1 Pedro 4:5 - Buglere

⁵ Kwian ene ulita agenga me no diali, chui bdaglige Cristo be kle biale ji gbe ama ulita alin ama agedu me no giti, chui ege kwian e be kle Cristo gwa giti be suge trate trate kwian ege ama jiske agedu giti ulita, chui bdaglige Cristo be ji gbe kwian gwade alin kaire kwian jaba chkeni gwade alin. Ba me talladale kwian ene ngeru, ba ama chugale ngwadi Cristoge, Cristo alin ñage ji gbe kwian ene agenga me no ulita alin.

1 Pedro 4:5 ပူးပေါင်းရင်းမြစ်များ

Mateo 12:36

Cha gerule ba ulita ole, chui bdaglige Chube be gerule kwian bai ulita jiske ama gwa giti, chui ege kwian kaire kaire be chke uñale nate kwian gerudu giti nga dba ai giti. Ba bai gerudu sugaska jain jain ba ta me no, chui bdaglige ba be chege jiske Chube gwa giti ba gerua ngwale ulita giti, geru e kbiale ba be boi daga ngwale tanre. Agwa ba bai me gerudu jain jain ba gerudu no Chube takalin kare, ba ta no, chui bdaglige ba be chege no trate Chube gwa giti, Chube mi ba gbe ji chuge, agwa Chubege uñale ama be gerule ba ulita giti ba jiske o ba me jiske ama gwa giti —Jesu gerudu ene kwian fariseo ulita ole.

Lucas 16:2

Kwian igi mauñage chku uñale kwian igi mananga me kle lle boi no gire kwian igi mauña kwian igi mananga kadu geru trage. Kwian igi mananga chku kwian igi mauñadige, gire igi mauña gerudu igi mananga ole: “Cha ole gerudre ba me kle mo ta gbe cha igia manade no, cha takalin ba lle bo ulita chadalla kete chage, nege gwangerugu ba mi lle boi cha alin dare, nege cha ba mlienga.”

Hechos 10:42

Jesu cha ulita kagu geru ama giti kete kwian nga ulitage, ama gerudu cha ulita ole cha gerudale ene: “Chube Jesu gbu kwian ulita Chugagwallale, chui bdaglige Jesu be gerule kwian gwade giti kwian jogebada giti chema agedu no chema agedu me no.” Jesu cha ulita gbu geru e trage kwian nga ulitage ole.

Hechos 17:31

Chube chui gbu gerungwa trate kwian ulita giti kwian bai jiske kwian bai me jiske Chube gwa giti, Chube Jesu gbu gerule ene kwian ulita giti Chube Jesu kagu nga dba ai giti, Jesu jokeda, Chube mo kiralla giti Jesu jaba gbuni gwade kwian ulita gwa giti. E giti sugedale trate kwian ulitage ulia Chube be Jesu gbe gerule kwian ulita ole bdagli bai jiske bai me jiske.

Romanos 14:9

Cristo jokeda gire chkuni gwade, malen ama chegu kwian gwade kaire kwian jogeda oña Chugagwallale, che me tañachugale mo giti, ma no che tañachugale ai kare: Che toi gwade che Cristonu ama che Chugagwalla, che jogeda che Cristonu ama jogeda oña Chugagwalla.

2 Timoteo 4:1

Cha chada ai degange ba alin Timoteo Chube gwa giti kaire che Chugagwalla Jesucristo gwa giti, Jesucristo ama che Chugagwalla kweri, ama be chieni chuiage ama be gerule kwian ulita Chugagwallale be gerule kwian gwade giti kwian jaba giti bai jiske bai me jiske. Cha geru ai gbe ba alin Timoteo, ba agedale no ulita ai kare:

Santiago 5:9

Kaire cha gerule ba ulita ole, ba me ñage mo jwannge giti dabage ongoru ongoru daba na kle age giti ba ole, ene ba giti mi jogeba ji gbaba. Ulia me sbali Chube be gerule kwian ulita giti kwian bai jiske kwian bai me jiske, ama bebi ji gbe kwian giti kwian agedu me no gdale.