1 Pedro 3:5 - Buglere

⁵ Unsuialin muinga bai chagedu mo ta gbe no trate Chube gwa giti, ama ulita ta du no mo ñengula ole kaire, ama mo ta gbu no trate age no diali, ama me ta du skochie, ama ta gbu toi taingwli mo ñengula ole. Muinga e Chube gau ulia diali, kaire ama mo ñengula gau dage mo chugagwallale.

1 Pedro 3:5 ပူးပေါင်းရင်းမြစ်များ

Hechos 1:14

Una Jerusalénge ama ulita kledu mo lite ule diali gerule Chube ole, kaire Jesu daballanu ulita kaire Jesu chebia kadakle María kaire muinga na kledu mo lite diali ule gerule Chube ole.

Hechos 9:36

E suiale una Jopege muinga gdaite Jesu gerua gaba kada Tabita kledu toi, muinga amaña kwira griegole kada Dorcas. Muinga e diali tañachugu age no daba na alin daba na bai me lle molen chudaboi no diali.

Efesios 5:33

Cha gerule nakwaite ba ulita ole, ba kwian onbre mo jwanbale, ba mo ta dbadale no mo muira ole diali ba no mo ole naskuni kare. Kaire ba muinga mo jwanbale, ba mo ñengulalla gadale dage diali ama gerua gbe gdadi ba ama gai mo chugagwallale.

1 Timoteo 2:15

Chube muinga dodadu kirogwa manade. Chube noare muinga ulita ole. Muinga bai mo ta gbe Chube gerua Jesucristo giti gai ulia diali bai mo ta gbe age no trate mo onbrella gdaitre alin ole onbre gai dage no, muinga ene kle toi Chube takalin kare ama be joge toi Chube ngwadi, ama mi ji chuge agedu me no gdale.

1 Timoteo 5:10

uñale kwian Chubenu ulitage muinga toidu ulita no lle no bo, muinga mo kirolla manadu no, muinga noare kwian basanga ole mo ullage kle kwian basanga gai ngwange no mo ullage, muinga ta dbe daba Chubenu na chudaboi diali, muinga daba kle boi daga ngwale chudaboi no ama kira gbe, kaire muinga kle lle na tanre noare dodade.

1 Timoteo 5:5

Muinga me chege ñengulage, ama me kirolla molen me bdadalla molen me bitallanu molen, muinga ene mo chugadale ngwadi Chube kote, ama mo ta gbadale gerule Chube ole diali nga ju nga jere chudaboi kade Chubege.

Hebreos 11:11

Kaire agwe Abraham mo ta gbu ulia Chube ole Chube gai ulia malen Abraham ñadu kirogwa molen mo muira Sara ole. Ulia Sara me ñadu kirogwa manade ama kledu biale gire, Sara muinga gballa, gire Sara jo juma juma kaire Abraham jo salengwli juma Sara ole gire ama ñadu kirogwa molen gdaite juma giti Chube kirallaske. Abraham mo ta gbu Chube gai dage gire Chube agedu no Abraham alin Chube gerudu kare Abraham ole.

1 Pedro 1:3

Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.