1 Tesalonicenses 4:4 - Buglere

⁴ Ma no sugedale ba ulitage kwian onbre Chubenu ulita toidale trate mo muiralla ole, ba toidale no trate Chube gwa giti mo muiralla ole, ene daba na ulita be gwage badi ba kle toi no mo muiralla ole mo muiralla gai dage.

1 Tesalonicenses 4:4 ပူးပေါင်းရင်းမြစ်များ

Hechos 9:15

Jesu gerudu Ananías ole: —Joga, ba kle gerule kare ama giti e ulia, agwa nege cha ama gau mau alin kagadale cha gerua dbe kwian tanrege, ama be cha gerua kete kwian israelitage kwian me israelitage kaire ama be cha gerua kete kwian nga ulitamu chugagwallage, cha be ama kage cha gerua trage kwian ene ole.

Romanos 1:24

Kwian ene ulita me mo ta blitakalin Chube ole malen Chube kwian ene ulita chuge ngwadi age me no ulita ama ulita takalin kare, ene kwian chege age ta me no tanre ole ulita diali kwian takalin kare, ta tanre me no ene ole kwian mo ta gbe jrite mo salengwlidi age me no tanre sugaska.

Romanos 12:1

Cha daballa cha ibotea Jesucristo giti, ba ulita Chubenu, Chube taidu dage bage agedu tanre no ba alin Jesucristo giti, malen cha gerule ba ole ba ulita agali mo ta gbadale lle boi no ulita Chube alin, ba mo ta gbadale joge siere age me no ulitage mo ta gbe Chube alinge lle boi no ama alin ama takalin kare. Age ene, Chube gwage ba kle age no ulia ama alin ama takalin kare.

Romanos 6:19

Ba ulita kwian, cha gerule ba ole Chube gerua alin giti geru e me suge blike bage, malen cha gerule lle gweale ba uñe giti, ene suge trate bage cha kle gerule mine. Ngeru ba ulita mo chugu ngwadi age me no diali ba tadu agekalin kare, ba mo ta gbu diali age tanre me no, nege ba mo ta blitu age no Chube takalin kare malen ba mo ta gbadale diali Chubege, ene ba be ta dbe age no trate Chube gwage ama takalin kare diali.

1 Corintios 6:15

Ba ulita Cristo gaba ulia, uñale ba ulitage ba jegwale Cristo jegwalenu kare, ¡ba ulita tachkedale e giti! Ba kwian onbre Cristonu me ñage tañachuge ba ñage tien ule muinga chagenga onbre na na nate mo chbadanga ole, ba kwian onbre Cristonu me ñage tien ule muinga ene ole, ¡e me no me no!

1 Corintios 7:2

Agwa ulia mno muinga alin onbre alin toi gballa, diali onbre muinga takalin mo chuge ke giti malen ma no muinga onbre mo jwandale, onbre gdaite gdaite muinga monu alin toidale ole mo kaire, muinga gdaite gdaite onbre monu alin ole toidale mo kaire.

1 Corintios 7:9

Agwa onbre diali tañachuge muinga nate mo alin, muinga diali tañachuge onbre nate mo alin, ma no mo jwen me chege tañachuge alin onbre muire nate muire onbre nate.

2 Corintios 4:7

Chube gerua Jesucristo giti geru no no ma no geru na ulitage, Chube geru e ketu chage dbadale kwian ulitaske. Cha ngwale, cha agali gballa me ñage Chube gerua no ene trage no kwian ole, agwa Chube kle kira kete kle ta kete chage geru e trage no ama takalin kare, ene kwian cha keruchuge geru Jesucristo giti trage ama ole, suge amage cha kle gerule Chube kirallaske me mo kirallaske.

Filipenses 4:8

Cha daballa cha ibotea Jesucristo giti, cha gerule ba ole, ba mo ta gbadale tañachuge diali lle no ai kare giti: Ba tañachugadale geru ulia alinge. Ba tañachugadale age no ulita diali. Ba tañachugadale chage no trate Chube takalin kare. Ba tañachugadale age no Chube gwa giti kaire age no kwian gwa giti, ene kwian ulita gwage badi ba kwian agenga no gire kwian e gerule no ba giti. Ba tañachugadale age no kwian na alin, ene kwian ta dbe no ba ole. Ba ulita mo ta gbadale tañachuge no ene diali.

Hebreos 13:4

Kaire ba ulita mo jwanba ba mo gadale dage ongoru ongoru, ba toidale trate no ulita mo muira ole kaire muinga mo ñengula ole. Ba onbrenu muirenu me mo chuge ke giti, kwian onbre mo jwanba me chage muinga na ole mo muira kare kaire muinga mo jwanba me chage onbre na ole mo ñengula kare. Age ene kare ulita e me no Chube gwage. Kwian mo jwanba chagedale mo muiranu ole alin allabi kaire muinga mo jwanba chagedale mo ñengula ole alin allabi. Kwian onbrenu muirenu me kle toi Chube takalin kare kle mo chuge ke giti ongoru ongoru muinga na ole onbre na ole, gire kwian age ene giti Chube be ji gbe tirare age me no gdale.

1 Pedro 3:7

Cha gerule ba kwian onbre ole, ba ulita Chubenu mo jwanba mo ta dbadale toi no ta giti mo muingalla ole, ba mo muingalla manadale no, ama me kira molen tanre ba kwian onbre kare, ama me salengwli onbre kare, agwa Chube gwage ba gdaboke salengwli, Chube ba gdaboke gau toidale no ule diali chui tangle Chube ole. Ba mo ta dbe no ene mo muingalla ole, ene age me no mo muingalla ole talla me kle ba tale, ene ba gerule Chube ole Chube ba keruchuge, ba gdabonate kle mo ta gbe gdaitre alin e no Chube gwage, ene Chube age no ba gdabonate alin.