1 Pedro 2:17 - Buglere

¹⁷ Ba ulita mo ta dbadale no daba Chubenu na ulita ole. Ba ulita mo ta gbadale Chube gai dage no no. Ba ulita mo ta gbadale mo chugagwalla ma kweri chugagwalla na ulitage nga dba ai giti gai dage no. Ba kwian ulita gadale dage no.

1 Pedro 2:17 ပူးပေါင်းရင်းမြစ်များ

Mateo 22:21

Kwian jaindunga: —Kwian oña e chugagwalla kweri emperador nga Romamu kada César, kaire ama kalla kle gbaba igi e giti. Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege.

Juan 13:35

Ba mo ta dbe no ene ulita modi, kwian na gwage badi age no be chke uñale nate ulia ba kwian chanu ba kwian geru jwannga chage.

Romanos 12:10

Ba mo ta dbadale no modi mo daballanu kare daba ulita ole. Ba daba na gadale dage ma kweri moge salengwli ulita.

Romanos 13:7

Chugagwalla igi kade mangire batre ba igi ketadale, ba mo chugagwalla ulita gadale dage mo chugagwallale, ama ba chugagwalla malen ba agedale ene chugagwalla kaire kaire alin.

2 Corintios 7:1

Cha bitalla Cristo giti, cha no no ba ulita ole, cha gerule ba ulita ole ulia Chube age ene ulita che alin ama gerudu kare, malen che ulita Chubenu mo ta gbadale chege sugekare age me no ulitage tañachuge me no ulitage, che mo ta gbadale Chube gai dage, ene che be age ma no tañachuge ma no trate diali Chube takalin kare.

Efesios 5:21

Ba onbre ba muire mo ta gbadale salengwli modi age no daba alin. Ba tañachugadale diali daba na Chubenu chudaboi, ba daba gadale dage ba nodale ama ole diali Cristo no kwian ulita ole kare.

Filipenses 2:3

Ba lle boi Chube alin me tañachuge mo giti: “Cha ma kweri daba nage, daba na gerudale no cha giti.” Ba me tañachugadale ene, ba tañachugadale nganake, ba daba na gadale ma kweri moge.

1 Timoteo 6:1

Kwian daba gai gbe lle boi mau alin, kwian e amanu, ama chege diali lle boi mo mauña alin, kwian Chube uñe ama toi ene lle boi mo mauña alin ama mo mauña gadale dage diali, ama age ene kwian na gwage amadi me gerule me no Chubedi kaire me gerule me no Chube geruadi.

Hebreos 13:1

Ba ulita Chubenu me ta jogedalenga mo ta dbe no diali daba na ulita ole, ba mo ta dbadale no daba ole ongoru ongoru mo bitallanu kare Jesucristo giti.

1 Pedro 1:22

Nege ba ulita geru Cristo giti gai dage, ba kle Chube gerua gbe gdadi, geru e ulia giti ba kle mo ta gbe joge siere age me noge mo ta gbe age no geru e gerule kare, ene geru e giti ba no no daba na Chubenu ole. Geru ulia giti ba ulita mo ta gbadale diali gwangerugu mo ta dbe ma no trate daba na ole.

1 Pedro 2:13

Ba ulita mo chugagwalla ulita nga dba ai giti gadale dage age ama gerule kare, Chugagwalla Chube takalin ba mo ta gbe age no ene chugagwalla nga dba ai giti ole. Chugagwalla ma kweri chugagwalla na ulitage nga dba ai giti, ba ulita ama gadale dage,

1 Pedro 5:5

Ene kaire cha gerule ba kwian Chubenu ulita ole kle mo lite Chube geruadi, ba ulita mo ta gbale no daba ba chugagwallale ole ongoru kaire ulita mo ta dbe salengwli modi, ba ulita daba ba chugagwallale gadale dage diali. Kaire ba ulita Chubenu mo ta gbadale daba na ulita gai dage ongoru ongoru moske me sugedale mo tale ma kweri daba nage. Chube gerua degaba unsuialin gerule e giti, chada e gerule: “Kwian me ñage tañachuge mo tale: ‘Cha ma kweri daba nage.’ Chube me age no kwian ene alin me kwian ene chudaboi, agwa kwian tale suge soli Chube mo ta dbe no kwian ene chudaboi.” Chube gerua degaba unsuialin gerule ene.