1 Pedro 5:1 - Buglere

¹ Nege cha gerule ba daba Chubenu chugagwalla ulita ole, cha daba Chubenu chugagwalla ba ulita kare. Cha gwagedu mo gwagwa giti Cristodi ji chuge dagale nga dba ai giti, Cristo chieni chuiage che ulita be gwage Cristodi ule, chui ege che ulita be joge toi ule ama ole nga ngaña giti.

1 Pedro 5:1 ပူးပေါင်းရင်းမြစ်များ

Lucas 24:48

Nege ba gwagedu agali chadi cha boidu ulia Chube gerua degaba unsuialin gerule kare, ba geru e tragadale kwian ulita ole.

Hechos 1:8

Chui e giti ba me chegedale tañachuge tanre, ma no ba mo ta gbe lle boi no Chube alin Chube gerua cha giti kete daba nage. Chube Oña ama noare, ama be chke ba ulita tale gire ba be kira gai ba be joge gerule no cha giti kwian ulitaske una aini Jerusalénge kaire nga na ulita nga kweri Judeage kaire nga Samariage kaire ba giti geru e be joge tragaba bate kwian nga ulitamu ole, ba be chege kwian cha gerua ketanga daba na ulitage.

Hechos 11:30

Kwian Jesu gerua gaba una Antioquíage igi gau ene daba alin gire Bernabé gale Saulo gale igi dbe igi kete kwian Jesu gerua ganga chugagwalla nga Judeage girabatadale daba Chubenu ulita ole daba chudaboagda.

Hechos 14:23

Una kaire kairege Pablo kaire Bernabé gerudu ene kwian Jesu gerua gaba ole kwian kira gbagda, kaire una e kaire kairege ama kwian gweale gau gbu daba ulita Jesu gerua gaba chugagwallale daba chudaboale Jesu gerua giti, gire Pablo, Bernabé chui gau bage bligdage gerudale tanre Chube ole kwian e ulita giti, Pablo, Bernabé gerudu: “Chube, ba kwian ai ulita manade no ba ama ta gbe lle boi no ba alin daba na chudaboi no ba gerua giti diali, ba me ama chuge ngwadi joge siere ba geruage.” Pablo, Bernabé gerudu ene Chube ole kwian giti gire ama kwian e ulita jigu Chube kote jo una nage daba una ege kira gbagda Jesu geruadi.

Hechos 15:4

Pablo, Bernabé kaire kwian ama gatangadi ulita jo chke una Jerusalénge, gire kwian Jesu gerua ketanga gdataboko giti gdaboke kaire kwian Chubenu chugagwalla ulita kaire kwian na ulita Jesu gerua gaba, kwian e ulita Pablo kaire Bernabé gau ngwange no kaire kwian Pablo, Bernabé gatangadi ulita gau ngwange no. Gire Pablo, Bernabé geru tragu daba Chubenu una Jerusalénmu ole Chube agedu giti ama alin ulita, Pablo kaire Bernabé gerudu: —Cha chagedu Jesu gerua trage kwian me israelita tanreske, gire cha giti Chube kwian me israelita tanre ta gbu Jesu gerua gai ulia.

Hechos 15:6

Kwian fariseo e gerudu ene gire kwian Jesu gerua ketanga gdataboko giti gdaboke mo litu kwian Jesu gerua gaba chugagwalla ulita ole geru trage mo kwara tkangenga giti, ama gerudu modi: —¿Che kwian me israelita tkadale tangle age Moisés chadalla gerule kare o me?

Hechos 2:32

Gire Jesu amaña chku nga dba ai giti, Jesu guleda, Chube Jesu gbuni gwade. Cha ulita chagedu modi Jesu ole ama chagedu ama boidu uñale cha ulitage, ulia boidu David chada degu unsuialin gerule kare.

Hechos 20:17

Cha ulita kledu una Miletoge Pablo ole gire Pablo kwian gweale kagu geru jige kwian Chubenu chugagwalla ulita una Efesomuge Pablo geru tragadale ama ole.

Hechos 20:28

Ba agali kwian Chubenu chugagwalla ulita chagedale ta giti, kaire ba kwian Chubenu na ulita manadale no ta giti. Chube Oña ba gau ba gbu kwian Chubenu manade, malen ba mo ta gbadale kwian Chubenu ulita manade no Chube gerua Jesu gitidi. Jesu jokeda giti kwian Jesu gau ulia kwian ene ulita Chubenu ba manadale no Chube geruadi.

Hechos 21:18

Nagbietege Pablo cha ulita ole ule jo Santiago ngwadi, Santiago ngwadi kwian Chubenu chugagwalla ulita kledu.

Hechos 3:15

gire ba ulita Jesu chugu ngwadi gwadaleda. Jesu alin allabi giti che toi diali chui tangle, ba ulita ama guda agwa Chube ama jaba gbuni gwade naskuni. E ulia cha kle gerule kare ba ole, cha ulita gwagedu mo gwagwa giti Jesudi boi ene ulita.

2 Corintios 5:1

Nege che ulita kle toi nga dba ai giti, agwa che mi chege toi diali, che ulita be jogeda che jegwale be tugeda, agwa chui gwealege che be joge toi nga ngaña giti Chube kle ngwadi, chui ege Chube agali be jegwale na me boi kete chege ene che be ña toi diali chui tangle Chube ole nga ngaña giti.

2 Corintios 5:8

Ma no che alin che jogeda blike, ene che joge siere nga dba ai gitige che ñage toi nga ngaña giti ule che Chugagwalla Jesucristo ole, agwa nege che kle toi nga dba ai giti nga suga no ole che jogeda chuia manade ngwange, uñale chege che be joge toi Jesucristo ole chui ege.

Filipenses 1:19

Kaire nga suga noare chadi uñale chage cha be skachienga chui gwealege, ene cha ñage gerule ma no kwian ole Jesucristo giti. Noare ba kle gerule Chube ole cha giti, e cha chudaboi tanre, kaire Jesucristo Chube Oña kagu cha alin, ama kle cha tale kle cha chudaboi. Chube Oña kle cha kira gbe kaire ba kle gerule Chube ole cha giti malen uñale chage cha be skachienga no chui gwealege.

1 Timoteo 5:1

Kwian onbre juma Chubenu gweale age me no, ba me ka boi ama ole, ba mo ta dbale no ama ole ba mo ta dbe mo ñenua ole kare, ba gerudale no ama ole ta giti ama agedu me no giti. Ba mo ta dbale no onbre biale ole ba mo ta dbe mo daballanu ole kare.

1 Timoteo 5:19

Timoteo, kwian gdaite chke ba ngwadi kwian Chubenu chugagwalla gbe jiske bage, ama me chie boke kwian mai gerule salengwli ba me ama kerua gbe gdadi.

2 Timoteo 4:8

Cha lle bobi Chube alin no, nege lle boi ñanalla kle cha manade ngwange nga ngaña giti Chube kle ngwadi. Che Chugagwalla Jesucristo gerunga kwian ulita giti ulia, ama be gerule chema jiske chema me jiske, ama be lle no kete chage chui bdaglige, me chage alin allabi ama be lle no kete, kaire be lle no kete kwian ulitage bai kledu Jesucristo chieni chuia manade ngwange, ama no Jesucristo ole, ama takalin Jesucristo chieni, kwian ene ulita be lle no gai kaire nga ngaña giti.

Tito 1:5

Tito, che kledu ule nga kweri kada Cretage, che lle bo ule Chube alin, lle gweale me chegu dodaba ulita no, malen cha ba jigu nga ege ba lle ulita boadale no, kaire ba kwian Chubenu chugagwalla gbadale una kaire kaire cha gerudu ba ole kare.

Filemón 1:9

Cha kwian juma nege cha kle skage Jesucristo gerua dbe giti. Cha no no ba ole, cha gerule ba ole ta no giti lle boanga ba alin Onésimo giti. Cha Jesucristo gerua tragu Onésimo ole gire Onésimo Jesucristo gerua gau ulia, nege ama cha kirolla kare Jesucristo giti ama Jesucristo gerua gau ulia aini cha kle skage ngwadi.

Hebreos 12:1

Uñale chege che enusulian oña e ulita unsuialin tangle mo ta gbu ulia Chube ole Chube gai ulia age Chube takalin kare, malen che kaire agwe mo ta gbadale ulia Chube ole Chube gai ulia che enusulian oña e agedu kare. Che mo ta gbadale joge siere lle ulita kle che gbe age me noge, che kle age me no ulita che takalin kare che e ulita chugale ngwadi sugekare chege. Kaire lle ulita bai che ta gbe sugekare Chubege me age ulita Chube takalin kare che lle e ulita chugale ngwadi. Ulia che mo ta gbadale kiraske toi diali no Chube takalin kwian amanu toidale kare.

1 Pedro 1:12

Kwian Chube gerua ketanga kledu gerule Chube be age giti kwian alin, Chube kwian Chube gerua ketanga ene ta gbu suge trate Chube kle ama ta gbe gerule ulita Chube be age e me ama alin chui ege dale, agwa Chube ama ta gbu chui ege, chui nege tangle dale ba ulita alin. Chube Oña kwian ta gbu unsuialin, Chube Oña e amaña mo kira giti kle kwian nege gbe geru Cristo giti trage kwian ole, Chube Oña e chiu nga ngaña giti chku nga dba ai giti kwian ta gbe geru Cristo giti tragangale, ba geru e keruchugu Cristo giti, suge trate ba ulitage Chube agedu no ba alin Cristo giti. Lle boanga Chube alin nga ngaña giti ulita tañachuge tanre Chube agedu no giti kwian alin, takalin chke uñale agwa me suge amage.

1 Pedro 1:7

Mo ta gbe Chube ole ulia salengwli oro kare, kwian oro guge jitage ene oro skwen ulia o me, oro ulia mi kuge ulita agwa me oro ulia be kuge ulita, oro ulia jage jitage. Ene kaire ba kwian Chubenu ulia jage boi daga ngwale ulitage ba mo ta gbe Chube gai ulia diali me mo ta gbe joge siere Chubege boi daga ngwale kote. Ba talla ene ma ñanaske ma no oroge, ba talla chege diali chui tangle, agwa oro me ene, oro ñage boi me chege chui tangle diali. Ba ulita mo ta gbe ma no diali ulia jage boi daga ngwale ulitage ba talla ñanaske tanre Jesucristo gwage, ene Jesucristo chieni chuiage ba kle biale joge toi ama ole, chui ege Jesucristo be gerule no no ba giti, ama be gerule ba ole: “Ba kwian no no, ba agedu no, ba mo ta gbu cha gai ulia cha Ñenua gai ulia diali, nga suga no no chadi ba giti.” Jesucristo be gerule ene ba ole chui bdaglige.

1 Pedro 4:13

Ba boi daga ngwaleske ba mo ta gbadale suga no, sugedale bage Cristo boidu daga ngwale kaire, ene kaire ba amanu boidale daga ngwale, ba mo ta gbe suga no boi daga ngwaleske nege nga dba ai giti, ene kaire nga be suga no no badi Cristo chieni chuiage, chui ege Cristo be chkeni mo kiralla giti, gire be suge ba ulitage Cristo no Cristo kweri.

1 Pedro 5:4

Ba ulita daba Chubenu chugagwalla mo ta gbe daba Chubenu manade Chube geruadi ta no ene ole, ene Cristo daba Chubenu ulita mananga ma kweri chkeni chuiage ama be lle no no kete ba ulita daba Chubenu chugagwallage ba daba Chubenu manadu no ñanale, lle e me boi ni jogenga, lle e chege diali chui tangle.

1 Juan 3:2

Ba cha bitalla ulita Jesucristo giti, ba ole cha gerule ulia, che ulita Chube oliale che ama gerua gaba giti. Chege me uñale trate che be chege mine bdagli, agwa uñale chege Jesucristo chieni gire che be gwage amadi agali mo gwagwa giti, chege be suge trate ama giti, chui ege che be chege no trate ama kare.

2 Juan 1:1

Cha kwian Chubenu chugagwalla juma cha chada ai dege ba ulita mne gdaite Chube nu gaba alin: Cha no no ba ulita ole, me cha alin no ba ulita ole, kwian na tanre kaire nu Chube gerua gaba ulia, ama ulita no no ba ulita ole.

3 Juan 1:1

Cha kwian Chubenu chugagwalla juma cha chada ai dege ba cha skatemanalla no kada Gayo alin: Cha no ba ole ulia cha daballa Jesucristo giti Gayo.

Apocalipsis 1:9

Che ulita Jesucristo gau mo Chugagwallale gire ene Jesucristo giti che ulita Chubenu. Cha Juan ba daballa Jesucristo giti kaire agwe kle boi daga ngwale ba ulita Chubenu kle boi kare Jesucristo gerua gai gdale. Jesucristo kle kira kete che ulitage ene che ñage jage boi daga ngwaleske, ene che ñage chege ta no ole che kle boi ulita tanre daga ngwalege. Jesucristo cha ta gbu geru ulia Chubenu giti gire cha Jesucristo gerua du gdale cha dule skadi ngadrega bleske ka jwankle Patmoge.