1 Timoteo 1:7 - Buglere

⁷ Ama kle mo ta gbe kwian na tke tangle Moisés nu Chube gerua degaba unsuialin giti, ama kle mo ta gbe kwian tke tangle ta giti Moisés nu Chube gerua degaba giti, agwa gire ama agalige geru me suge ni ñage tachke Moisés nu Chube gerua degaba gerule kare me ñage kwian tke tangle no, ama ta kle nga jereske kare geruge.

1 Timoteo 1:7 ပူးပေါင်းရင်းမြစ်များ

Romanos 1:22

Kwian ene gerule mau giti: “Cha geru ulia uñanga tanre.” Ama gerule ene ama kle gerule ngwale, ama me geru ulia uñanga.

2 Pedro 2:12

Kwian daba tkanga tangle geru ngwalege ta bda kare, bda ta me, bda skien bda toi bda chage bda age ulita bda takalin kare agwa me tañachuge mo giti be boi giti bdagli, bda kle toi nga jereske kare me uñale amage kle age no o me kle age no, me uñale amage ngaminegire ama gutabe o gwabeda. Ene kaire kwian daba tkanga tangle geru ngwalege talla, kwian ene me tañachuge mo giti be boi giti bdagli, ama mo chuge ngwadi toi age me no ama takalin kare, ama gerule me no geru uliadi ama takalin kare, ama ta me, ni uñale amage ama kle gerule llema giti, kwian ene be jogeda sugekare Chubege,

1 Timoteo 6:4

Kwian ulita daba tke tangle geru ngwalege ene, ama tañachuge mau giti: “Cha noare, cha kwian kweri, cha alin allabi ñage kwian tke tangle no, kwian na me cha kare.” Amage suge ama kwian no, ulia me ene, ama kwian tke tangle geru ege, ama agalige geru me suge. Kwian ene ta kle diali kira batakalin kwian na ole geru ngwale giti, ama gwage kwian nadi gerule ma no amage gire ama ta skochie ama ta gerukalin no ene daba na gerule kare, ama ta daba sko jwankalin, ama ka boi daba ole, ama gballa tañachuge: “Kwian na tañachuge me no chadi.”

Gálatas 3:5

Chube mo Oña gbe ba ulita tale, Chube Oña kle age tanre no ba tale, ba ta me nge kare, ¿mineade Chube Oña kle age ene ba ulita alin? E me kle gerule ba ulita kle Moisés chadalla gai age Moisés chadalla kle gerule kare e giti Chube Oña kle age. ¡Me ene! Ba ulita geru Jesucristo giti keruchugu, ba geru e gau ulia, e giti Chube Oña chku ba ulita tale.

2 Timoteo 3:7

Muinga e kare tanre be kle biale kwian ulita keruchuge no no, muinga be geru jwen geru e giti gire geru ulita me suge amage geru bai ulia, ene geru ulia me suge amage.

Gálatas 3:2

Cha geru kadakalin ai kare bage, ba ulita kledu Moisés chadalla alin gai dage, ¿Chube Oña chku ba tale geru e giti? ¿O ba geru Jesucristonu keruchugu ba geru gau ulia gire e giti Chube Oña chku ba tale? ¿Ba tañachuge geru bai giti Chube Oña chku ba tale?

Gálatas 4:21

Ba ulita bai kaire ta agekalin ulita Moisés nu Chube gerua degaba unsuialin gerule kare ene ba tañachuge ba no trate Chube gwa giti, ba me kle geru e ulita gbe gdadi trate no.

Hechos 15:1

Pablo, Bernabé kledu una Antioquíage kwian Jesu gerua ganga chudaboi Jesu geruadi gire chui ege kwian gweale israelita Jesu gerua ganga nga kweri Judeage jo chke una Antioquíage Pablo, Bernabé kledu ngwadi. Kwian israelita e daba na nu Jesu gerua gaba tku tangle, ama gerudu: —Ba me mo ta gbe mo kwara tkangenga sidri kwian israelita ulita kle age kare Moisés chadalla gerule kare, ba me ñage tien gitiru ji chugege agedu me no gdale.

Mateo 21:27

Kwian geru tragu ene modi Juan-Bautista giti gire ama mo ta gbu gerule Jesu ole: —Cha ulitage me uñale chema Juan-Bautista kagu. Gire Jesu gerudu ama ole: —Kaire agwe cha mi gerule ba ole chema cha kagu age ene ni cha be gerule ba ole chema kiralla giti cha kle age aini ba ulita gwa giti.

Lucas 2:46

José, María jo chkeni una Jerusalénge Jesu jinade nate, mongike gire Jesu skwendu nate Josége Maríage u gerungwa Chube olege. Jesu kle gwa u ege toiba dba geru trage kwian daba tkanga tangle geruge tanre ole, Jesu kle kwian e gerua keruchuge, kle geru kade tanre amage.

Santiago 3:1

Cha bitalla ulita Jesucristo giti, cha gerukalin ba ole ulita ta no giti ba ta gbe, che me mo gbadale daba na tkanga tangle Chube gerua giti che takalin kare gire me age Chube gerua kle gerule kare. Che me daba na ulladalenga lle gweale ama kle age giti gire che me kle age kaire agwe no trate Chube takalin kare che kle daba na tke tangle kare. E me no. Uñale chege che bai kaire daba tke tangle Chube gerua giti gire me toi no trate age ulita Chube gerua kle gerule kare, che ene giti be joge ji gbaba ma tirare kwian nage chui bdaglige.