1 Timoteo 1:1 - Buglere

^1-2 Cha Pablo chada ai degange ba alin Timoteo: Chube che jwannga siere kaire Jesucristo ama cha gbu ama gerua ketangale, Jesucristo che Chugagwalla, ama be chieni, che kle ama chieni chuia manade ngwange nga suga no ole. Timoteo, ba Jesucristo gerua gau ulia giti ba cha kirolla kare, cha takalin Chube che Ñenua kaire Jesucristo che Chugagwalla age noare ba alin ama tai dage bage ama ba ta gbe suga no diali, ene ba tale nga be kle suga no no badi, cha takalin ba toi Jesucristo talla ole diali.

1 Timoteo 1:1 ပူးပေါင်းရင်းမြစ်များ

Lucas 2:11

Cha geru kete ba ulitage, nege ba enusulian oña David unallaske kirogwa no no chku chebia kote, kirogwa e kwian ulita jwannga siere ji chugege kwian agedu me no gdale. Sbali Chube gerudu be ama kage, nege ama chku kwian ulita alin kaire agwe ba ulita alin, ama kada Cristo, ama che Chugagwalla.

Hechos 9:15

Jesu gerudu Ananías ole: —Joga, ba kle gerule kare ama giti e ulia, agwa nege cha ama gau mau alin kagadale cha gerua dbe kwian tanrege, ama be cha gerua kete kwian israelitage kwian me israelitage kaire ama be cha gerua kete kwian nga ulitamu chugagwallage, cha be ama kage cha gerua trage kwian ene ole.

Romanos 1:1

Cha Pablo lle boanga Jesucristo alin chada ai degange ba kwian Chubenu ulita una Romage alin: Chube cha gau Chube cha gbu geru amanu ketangale kwian ulitage, geru e kwian jwangda siere ji chugege age me no gdale.

1 Corintios 1:1

Cha Pablo chada ai degange ba ulita Chubenu alin kle mo lite Chube geruadi una Corintoge: Chube tale Chube cha gau cha gbu Jesucristo gerua ketangale. Jesucristo gai ulia giti mo alin ba ulita chegu trate Chube gwage, Jesucristo giti ba ulita chegu Chubenu, kaire kwian tanre nga na ulitage chegu Chubenu Jesucristo giti, kwian ene ulita kle mo ta gbe ba kle mo ta gbe kare Jesucristo gai mo Chugagwallale gerule no no modi Jesucristo giti, Jesucristo che Chugagwalla, kaire Jesucristo ama ulita Chugagwalla. Cha Pablo ule daba Sóstenes ole gbi kage chada ai giti ba kwian Chubenu ulita una Corintomu alin.

1 Corintios 9:17

Cha ta lle boakalin no Chube alin geru dbe ama takalin kare, e no Chube gwage, cha lle boi Chube alin ta ene giti Chube be age no cha alin. Agwa kaire cha me ta ene molen cha mo ta gbadale geru dbe, Chube cha gbu geru dbe malen cha mo ta gbadale geru dbe no ama takalin kare.

2 Corintios 1:1

Cha Pablo chada ai degange ba ulita Chubenu alin kle mo lite Chube geruadi una Corintoge kaire daba Chubenu na ulita alin kle toi una na kaire kairege nga kweri Acayage: Chube tale Chube cha gau cha gbu Jesucristo gerua ketangale, cha ule daba Timoteo ole gbi kage chada ai giti ba ulita Jesucristo gerua gaba alin.

Gálatas 1:1

Cha Pablo chada ai degange ba ulita nga kweri Galaciage Jesucristo gaba ulia alin: Cha Jesucristo gerua ketanga, che salengwli me cha gau, che salengwli me cha gbu Jesucristo gerua ketangale. Chube che Ñenua Jesucristo jaba gbuni gwade, Jesucristo e amaña ule Chube ole cha gbu geru amanu ketadale kwiange. Daba Jesucristo gaba ngle kle aini cha ole, cha ule ama ulita ole gbi kage ba Jesucristo gaba ulita alin bai kle toi una kaire kairege kle mo lite Jesucristo geruadi nga kweri Galaciage.

Gálatas 1:11

Cha takalin chke uñale ba ulita cha daballa cha ibotea Jesucristo gitige, geru ulia Jesucristo giti cha kle trage kwian ole geru e me kwian talla ni kwian tañachuge kare, geru e me chiu kwian gweale tale.

2 Tesalonicenses 2:16

Che Ñenua Chube ama noare che ole, diali ama kle age no che alin, Chube che ta gbe, ene uñale chege Chube be che manade chui diali dale alin be age no che alin Jesucristo giti ama gerudu be age kare. Cha takalin Chube che Ñenua ule Jesucristo che Chugagwalla ole ba ulita ta gbe dare nga suga no ole ba kle boi daga ngwale Chube gerua gdale giti. Kaire cha takalin Chube ba kira gbe me kennga gerule no ulita Jesucristo giti kwian na ole age no ulita daba na alin Chube takalin kare.

1 Timoteo 1:12

Jesucristo che Chugagwalla diali kira kete chage lle boi ama alin, nga suga noare chadi e giti. Uñale amage cha be lle boi no ama alin, malen ama cha gau ama cha gbu geru amanu trage no diali kwian ulita ole, nga suga noare chadi.

1 Timoteo 2:3

Gerule ene chugagwalla nga ulitage giti, kaire gerule kwian nga ulitage giti Chube ole, e no. Ba age ene giti Chubedi nga suga noare. Chube che jwannga siere,

1 Timoteo 2:7

Chube cha gau geru Jesucristo giti dbe kwian me israelita alin, Chube takalin cha ama gerua kete kwian me israelita ulitage, ama takalin cha kwian me israelita ta gbe ama geruadi. Cha kle gerule ulia cha me kle sole, cha me kle age mau tale, Chube cha gbu ama gerua trage, cha ama gerua gai ulia diali.

1 Timoteo 4:10

Uñale chege e ulia, malen che mo ta gbe diali lle boi no Chube alin. Kwian tanre ka boi che ole Chube gerua giti, che me tallade, che mo ta gbaba Chube alinge. Chube gwade, ama alin ñage kwian jwen siere bai kaire Jesucristo gai ulia, ene kwian me ji chuge bdagli agedu me no gdale.

Tito 1:3

Chube gerudu ngeru chku uñale chege chui gwealege Chube chui gbu kare. Chube che jwannga siere ama tale ama cha gau, ama mo gerua ketu chage gire ama cha kagu ama gerua trage kwian ole ulita.

Tito 2:10

Ama me lle jwandalenga mo mauña ngeru, ma no ama mo mauña llea manade no ulita mo mauña alin. Ama lle boadale no no diali mo mauña alin me tañachuge lle boi me no sidri. Kwian lle boanga mo mauña alin Chube uñe lle boi no ulita mo mauña alin kwian ulita gwage lle boanga mauña alin Chube uñedi ama chage no trate ulita, gire kwian ulita be gerule no Chube che jwannga siere giti, kwiange be suge Chube gerua no Chube gerua kle kwian Chubenu ta gbe chage trate.

Tito 2:13

Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.

Tito 3:4

Che kledu toi age me no ene ulita gire Chube gerua chku uñale chege, geru e gerule Chube che jwannga siere mo ta giti agedu no kwian ulita alin, ama noare kwian ulita ole,

Tito 3:6

Chube mo Oña ketu chege Jesucristo che jwannga siere giti, ama mo Oña ketu chege che chudaboi tanre.

1 Pedro 1:21

ama jokeda ba ulita alin gire Chube ama gbuni gwade ama duni nga ngaña giti toini ule diali, ama giti ba ulita Chube uñe ba ulita Chube gai ulia, nege Cristo giti ba ulita kle mo ta gbe Chube ole diali, bage suge Cristo giti ba kle chui manade gire ba be joge toi diali chui tangle Chube ole.

1 Pedro 1:3

Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.

2 Pedro 1:1

Cha Simón-Pedro chada ai dege ba kwian Chubenu ulita alin: Cha lle boanga Jesucristo alin, cha Jesucristo gerua ketanga, cha chada ai dege ba ulita nu Jesucristo gaba ulia mo tale alin cha kle Jesucristo gai ulia kare, e no no ene mo ta gbe diali Jesucristo gai ulia. Che Chubea kaire che jwannga siere Jesucristo no no trate, ama agedu no che ulita alin, ama ba ulita ta gbu ama cha ta gbu kare, ene ba ulita ama gau ulia cha ama gau ulia kare.

1 Juan 4:14

Cha ulita gwagedu mo gwagwa giti Jesucristodi nga dba ai giti, cha chagedu ama ole ule, cha ulitage sugedu trate Chube Jesucristo Ñenua Chube ama kagu nga dba ai giti kwian ulita jwanngale siere ji chugege age me no gdale, ene kwian ñage toi Chube ole.