Malen cha gerule ba ulita ole, joga cha gerua trage kwian nga ulitamu ole, ba gerudale ama ole cha giti ene ama ñage cha gerua gai ulia ba kare, kwian ulita bai kaire cha gerua keruchuge ba giti gire mo ta gbe cha gai ulia, ba kwian ene ulita ñeadale chiske gai ngaña chigage cha Ñenua kalla giti cha Chube Kirolla kalla giti kaire Chube Oña kalla giti.
1 Pedro 3:21 - Buglere21 E salengwli che Chube gai dage che mo ñeange chiske mo gange ngaña chigage kare, che Chube gai dage giti che tien gitiru ji chugege che agedu me no gdale. E me gerule che mo ñeange chiske giti che jegwale chege no trate chi kote, me ene, che mo ñeange chiske mo gange ngaña chigage, che age ene che kle mo ta gbe ulia Chube ole Cristo jokeda Cristo chkuni gwade giti, che kle chudaboi kade amage, che takalin ama che ta gbe toi no trate ama takalin kare. အခန်းကိုကြည့်ပါ။ |
1 Pedro 3:21
30 ပူးပေါင်းရင်းမြစ်များ
Kwian bai kaire ulita mo ta gbe cha gerua gai ulia, ba kwian e ñeadale chiske gai ngaña chigage. Kwian cha gerua gai ulia giti Chube be kwian e jwen siere ji chugege age me no gdale gire kwian e be toi diali chui tangle ule Chube ole nga ngaña giti. Agwa kwian bai kaire me cha gerua gai ulia ba geru kete amage kare, kwian ene Chube be ama kage ji chuge daga ngwale ngwadi toi diali sugekare Chubege.
Pedro jaindunga: —Ba ulita mo ta blitadale Chube ole mo ta gbadale Chube gai ulia ba mo ta gbadale ba kle age me no ulita chuge ngwadi, ene Chube be ba agedu me no ulita talla mlienga, ene Chube be mo Oña gbe ba tale. Kaire ba ulita mo chugale ngwadi mo ñeange chiske gdaite gdaite ulita Jesucristo kalla giti, ene be suge ba Chubenu ulia.
Nege gwangerugu ba me manadale dare agwa ba mo gbadale biale geru Jesu giti dbe, chkede gdate, ba gerudale che Chugagwalla Jesu ole ba agedu me no giti ene Chube be ba jwen siere ji chugege ba agedu me no gdale, ba mo ñeange chiske Jesu kalla giti.” Ananías gerudu ene cha ole gire cha agedu ama gerudu kare.
Che ulita me chudalla gdaitre alin agwa Chube Oña che ulita ta gbu ule kwian gdaitre alin kare, che gweale israelita gweale me israelita, che gweale lle boanga mo mauña alin gweale me lle boanga mo mauña alin. Che ulita mo kaire kaire kwian ene agwa Chube Oña che ulita ta gbe kwian gdaitre alin kare Jesucristo giti, Chube Oña amaña gdaitre alin kle toi che ulita tale, Chube Oña kle che ulita ta gbe ule.
Cha bitalla ulita Cristo giti, cha gerudu tanre ngeru ba ole mo giti kaire Apolos giti, e giti cha ta ba chudaboakalin suge trate ba me ñage daba Chubenu chugagwalla gdaite gai ma no daba Chubenu chugagwalla nage. Cha takalin suge trate bage ba ulita agedale Chube gerua degaba unsuialin gerule kare, ba mo ta gbadale age chada e alin gerule kare, ene ba gdaite gdaite me daba Chubenu chugagwalla gdaite gai ma no daba Chubenu chugagwalla nage, ene ba ulita Chubenu chege tañachuge salengwli, ba ulita chege mo ta dbe no daba na ulita ole.
Nga suga no chadi cha tale cha suge moge ulia nga ulita baini kaire cha jogeba ngwadi cha chagedu kwian ulitaske age no trate Chube takalin kare, cha kledu ba kwian una Corintomu ulitaske cha chagedu age no ene kaire. Cha agali mo talla giti me mo ta gbu chage ene, me ene, agwa Chube agedu no cha alin, ama cha ta gbu, ama cha kira gbu diali, ene cha ñadu chage age no trate ama takalin kare.
Cha bitalla Cristo giti, cha no no ba ulita ole, cha gerule ba ulita ole ulia Chube age ene ulita che alin ama gerudu kare, malen che ulita Chubenu mo ta gbadale chege sugekare age me no ulitage tañachuge me no ulitage, che mo ta gbadale Chube gai dage, ene che be age ma no tañachuge ma no trate diali Chube takalin kare.
Cristo agedu no ene ulita che alin ene ama giti che kwian amanu be chege ta no trate ole me jiske Chube gwa giti. Che Cristo gerua gai ulia giti che tien gitiru ji chugege agedu me no gdale gire che mo ñeange chiske mo kaite nate che Chubenu ulia Chube che ta blitu ulia chage no trate ama takalin kare.
Ba Cristo gerua gau ulia, ba mo ta gbu suge ulia Chube ñadu Cristo gbeni gwade mo kiralla giti gire ba mo ñeangu chiske, e salengwli ba jokeda ule Cristo ole ba jaba ogle ule ama jaba ole kare, e gerule ba age me no talla ulita chugu ngwadi ba me kle mo ta dbe toi dare age me no ba agedu ngeru kare. Ba chku ngaña chigage, e salengwli ba jaba chkuni gwade Chube kiralla giti ule Cristo ole kare, ene kaire ba me kle toi ngeru kare, ba kle toi Chube kiralla giti Chube takalin kare.
Ba gerudale ene kwian me geru ulia dbanga ole, ene be suge amage ama mo ta blitadale ene ama ñage age Chube takalin kare, ama me agedale ama agali takalin kare. Chube takalin che mo ta gbe ulia no trate ulita daba ole. Che agedale no ta no giti, che agedale no diali Chube takalin kare ene che me jiske, che mo ta dbadale ulia Chube gai me gerule alin: “Cha Chube gai ulia.” Kwian mo ta gbadale age no diali ulita ene, gire ama ñage ta dbe no ulita daba ole.
Geru ulia Chube giti ba uñe, ba mo ta dbale chage kiraske diali Chube takalin kare. Chube ba gau toi ama ole diali chui ulita, malen ba gerudu kwian ngle gwa giti: “Cha Chube gai ulia, cha be mo ta gbe chage ama ole diali.” Ba gerudu ene kwian ngle gwa giti, nege ba me ta jogenga ba Chube gerua gau chuiage giti.
Chkedale uñale chege che Jesucristo gau ulia giti che ta kle no trate Chube gwa giti, Jesucristo che ta blitu Chube ole ene che suge moge me jiske Chube gwage che agedu me no giti salengwli che suge moge trate che mo glige no trate gire. Ta no trate ene ole che ñage gerule agali Chube ole, Jesucristo giti che ta suge moge Chube kle che keruchuge ama be age che alin che gerule ama ole giti.
Ulia ulia Abrahamge sugedu Chube kira molen tanre Chube ñage ama kirolla Isaac jogekeda gbeni gwadeni, malen Abraham mo ta gbu biale Isaac gweda ulia, Chube gwagedu Abrahamdi Abraham kle biale mo kirolla gweda gire Chube bda cordero gbu Abraham jonllage gwadaleda Isaac taneage, gire Isaac chegu gwade toi ngerugu. Agwa Abraham alin chegu salengwli Isaac jokeda ulia chkuni gwadeni kare.
Agwa ulia bda bea kledu kwian gbe trate sugetidale alin e suiale, gire ene ulia che mo ta gbadale suge Jesucristo jokeda giti e ma no bda beage, Jesucristo giti che ta chege trate no ulita Chube gwa giti diali chui tangle. Jesucristo noare trate ni ama agedu me no sidri, Chube Oña Jesucristo kira gbu mo kete gwaleda boi daga ngwale Chube gwa giti kwian ulita alin salengwli unsuialin tangle kwian gerunga Chube ole daba alin bda gweale no no trate guda Chube gwa giti daba na kle age me no giti kare. Jesucristo jokeda che agedu me no giti, che ama gerua gai ulia gire Jesucristo che ta lite no trate che ta chege trate Chube gwa giti che me age me no che agedu ngeru kare. Ene che ñage lle no boi Chube alin toi diali Chube takalin kare, Chube ulia no trate ama ulia Chube gwade kiraske.
Malen Jesucristo mo ketu gwaleda kwian agedu me no giti, ulia Jesucristo ma no trate ma kiraske lle na ulitage, Jesucristo joni nga ngaña giti agali Chube gwa giti chege gerunga Chube ole kwian alin. Ulia Jesucristo me jo gerule Chube ole u gerungwa Chube olege nga dba ai giti dodaba kwian kiralla giti kwian gerunga Chube ole daba alin na ulita agedu kare. Agwa Jesucristo agali joni nga ngaña giti Chube kle ngwadi, nege ama kle diali nga ngaña giti gerule Chube ole kwian ulita ama gerua ganga ulia ka chudaboanga gerule kwian alin Chube ole.
Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.
Ba ulita Cristonu mo ta gbadale toi no trate Chube takalin kare diali, ene be suge trate trate ba tale ba kle age no Chube takalin kare ba me jiske Chube gwage, ene kwian agenga me no ba ole gerule me no badi ba kle age no giti gire be suge kwian na tanrege kwian kle gerule me no badi kle sole, gire bdagli kwian kle gerule ene badi be ibule tanre mi gerule dare me no badi.
ကြော်ငြာတွေ