1 Pedro 2:23 - Buglere

²³ Kwian ka bo mno me no Cristo ole, Cristo me kwian ka junnga ka boi mno kwian ole. Cristo kledu ji chuge boi tanre daga ngwale kwian me no kote, Cristo me kwian oña bo dagale kwian kledu age giti ama ole, agwa Cristo mo jigu Chube kote kaire kwian kle age me no ama ole jigu Chube kote, uñadu amage Chube alin be ji gbe trate kwian kle age me no alin, ene chkedale uñale bage ba ulita mo ta gbadale Cristo mo ta gbu kare.

1 Pedro 2:23 ပူးပေါင်းရင်းမြစ်များ

Lucas 23:41

che ji chugadale gballa gdabonate, che jiske ulia, che agedu me no malen che kle aini ji chuge che agedu me no giti, agwa ama me su age me no, ama me jiske dale.

Lucas 23:46

Gire Jesu gerudu kweri Chube ole: skagenga tainkwli bonga ngaña joge dba —Cha Ñenua, cha mo oña kete bage manadale. Jesu gerudu ene gire Jesu jokeda.

Lucas 23:9

Herodes gwagedu Jesudi gire Herodes geru kadu tanre amage, agwa Jesu me jaindunga ni sidri Herodes kalen.

Hechos 17:31

Chube chui gbu gerungwa trate kwian ulita giti kwian bai jiske kwian bai me jiske Chube gwa giti, Chube Jesu gbu gerule ene kwian ulita giti Chube Jesu kagu nga dba ai giti, Jesu jokeda, Chube mo kiralla giti Jesu jaba gbuni gwade kwian ulita gwa giti. E giti sugedale trate kwian ulitage ulia Chube be Jesu gbe gerule kwian ulita ole bdagli bai jiske bai me jiske.

Hechos 4:29

Cha Chugagwalla Chube, cha gerule ba ole nege, ba cha keruchuge, nege kwian kle chage age dare cha ulita Jesu gerua dbanga oña boi Jesu gerua dbe giti gdale. Cha ulita Jesu gerua dbanga kwiange cha kle mo chudaboi kade bage, ba cha ulita chudaboi, ba cha kira gbe geru Jesu giti kete kwiange ba kiralla giti ene cha me ta kennga geru kete kwian ulitage.

Hechos 7:59

Esteban dolla kledu Esteban skie ke giti, gire Esteban gerudu Jesu ole: “Cha Chugagwalla Jesu, nege nege cha be jogeda cha mo oña jige ba kote, ba cha oña gai ngwange no nga ngaña giti.”

Hechos 9:1

E suiale gire Saulo me chegu ta chuge kwian Jesu gerua gaba oña gbe gwaleda geru Jesu giti gdale, Saulo mo ta gbu chage kwian Jesu gerua gaba nate gadale diali. Chui gbaite Saulo mo ta gbu joge una Damascoge, malen ama jo kwian gerunga Chube ole daba alin chugagwalla ma kweri ngwadi chada kade chugagwallage jogedale una Damascoge, ene ama joge chke una Damascoge gire ama ñage chada e kaite kwian u mo litangwa Chube gerua jwanngwa chugagwallage, chada e gerule Saulo ñage kwian Jesu gerua ganga kwian muire onbre gai nate dbadale tkale skage Jesu gerua giti una Jerusalénge.

Romanos 2:5

ni ba ta mo ta blitakalin Chube ole, ba ta chegekalin age dare mo ta gbe age me no. Ba me mo ta blite joge siere age me noge Chube be ji chuge kweri gbe ba kle age me no tanre giti chui bdaglige, chui ege Chube be ji gbe kwian agenga me no ulita alin.

Efesios 6:9

Ba ulita kwian lle boanga chugagwalla, ba taidale dage kwian lle boanga ba alinge, ba me ñage gerule me no ama ole ama oña gbe boi daga ngwale. Ba kwian chugagwalla, chkedale uñale bage kaire lle boangage Chube gwa giti ba ulita salengwli, kwian lle boanga ba alin Cristo ama Chugagwalla kaire Cristo ba Chugagwalla, Chube gwa giti ba ulita salengwli. Malen ba me kwian lle boanga ba alin gbe boi daga ngwale.

2 Tesalonicenses 1:5

Suge chage ba ulita una Tesalónicamu kle boi tanre daga ngwale Jesucristo gerua gai gdale agwa ba kle chage no trate gwangerugudba Chube takalin kare, ba me kle Chube gerua chuge ngwadi dale. Malen uñale chage Jesucristo be chieni gire Chube be gerule no ba ole ene: “Ba boidu tanre daga ngwale cha gerua gdale agwa ba toidu cha takalin kare, malen e giti nege cha be ba gai ngwange no aini toi diali cha ole nga ngaña giti.” Chube be gerule ene ulita ba ulita ole. Uñale chage Chube kle age no trate diali kwian ta no alin malen cha ñage gerule ba ole Chube be age no tanre ba alin.

2 Timoteo 1:12

E giti kwian cha tku skage, malen cha kle boi daga ngwale Jesucristo gerua giti, cha me ibule skage Jesucristo gerua giti kwian ngeru. Uñale chage Jesucristo mine, cha ama gai ulia. Uñale chage Jesucristo kira molen, ama be geru amanu manade no chui bdagli alin, ama geru e ketu chage dbadale kwiange, geru e be chege diali chui tangle ama be chieni gire.

2 Timoteo 4:8

Cha lle bobi Chube alin no, nege lle boi ñanalla kle cha manade ngwange nga ngaña giti Chube kle ngwadi. Che Chugagwalla Jesucristo gerunga kwian ulita giti ulia, ama be gerule chema jiske chema me jiske, ama be lle no kete chage chui bdaglige, me chage alin allabi ama be lle no kete, kaire be lle no kete kwian ulitage bai kledu Jesucristo chieni chuia manade ngwange, ama no Jesucristo ole, ama takalin Jesucristo chieni, kwian ene ulita be lle no gai kaire nga ngaña giti.

Hebreos 12:3

Ba mo ta gbadale tañachuge diali Jesucristo boidu daga ngwale giti kwian agenga me no Jesucristo dollale kote. Sugedale bage Jesucristo jagedu boi daga ngwalege ta no ole me skwatigu ni skochiu. Malen ba ulita me ñage Jesucristo talla mlienga, ba me mo chuge ngwadi me Chube gai ulia dare ba kle boi daga ngwaleske, mo ta gbadale Jesucristo kare me skwatige me ta olire ba kle boi giti.

1 Pedro 3:9

Daba na age me no ba ole ba me agedale me no ama ole ama age kare, ma no ba age no ama ole. Daba na kira bate ka boi me no ba ole ba me kira bate ka boi gwangoguda ama kle age kare, ma no ba gerule no ama ole ba age no ama alin Chube agedu no ba alin kare. Chube ba gau mo alin agedale no, Chube takalin ba age no daba na ulita ole me tañachuge daba kle age no o kle age me no ba ole, ba agedale no diali daba ulita ole, ene Chube be age no ba alin.

1 Pedro 4:19

Ba boi daga ngwale nga dba ai giti, Chube takalin ba boi daga ngwale ba boidale daga ngwale, agwa Chube me ba chuge ngwadi sugekare amage. Ba me tañachugale kle boi giti, ma no mo ta gbe diali age ma no ngerugu diali Chube takalin kare mo jige Chube kote, Chube ba dodanga, Chube no no ba ole, Chube mo kiralla giti kle ba manade.

Apocalipsis 19:11

Gire cha gwagedu nga ngañadi nga kledu degabanga gire ja jutre gdaite kledu ne ngwadi, kwian kledu chage ja e giti kwian e ka gbere KWIAN GERUNGA ULIA NO TRATE, kaire ama ka gbere KWIAN AGENGA ULITA AMA KLE GERULE KARE. Ama chegu kwian ulita Chugagwalla no, ama kledu age mangire batre kwian ole kwian kle age giti no o me no. Ama kledu kira bate kwian ulita ole kwian bai kaire mo tku dole Chube ole.