Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 1:6 - Buglere

6 Uñale trate ba ulitage be boi ene chui bdaglige malen nga suga no no ba ulitadi chui e manade, nege nga dba ai giti ba kle boi tanre daga ngwale, agwa uñale bage boi daga ngwale nga dba ai giti joge tangle me chege diali. Ba kle chui manade joge toi Jesucristo ole nga ngaña giti, e me joge tangle, e be chege diali.

အခန်းကိုကြည့်ပါ။ ကော်ပီ




1 Pedro 1:6
47 ပူးပေါင်းရင်းမြစ်များ  

Ba bai kle ta olire tanre sugekare Chubege bai kle skwatige mo ta dbe jiske ba kle age me no Chube dollale gdale, ba ulita bai kaire kle toi ene ba salengwli kwian kle chage teru ngle gaba dbe kare. Cha ta ba chudaboakalin cha ta ba ta gbakalin no Chube ole ba ta gbe suga no diali, ene ba me chege ta olire dare.


Jesu gerudu ene gire Jesu jo Pedro dbe kaire Zebedeo kirolla gdaboke dbe mo ole llagli. Jesudi nga chiu olire tanre ama be boi daga ngwale giti,


Ba ñage kirachke dolla ulitadi, agwa e giti ba me nga dbe suga no, ma no ba nga dbadale suga no mo kalla giti kle degaba nga ngaña giti Chube kle ngwadi.


Lle boanga Chube alin e gerudu ama ulita ole: —Ba me kwachie, cha kle chage geru noare jige bage kwian ulita alin. Kwian ulita be geru ai cha kle kete bage uñe, nga be suga noare amadi geru ai giti.


Ene kaire ba ulita mi kle nga suga no ole be kle ta olire tanre cha nate, cha be chieni gire ba be gwageni chadi cha be kleni ba ole, ba tale be nga suga no tanre molen, nga suga no ba ulita tale cha giti kwian na me ñage e jwennga, nga suga no e be chege ba tale diali.


Cha gerudu ulita ba ole, ba tachkedale e giti ulita, ene cha giti ba be ta dbe suga no diali. Ba ulita chanu be boi daga ngwale nga dba ai giti kwian me chanuske, agwa ba me tallade e giti, ba me ta dbe kennga, ba mo ta gbadale diali cha kirallaske, cha kirachku ulita me no kiralladi.


Una e ulita gdamaige kwian tanre geru Jesu giti gaba, Pablo, Bernabé kwian e ulita kira gbu Jesu geruadi, gerudu kwian e ulita ole: —Ba mo ta gbadale chage diali tañachuge Jesu geruage, me ama talla mlienga. Che ulita Chubenu boidale daga ngwale nga dba ai giti kwian me Chube uñe kote, gire ene bdagli che be joge Chube kle ngwadi toi diali chui tangle Chube ole.


Chui be chke gire Jesucristo be ba dbe ule ama ole toi ama kle ngwadi diali chui tangle, ba mo ta dbadale nga suga no ole e giti chui e manade ngwange. Ba mo ta gbadale jage boi daga ngwalege. Ba gerudale Chube ole diali.


Nga suga no no chedi Chube ole che Chugagwalla Jesucristo giti, Jesucristo giti che me Chube dollale nge kare, nege Jesucristo giti che Chube skatemanalla.


Che Jesucristo gau ulia, ene Jesucristo giti che chege no trate Chube gwage, kaire Jesucristo giti Chube kle age no che alin diali, che kle toi nga dba ai giti gire Chube kle che ulita ole diali, kaire chui bdagli che be joge toi Chube ole nga noge, che kle chui e manade nga suga no ole.


Nege toi nga dba ai giti boi daga ngwaleske cha kle tañachuge diali bdagli giti cha be joge toi nga ngaña giti Chube kle ngwadige, tañachuge e giti cha kira gbeda jage boi daga ngwaleske nga dba ai giti, uñale chage cha kle boi daga ngwale nege e me chege diali, e be joge tangle, malen suge chage e sugeti alin. Agwa cha joge toi nga ngaña giti gire cha be joge siere boi daga ngwale ulita nga dba ai gitige, nga ngaña giti cha be toi no diali nga suga no ole chui tangle Chube ole, e me joge tangle, e chege diali cha alin.


Cha tañachuge boi daga ngwale alin giti cha ta chege olire agwa eske cha tañachuge Jesucristo giti chadi nga suga no mo tale diali geru dbe giti. Cha me lle molen ketadale kwiange agwa geru kete giti ene kwian tanre geru ulia gai mo alin, e no. Cha me lle molen sidri mo alin nga dba ai giti agwa cha Jesucristo uñe, cha alin Jesucristo ma no ulitage.


Kwian mo chuge ngwadi age kwian takalin kare, kwian ene be age me no diali, agwa kwian Chube Oña chuge ngwadi age ama tale, Chube Oña kwian ene ta gbe ai kare: Chube Oña kwian ta gbe mo ta dbe no daba na ulita ole. Chube Oña kwian ta gbe nga suga no ole. Chube Oña kwian ta gbe suga no me tañachuge boi daga ngwale giti. Chube Oña kwian ta gbe jage ulita boi daga ngwalege me skochie me skwatige. Chube Oña kwian ta gbe gerule ta no ole daba na ole. Chube Oña kwian ta gbe age no daba na alin daba na chudaboi. Kwian gerule be age gweale daba na alin, Chube Oña kwian ene ta gbe age ulia kwian gerudu kare.


Epafrodito ta jogekalinni ba ngwadi geru trage ba ulita ole, ama kle tañachuge tanre ba ulita giti, uñale amage ba ulita kle tañachuge tanre ama giti, geru ama giti chku uñale bage ama ogadu, malen ama tañachuge ene ba giti.


Che ulia Chubenu, che gerule noare Chube ole, kaire nga suga noare chedi Jesucristo giti, Chube Oña kle che ta gbe che gerudale noare diali Chube alin ole. Che me tañachuge mo kwara giti che mo kwara tkangenga o me, e ngwale giti tangle me uñale ulia ta kle Chube ole o me.


Ba ulita nu che Chugagwalla Jesucristo gerua gaba ulia, ba Jesucristonu, malen ba nga dbadale suga no diali chui tangle Jesucristo ole. Cha gerule nabitaite ba ole, ba nga dbadale suga no ene diali chui tangle.


Ba ulita mo ta gbu chage cha chagedu kare kaire Chugagwalla Jesucristo chagedu nga dba ai giti kare. Ba Jesucristo gerua gau ta suga noare ole, e Chube Oña ba ta gbu, ba ulita boidu daga ngwale Jesucristo gerua giti, agwa ba ulita me talladu, ba geru ulia gau ulia diali no.


Cha daballa cha ibotea Jesucristo giti, cha no no ba ulita ole, ba ulita Chube gerua Jesucristo giti gaba ulia, cha takalin suge bage ba kle boi daga ngwaleske ba ulita me mo ta gbadale olire, agwa ba mo ta gbadale nga suga no Chube ole ba ulita kle boi tanre daga ngwaleske.


Cha gerule ulia ba cha bitalla Jesucristo giti ole, kwian ulita bai kaire me lle molen daba na lle tanre molen kare, kwian ene ulita me mo ta gbale olire ama me lle molen giti, sugedale amage Jesucristo giti Chube kle age no ama alin negege tangle ama kle boi daga ngwaleske Chube ama chudaboi kaire chui bdaglige ama be kle Chube ole chui tangle dale Chube be age no ama alin. Chube gwa giti kwian ene ñanaske tanre, malen e giti kwian ene mo ta gbale toi nga suga no ole diali.


Ba mo ta gbadale ta olire ole ba kle age me no giti. Ba me ñage chege mo ta gbe gide nga suga ole ba kle age Chube dollale giti, ba mo ta dbadale olire ibule Chube ngeru ba kle age giti, ba me chagedale dare me no ngwale ba ulita takalin kare.


Boi daga ngwale daba na kote age no giti, e no, e ñanaske Chube gwage, agwa boi daga ngwale age me no gdale daba na kote, e me salengwli age no giti kare. Chube takalin che boi ene daga ngwale age no giti daba na kote che boidale, che me talladale boi age no giti, che mo ta gbadale age diali no ngerugu.


Chui bdagli chege kodi malen ba ulita Chubenu mo ta gbadale tañachuge no trate diali Chube takalin kare me mo chuge ngwadi tañachuge age me no, ene ba ñage gerule no Chube ole ta no trate giti diali.


Chube no no ba ulita ole, ta ene ole ama ba ulita gau mo alin Jesucristo giti, Jesucristo giti chui bdaglige ba ulita be kle ule Chube ole diali chui tangle nga ngaña giti, agwa nege nga dba ai giti ba boi daga ngwale sugeti, boi daga ngwaleske Chube agali be ba ta gbe ma trate ma kiraske ngerugu, ene diali ba ta be chege Chube ole, ene ba mi mo ta blite che dolla Satanás ole.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ