1 Pedro 4:2 - Buglere

² Ene suge bage ba me toidale dare gwangerudba age me no ba agedu ngeru kare, ene ba mo ta gbe toi no trate Chube takalin kare, ba toi nga dba ai giti dare age Chube takalin kare me kwian takalin kare kwian kle tañachuge kare.

1 Pedro 4:2 ပူးပေါင်းရင်းမြစ်များ

Mateo 12:50

Kwian bai age cha Ñenua Chube takalin kare, kwian ene cha daballa kare cha ibotea kare kaire agwe cha chebia kare, ama cha bitallanu ulia, cha no no ama ulita ole —Jesu gerudu ene ulita.

Mateo 20:4

gire ama gerudu kwian e ole: “Ba kle ngwale, noare ba ulita joge lle boi cha ngwadi deage, cha be igi kete no bage ba lle boi ñanale.” Dbi mauña gerudu ene kwian ole gire kwian e ulita jo lle boi kwian dbi mauña alin, kwian dbi mauña jo naskuni gudegu ama toi ngwadige.

Mateo 21:31

Jesu geru ñachugu ene gire Jesu geru kadu kwian israelita chugagwalla ulitage: —¿Kirogwa gdaboke e miamne agedu ñenua takalin kare? Kwian jaindunga: —Ñenua gerudu kirogwa ngeru ole, ama alin allabi agedu ñenua takalin kare. Jesu gerudu: —Ba gerudu ulia. Cha gerule ba ole, kwian igi ganga chugagwalla emperador nga Romamu alin kaire muinga mo chbadanga kwian onbrege, kwian ene ulita giti suge ba ulitage kwian agenga me no me no, ba ulita gwage amadi ama lle me no boanga, ama ulita salengwli kirogwa ngeru kare mo ta gbu age ñenua alin. Kwian e agedu me no me no agwa bigwa ama ta jwlitedu Chube ole, nege ama kle Chube gai ulia kle mo ta gbe age ulia Chube takalin kare, ama chege no trate Chube gwa giti ama Chubenu malen ama be toi bdagli Chube ole nga ngaña giti. Agwa ba me dale, ba ulita salengwli kirogwa bai ñenua gerudu bdagli ole kare, ba kle gerule ngwale mo ka giti alin ba ta agekalin no Chube takalin kare, agwa ba me kle Chube gai ulia me kle mo ta gbe age ulia Chube takalin kare, malen ba me Chubenu ba mi ñage toi bdagli Chube ole nga ngaña giti.

Mateo 7:21

Jesu gerudu dare kwian ole: —Chui bdagli be chke gire Chube be kwian me no gbe ji chuge boi daga ngwale tanre diali chui tangle. Chui ege kwian tanre be gerule ama kle cha gai mo Chugagwallale agwa ama me mo ta gbaba ulia age cha Ñenua Chube takalin kare, malen ngwale kwian ene gerule ama kle cha gai mo Chugagwallale. Kaire chui bdaglige kwian tanre be gerule cha ole: “Ba cha Chugagwalla, ba kalla giti cha ba gerua ketu kwiange kaire ba kiralla giti cha dolla kagu siere kwian jwligebangage, lle no tanre cha dodadu ba kiralla giti.” Kwian be gerule ene agwa ama me cha gerua gaba ulia gire cha be jainnga ama kalen: “Ba me cha gerua gau ulia, cha me ba uñe, ba me chanu, ba kwian agenga me no. ¡Joga siere chage! Ba me ñage joge toi cha ole cha Ñenua Chube ole nga ngaña giti.” Cha be gerule ene kwian me cha gerua gaba ole chui bdaglige. Cha gerule ba ole, kwian bai kle age Chube takalin kare, ama alin allabi be ñage joge toi Chube ole nga ngaña giti.

Marcos 3:35

Kwian bai kaire ulita cha keruchuge age cha Ñenua Chube takalin kare, kwian ene cha daballa kare cha ibotea kare cha chebia kare, ama cha bitallanu ulia Chube giti, cha no no ama ulita ole —Jesu gerudu ene kwian ulita kle mo ta gbe age Chube takalin kare giti.

Marcos 7:21

Kwian tale bai kaire talla me no kle, kwian ene be mo ta gbe age me no diali ai kare ulita: Onbre muinga me mo jwanba mo chuge ke giti. Onbre mo jwanba mo chuge ke giti muinga na ole, muinga mo jwanba mo chuge ke giti onbre na ole. Kwian skwe boi daba ngeru. Kwian daba gweda.

Juan 1:13

Kwian chege Chube oliale me salengwli kwian ulita nga dba ai giti menga chebia kote kare, kwian nga dba ai giti age mau tale ama takalin kare ene ama kirogwa molen, agwa Chube kwian ta blite age Chube takalin kare, kwian ene chege Chube oliale, Chube ama ulita Ñenua.

Juan 7:17

Bai kaire mo ta gbakalin age Chube takalin kare, kwian ene ulitage be suge cha kle gerule Chube talla giti ulia o cha kle gerule mo talla giti.

Romanos 12:2

Ba ulita Chube uñe me toidale dare ba toidu ngeru kare kwian me Chube uñe kle toi kare, ma no ba mo ta gbadale tañachuge diali nganake Chube takalin kare, ene ba be toi Chube takalin kare, ene kaire be suge trate bage Chube takalin mine, ene ba ñage age no ama alin ulita no trate ama takalin kare ama gwage.

Romanos 14:7

Che ulita Chubenu me ñage toi mo alin che takalin kare, che mo ta gbadale toi Chube takalin kare diali, che ulita kle toi Chube giti, Chube kle che manade toi gwade, Chube takalin gire che be jogeda, che me ñage chui gbe mo alin toi gwade chui gbe mo alin jogeda. Cristo che Chugagwalla, che kle toi nga dba ai giti che mo ta gbadale toi age che Chugagwalla Cristo takalin kare diali, kaire che me talladale jogeda giti, che Chugagwalla takalin gire che be jogeda, ama me takalin gire che mi jogeda, che toi gwade kaire che jogeda che mo Chugagwalla Cristonu diali.

Romanos 6:11

Jesucristo jokeda bitaitre alin kare mi jogeda dare, ene kaire ba ulita age me no talla chugu ngwadi, diali ba mo ta gbadale me jogeni naskuni age me no dare. Ba ulita Jesucristonu, Jesucristo giti ba mo ta gbadale diali toi age no Chube takalin kare.

Romanos 6:2

¡Me ene dale! Ngeru che ulita mo ta du diali age me no, nege Jesucristo gai ulia giti che ulita mo ta ene age me no diali chugu ngwadi, nege che me mo ta dbale toi dare age me no.

Romanos 7:4

Ene kaire ba ulita cha daballa cha ibotea Jesucristo giti, ngeru ba kledu Moisés chadalla alin gai mo alin, ba me ñadu joge siere ege salengwli muinga mo jwanba me ñage joge siere mo onbrella kle toi gwadege. Cristo jokeda gire chkuni gwade, Cristo giti ba me chege tañachuge age Moisés chadalla alin gerule kare, nege ba Cristonu, Cristo giti ba chege siere Moisés chadallage, nege ba kle Chube chuge ngwadi ba ta gbe age no ama takalin kare.

2 Corintios 5:15

Cristo jokeda kwian ulita alin ene kwian ulita bai kaire Cristo gai ulia kwian ene ulita me toidale tañachuge mo giti age ngeru kare mo alin ama takalin kare, me ene, kwian ene ulita mo ta gbale age Cristo takalin kare tachkedale diali Cristo agedu ama alin giti, Cristo jokeda chkuni gwade kwian ene ulita giti malen ama toidale age no diali Cristo alin.

Efesios 2:3

Ngeru che toidu kaire kwian agenga me no ulita kle toi kare, che ulita agedu me no diali dolla Satanás che ta gbu age kare. Che ulita medunga gwangea che ta me nobi ulita, che ulita tadu agekalin me no che tañachugu mo tale kare. Che ta me no giti che ulita chegu jiske Chube gwage kwian na ulita me Chubenu jiske kare, Chube ji gbe tirare kwian ulita giti bai chege jiske ama gwage.

Efesios 4:17

Geru ai giti cha gerule ba ole Cristo cha ta gbu gerule ba ole kare: Ba me ñage toi dare kwian me Cristo uñe kare, kwian me Cristo uñe kle toi diali tañachuge ama takalin kare diali tañachuge age me no.

Efesios 5:17

Ba me mo ta gbadale agenga ngwale ngwale kwian ta me no kare agwa ba mo ta gbadale suge moge Chube takalin ba age mine kaire ba agedale Chube kle ba ta gbe age kare.

Efesios 6:6

Ba me mo gbadale lle boi no ba chugagwalla kle ba ole ule alin allabi gire, ene ba chugagwalla ñage gerule no ba giti, ba me tañachugadale ene. Ba chugagwalla kle ba ole gwage badi, ba lle boadale no mo chugagwalla alin, ene kaire ba chugagwalla me kle ba ole gwage badi, ba lle boadale no gballa mo chugagwalla alin ama kle gwage badi kare. Ba agedale ulita salengwli ba lle boi Cristo alin kare ta no giti Chube takalin ba age kare.

Colosenses 1:9

Geru chku uñale chage ene ba ulita giti, chui ege gwangerugu cha gerule diali Chube ole ba ulita giti, cha takalin Chube ba ulita ta gbe suge no trate ama takalin mine ba alin, kaire cha takalin Chube ba ta gbe suge ma ngle Jesucristo gerua giti, ene chke uñale bage ba toidale mine no Chube takalin kare.

Colosenses 3:3

Ba Cristo gerua gau ulia giti ba chege salengwli ba jogebakeda Cristo ole ule kare, ba me agedale ba agedu ngeru kare. Ba me toidale age me no kwian me Chube uñe kle toi age me no kare, nege ba talla kle Cristo ole kaire Chube ole.

Colosenses 4:12

Epafras gbi kage ba alin kaire agwe, ama kwian ba jwiamu ama Cristo gerua dbanga kwiange, kaire agwe ama kle diali tachke ba giti ama kle mo ta gbe gerule kiraske Chube ole ba ulita giti diali, ama takalin Chube ba ulita ta gbe tañachuge gwangerugu chui tangle diali Cristo gerua giti kaire mo ta chuge ngwadi Chubege ene Chube ba ta gbe lle boi ma no Chube takalin kare, malen ama kle gerule Chube ole ba giti diali.

1 Tesalonicenses 5:18

Ba kle toi no ba me kle toi no, diali ba ulita gerudale no Chube ole: “Chube, noare ba kle cha ole, noare ba kle cha chudaboi ulita.” Ba ulita Chube uñe Jesucristo giti Chube takalin ba age ene ulita diali.

Santiago 1:18

Malen Chube mo gerua ulia Jesucristo giti gbu che alin, che geru e gai ulia gire Chube che gai mo oliale che gbe toi diali chui tangle ule ama ole. Chube takalin che chege amanu ngerutabi lle ulita ama dodaduge, Chube takalin talla no ene che alin malen ama geru ulia amanu jigu che ulita alin.

1 Pedro 1:14

Kirogwa no mo ñenua gai dage mo ñenua kerua gbe gdadi kare, ene kaire ba Chubege, ba Chube gadale dage mo ta gbe age ama takalin kare diali. Toi aige gwangerugudba ba me tañachugadale age me no dare ba agedu ngeru kare, ngeru ba bebi Chube uñe gire ba kledu age me no ulita ba tadukalin kare. Agwa nege ba Chube uñe,

1 Pedro 2:1

Chube gerua Cristo giti ba ta blitu, malen ba ulita mo ta gbadale joge siere age me no ulitage, ba ulita me agedale me no dare. Ba ulita me ñage sole dare. Ba ulita me gerudale alin ba kle age no gire age me no, ba ulita agedale no ba kle gerule kare. Ba ulita me ta dbadale tañachuge me no dabadi lle dabanu giti. Ba ulita me gerudale me no ngwale dabadi.

1 Juan 2:17

Nga dba ai che toige mi chege chui tangle dale nege tangle kare, kwian ulita bai kaire kle age me no Chube dollale kwian ene be chege sugekare Chubege boalenga ngwale diali dale alin, agwa ulia kwian ulita bai kaire age Chube takalin kare mo ta gbe trate no Chube ole kwian ene be toi Chube ole chui tangle diali.