ulita chagengale kle joge chke ba ullage ba mo ta dbadale no kwian e ole, ba kwian e gale ngwange no lle ulita giti me tañachuge me no kwian edi. Ulia me uñale bage kwian e ngwale o kwian e lle boanga Chube alin nga ngaña giti kle chage basale badi, kwian gweale nu lle boanga Chube alin nga ngaña giti gaba ngwange no mo ullage, ni uñadu amage lle boanga Chube alin kle chage basale, ama tañachugu kwian ama kare kle chage. Malen ma no ba mo ta gbe kwian ulita gai ngwange no mo ullage.

Hebreos 3:14

Che ta chegekalin Chube ole ule Jesucristo ole diali dale alin gire ene che mo ta gbadale ulia kiraske Jesucristo gerua giti chui tangle kaire tañachuge ulia Chube ñage che chudaboi che ama gerua gau gwangea kare gire.

1 Pedro 4:7

Chui bdagli chege kodi malen ba ulita Chubenu mo ta gbadale tañachuge no trate diali Chube takalin kare me mo chuge ngwadi tañachuge age me no, ene ba ñage gerule no Chube ole ta no trate giti diali.

1 Pedro 4:9

Ba ulita Chubenu ba daba basanga Chubenu na gadale ngwange no mo ullage ta no giti, ba ulita agedale ene modi ongoru ongoru, ba daba ulladale, kaire ba gbengwa ketadale gbegda daba alin, ba me gerule sidri me no daba basanga Chubenu gdaite ole u gdale bligda gdale.

1 Pedro 5:8

Ba ulita mo ta gbadale tañachuge no trate ulita me mo chugadale ngwadi tañachuge age me no, ba ulita kledale biale ta giti diali me mo ta chugale ngwadi chage alenske. Gude saingwli kle chage diali lle jinade gutadale, ene kaire che dolla Satanás kle chage kwian nate kwian ta gbale siere Chubege, che dolla Satanás ta agekalin me no kwian Chubenu ole ta kwian Chubenu ta gbakalin siere Chubege.