1 Pedro 3:8 - Buglere

⁸ Cha gerule ba Chubenu ulita ole, ba ulita mo ta gbadale tañachuge salengwli daba Chubenu na ulita ole kwian gdaitre alin kare ta dbe toi no modi, ba ulita ta sugedale salengwli ulita, ba ulita nodale mo bitalla Jesucristo giti ole, ba ulita mo ta dbadale no no age no daba na alin daba na gai ma kweri moge.

1 Pedro 3:8 ပူးပေါင်းရင်းမြစ်များ

Mateo 18:33

¿Gire mineade ba me taidu dage ba skatemanallage cha taidu dage bage kare? ¿Mineade ba me agedu no ba skatemanalla ole cha agedu no ba ole kare? Ulia ba agedu me no me no.”

Lucas 10:33

Bigwa onbre gdaite nga Samariamu jo jon amaña kare, onbre e gwagedu onbre lentigeba jabaledi jonke, ama taidu dage onbre ege.

Hechos 2:1

Bli skute chuia ollade kada Pentecostés, chui e chku gire kwian Jesu gerua gaba ciento y veinte kledu mo litaba ule,

Hechos 27:3

Nagbietege cha ulita jo chke una Sidónge, eni Julio agedu no Pablo alin, ama Pablo chugu ngwadi basale kwian ama skatemanalladi, skatemanalla Pablo gau ngwange no Pablo ko gatu bligda giti.

Hechos 28:7

Pablo lentigu ngwadige kodi kwian chugagwalla nga emu kada Publio kle toi ngwadi, Publio cha ulita du mo ullage ama cha ulita gau ngwange no, cha chegu chui gbamai ama ngwadi, ama cha ulita chudabo tanre.

Hechos 4:32

Kwian Jesu gerua ganga ulia ngle ama ulita tañachugu salengwli kaire sugedu amage ama ulita kwian gdaitre alin kare Jesu gerua giti. Ni ama gdaite mo ta gbu kibale, agwa ama ulita tañachugu lle amanu kaire daba nanu, lle ulita ama ulita alin salengwli.

Romanos 12:10

Ba mo ta dbadale no modi mo daballanu kare daba ulita ole. Ba daba na gadale dage ma kweri moge salengwli ulita.

Romanos 15:5

Chube agali che ta gbe jage boi daga ngwaleske, ene che me joge siere Cristoge boi daga ngwale giti, kaire Chube che ta gbe kiraske nga suga no ole, cha takalin ama age ene ba ulita alin, kaire cha takalin ama ba ulita ta gbe toi no no modi daba ole, ba ulita mo ta dbadale no ene daba na ulita ole Cristo agedu kare, Cristo kledu nga dba ai giti ama mo ta du no kwian ulita ole, ene kaire ba ulita mo ta dbadale no kwian ulita ole.

1 Corintios 1:10

Cha bitalla ulita Jesucristo giti, cha gerule ba ulita ole Jesucristo kiralla giti cha takalin ba ulita mo ta gbadale ule salengwli, ba me kira batadale modi geru giti, ba nodale daba ole, ba mo ta gbadale toi taingwli modi, ba mo ta gbadale tañachuge salengwli modi, ba mo ta gbadale gerule salengwli modi geru ulia giti.

1 Corintios 12:26

Jegwale gweale skibachie jegwale ulita suge skibachie moge kaire. Kaire che jegwale gweale manade no, e no jegwale ulita alin.

Efesios 4:2

Ba me sugedale moge ba ma kweri daba nage, ba diali tañachugadale daba na chudaboi ta no giti, ba nodale daba ole ta no giti, ba mo ta gbadale jage ulita boi daga ngwalege me skochie dabadi me skwatige daba chudaboi, daba age gweale me no ba ole, ba mo ta gbadale no ama ole Chube takalin kare me tañachuge ama kle age gweale ba ole giti.

Efesios 4:31

Nege tangle Chube Oña kle ba tale malen ba mo ta gbadale age no diali, ba me jainchke mo tale dabadi kaire ba me nga gbe jwlitenga mo chuga giti sko ole, ba me gerule ta skochie daba ole, ba me kira bate daba ole kaire ngautenga daba gwage me no, ba me ka boi daba ole kwian na gwa giti, ba mo lingadale siere lle ulita kle ba gbe age me noge, ba agedu me no ulita chugale ngwadi.

Efesios 4:32

Ba mo ta dbadale no daba ole ba mo chudaboadale ongoru ongoru, ba taidale dage dabage. Daba gweale age me no ba ole, ba tale ama agedu me no talla mliadalenga ba chegedale ta no ole ama ole. Ba agedu me no talla Chube mliunga ba Cristo gerua gau ulia gire, ba agedale ene kaire daba na alin.

Filipenses 2:3

Ba lle boi Chube alin me tañachuge mo giti: “Cha ma kweri daba nage, daba na gerudale no cha giti.” Ba me tañachugadale ene, ba tañachugadale nganake, ba daba na gadale ma kweri moge.

Filipenses 3:16

Che geru jwen Jesucristo giti, geru e suge chege bedre bedre, che chagedale geru e gerule kare.

Colosenses 3:12

Chube no ba ulita ole Chube ba ulita gau mau alin ene ba kwian amanu, malen ba ulita mo ta gbadale toi nganake Chube ba ta blitu gwangeruguge, ba mo ta gbadale toi age no diali ai kare: Ba taidale dage daba ulitage. Ba gerudale ta no giti daba na ole, ba agedale no diali daba alin. Ba me mo gbadale ma kweri daba nage. Ba mo ta gbadale daba chudaboi ta giti ta no ole me skochie daba ole. Ba mo ta gbadale jage ulita boi daga ngwalege me skochie dabadi me skwatige daba chudaboi.

Hebreos 13:1

Ba ulita Chubenu me ta jogedalenga mo ta dbe no diali daba na ulita ole, ba mo ta dbadale no daba ole ongoru ongoru mo bitallanu kare Jesucristo giti.

Santiago 2:13

Kwian bai kaire me kle tai dage dabage ama kle daba chuge ngwadi boi daga ngwale gballa, kwian ene giti Chube be ji gbe chui bdaglige, ji chuge chuia chke gire ni Chube be tai dage kwian ege salengwli kwian e me taidu dage daba nage kare, kwian e daba chugu ngwadi boi daga ngwale gballa e gdale Chube be ji gbe ama giti mno. Agwa kwian bai kaire tai dage dabage ama age no daba alin daba kle boi daga ngwale gire, kwian ene be chege nga suga no ole Chube gwa giti chui bdaglige.

Santiago 3:17

Agwa kwian Chubenu bai kle Chube chuge ngwadi ta kete amage toi trate ta ole Chube takalin kare, kwian ene kle mo ta gbe toi no trate daba na ulita gwa giti Chube takalin kare, me age me no ni tañachuge me no mo tale, kwian ene kle age ai kare: Ama mo ta gbe chege ta no ole daba na ulita ole, me kira bate daba ole. Ama mo ta gbe age no daba na alin diali daba gai dage daba chudaboi no. Ama mo ta gbe suge tai dage daba nage age no diali daba na alin. Ama kle mo ta gbe daba ulita gai dage no salengwli, age no daba ulita alin salengwli. Ama mo ta gbe gerule ulia ta no ole daba ole diali, me gerule sugekare dabadige.

Santiago 5:11

Ulia uñale chege kwian bai kaire ñadu mo ta gbe jage ta no ole boi daga ngwale ulitaske kwian enedi nga sugadu noare ama mo ta gbu giti ulia age ulita Chube takalin kare. Ama boidu tanre daga ngwale jere jere agwa ama me mo talladu ama chegu ta no ole diali. Bage geru jo tragaba kwian unsuialin tangle kada Job giti, ba geru keruchugaba Job boidu giti ama mo ta gbu jage ta no ole ama boidu tanre daga ngwaleske, kaire uñale bage bdagli Chube agedu no tanre Job alin, ulia Chube diali no, ama kle tai dage chege ama no che ole, ama me takalin che boi me no daga ngwale tanre.

1 Pedro 1:22

Nege ba ulita geru Cristo giti gai dage, ba kle Chube gerua gbe gdadi, geru e ulia giti ba kle mo ta gbe joge siere age me noge mo ta gbe age no geru e gerule kare, ene geru e giti ba no no daba na Chubenu ole. Geru ulia giti ba ulita mo ta gbadale diali gwangerugu mo ta dbe ma no trate daba na ole.

1 Pedro 2:17

Ba ulita mo ta dbadale no daba Chubenu na ulita ole. Ba ulita mo ta gbadale Chube gai dage no no. Ba ulita mo ta gbadale mo chugagwalla ma kweri chugagwalla na ulitage nga dba ai giti gai dage no. Ba kwian ulita gadale dage no.

1 Pedro 5:5

Ene kaire cha gerule ba kwian Chubenu ulita ole kle mo lite Chube geruadi, ba ulita mo ta gbale no daba ba chugagwallale ole ongoru kaire ulita mo ta dbe salengwli modi, ba ulita daba ba chugagwallale gadale dage diali. Kaire ba ulita Chubenu mo ta gbadale daba na ulita gai dage ongoru ongoru moske me sugedale mo tale ma kweri daba nage. Chube gerua degaba unsuialin gerule e giti, chada e gerule: “Kwian me ñage tañachuge mo tale: ‘Cha ma kweri daba nage.’ Chube me age no kwian ene alin me kwian ene chudaboi, agwa kwian tale suge soli Chube mo ta dbe no kwian ene chudaboi.” Chube gerua degaba unsuialin gerule ene.

2 Pedro 1:7

Ba mo ta dbadale no daba Chubenu ulita ole chudaboi ta no ole mo ta dbe mo daballanu ole kare. Ba mo ta dbadale no kwian na ulita ole.

1 Juan 3:14

Agwa ulia che Chubenu mo ta dbe no daba na ole gire e giti suge chege ulia che ta me ngeru kare che bebi Chube gerua Jesucristo giti gai ulia gire. Ne suiale che chegu sugekare Chubege che me Chube uñu malen che me mo ta du no daba ole. Agwa che me chegu e kare malen che mi joge boadalenga daga ngwale ji chuge tanre ngwadi che agedu me no kbiale, nege tangle Jesucristo gerua gai ulia giti che ta kle Chube ole, che kle mo ta dbe no daba ole giti suge chege che Chubenu ulia, che be toi chui tangle Chube ole. Suge chege kwian bai kaire me kle mo ta dbe no daba ole kwian e me Chubenu, ama be toi diali sugekare Chubege ama me Jesucristo gerua gai ulita giti.