1 Pedro 2:19 - Buglere

¹⁹ Kwian gweale me no ba kwian Chubenu ole kwian ene ba gbe boi daga ngwale ba kle age no Chube takalin kare giti, boi daga ngwale eneske ba tachke Chube giti Chube kle ba ole Chube gwage ulita uñale kle boi ba ole, ba tachke ene Chube giti, kaire ba mo ta gbe jage ulita ta no ole, ba age ene Chube be age no no ba alin Chube be ba chudaboi.

1 Pedro 2:19 ပူးပေါင်းရင်းမြစ်များ

Lucas 6:32

’Ba me mo ta dbadale no ba skatemanalla alin ole allabi agwa kaire ba mo ta dbadale no kwian ba dolla ole, ba noare ba skatemanalla alin allabi ole, ¿Chube be age mine no ba alin e ñanale? Chube mi age no ba alin dale e ñanale, kwian ulita no mo skatemanalla ole, kaire kwian me no ama no mo skatemanalla ole.

Juan 15:21

Ba ulita chanu, malen kwian ulita me chanu be chage ba nate age me no ba dollale, ama me cha kaganga uñe, malen ama be age me no ba ole.

Hechos 11:23

Bernabé jo chke llani kwian una Antioquíamu nu Jesu gerua gabadige, gire Bernabé gwagedu Chube ageba no tanre ulia kwian una Antioquíamu alin, e giti Bernabédi nga chegu suga noare kwian Jesu gerua gaba giti. Bernabé kwian Jesu gerua gaba una ege ta gbu, Bernabé gerudu: —Ba mo ta gbe ulia Jesuge chage no diali gwangerugu Jesu geruadi.

Romanos 13:5

Ba ulita mo chugagwalla nga dba ai giti gadale dage ta boke giti: Gdaite, ba chugagwalla gai dage, ene ama me age ba ole me ba gbe jiske. Na, bage sugedale ama ba chugagwalla, ba ama gadale dage nga dba ai giti.

1 Corintios 15:10

Chube agedu no no cha alin, ama cha gau lle boi ama alin, ama ta ketu chage lle boi ama alin ama takalin kare. Chube me cha gau ngwale dale, me ene, cha kle lle boi no no, cha kle lle boi ma giti dare kwian Jesucristo gerua ketanga na ulitage. Cha kle lle boi ene cha me kle age mo kiralla giti, Chube no no cha ole, Chube mo kiralla giti cha chudaboi lle boi no.

2 Corintios 1:12

Nga suga no chadi cha tale cha suge moge ulia nga ulita baini kaire cha jogeba ngwadi cha chagedu kwian ulitaske age no trate Chube takalin kare, cha kledu ba kwian una Corintomu ulitaske cha chagedu age no ene kaire. Cha agali mo talla giti me mo ta gbu chage ene, me ene, agwa Chube agedu no cha alin, ama cha ta gbu, ama cha kira gbu diali, ene cha ñadu chage age no trate ama takalin kare.

2 Corintios 8:1

Cha bitalla Jesucristo giti, nege cha ta gerukalin ba ulita ole Chube kle age giti daba Chubenu ulitaske nga tanre Macedoniage, Chube kle kwian amanu ulita nga ege ta gbe age Chube takalin kare.

2 Timoteo 1:12

E giti kwian cha tku skage, malen cha kle boi daga ngwale Jesucristo gerua giti, cha me ibule skage Jesucristo gerua giti kwian ngeru. Uñale chage Jesucristo mine, cha ama gai ulia. Uñale chage Jesucristo kira molen, ama be geru amanu manade no chui bdagli alin, ama geru e ketu chage dbadale kwiange, geru e be chege diali chui tangle ama be chieni gire.

Hebreos 10:2

Moisés Chube gerua degu bda gweda kwian alin giti e kwian gbe trate ulia Chube gwa giti gire ¿mineade kwian ulita chegu bda ngle kete gwaleda mo giti diali? Ama bda kete gwaleda bitaitre alin gire ama chege trate Chube gwa giti, e ene ulia gire ama me bda ketadale gwaleda dare ama kle age me no giti dale, kaire agwe ama me sugedale moge jiske Chube gwa giti ama agedu me no giti.

1 Pedro 2:20

Agwa kwian gweale ba gbe ji chuge ba agedu gweale me no giti gire ba mo ta gbe jage ji chuge ba agedu me no giti, Chube me age no sidri ba alin ba mo ta gbe jage ene giti, ba agali jiske ba agedu me no ene giti, ba ji chugadale e gdale. Ba mo ta gbe jage ji chuge ba agedu me no giti e me ñanaske Chube gwage, agwa ba boi daga ngwale ba kle age no giti ba mo ta gbe jage ta no ole ulita kle boi giti, e ñanaske Chube gwage.

1 Pedro 4:15

Ba Chubenu me daba gwaleda, ba me skwe boadale, ba me agedale me no sidri daba na ole, boi kle sugekare gire ba me jogedale boiske gerule kle boi ulita giti, ba gweale ji chuge age e kare giti e me no me no, ji chuge ngwale age ene giti gweale boi, ene ba nga dbale ibule tanre mo giti.