1 Pedro 1:23 - Buglere

²³ Chube gerua ba ta blitu, nege ba kwian Chubenu, e salengwli ba medunga nabitaite kare Chube gerua giti, e me salengwli ba medunga chebia kote ngeru kare ñenua nga dba ai giti ole kare, ba medunga ngeru e me jage, e boi. Agwa Chube ba ta blitu jagere mo gerua giti e ba medunga nabitaite kare, Chube gerua ba ta blitu giti ba be toi diali chui tangle Chube ole, Chube gerua me boi, Chube toi diali chui tangle, Chube me boi.

1 Pedro 1:23 ပူးပေါင်းရင်းမြစ်များ

Mateo 24:35

Nga ngaña giti nga dba ai giti mi chege diali dale alin, nga ulita ulita be joge tangle, agwa cha gerua mi joge tangle dale, cha gerua be chege diali dale alin, be boi ulita cha gerua kle gerule kare.

Lucas 8:11

Cha geru ñachugu chude drennga giti, nege cha geru e gbe chke uñale bage cha gerudu kare giti. Chube gerua chude kare.

Juan 1:13

Kwian chege Chube oliale me salengwli kwian ulita nga dba ai giti menga chebia kote kare, kwian nga dba ai giti age mau tale ama takalin kare ene ama kirogwa molen, agwa Chube kwian ta blite age Chube takalin kare, kwian ene chege Chube oliale, Chube ama ulita Ñenua.

Juan 1:3

Ama giti Chube nga ulita dodadu lle ulita dodadu, Chube ni lle gdaite dodadu sugekare amage.

Juan 3:3

Jesu gerudu Nicodemo ole: —Cha gerule ulia ulia ba ole, kwian me menga nabitaite me ñage joge Chube ngwadi, kwian ene me Chubenu.

Juan 3:5

Jesu jaindunga: —Cha gerule ulia ulia ba ole, kwian ulita menga nge jondege soli chebia kote, menga ene alin allabi giti kwian me Chubenu me ñage toi Chube ole, agwa kwian ulita mo ta chugadale ngwadi Chube Oñage mo ta blite, ene ama Chubenu, be toi Chube ole, e salengwli kwian menga nabitaite kare.

Juan 6:63

Cha gerudu ba ole cha me gerudu ba ulita cha jegwale gutadale ulia ene ba be toi diali chui tangle, me ene dale, ba ulita tañachugadale ba ta giti ba ta mine cha ole, ba cha gadale ulia mo tale, e alin allabi giti ba ulita ñage toi diali chui tangle cha Ñenua ole.

Romanos 1:23

Chube gwade, ama me jogeda, ama me boi. Agwa kwian boi, bda boi, ulita me chege gwade diali, ama ulita jogeda. Kwian lle e kare ngwale oña dodade mo kodi gai mo chubeale, kwian mo salengwli oña dodade, kwian bda ji giti oña dodade, kwian bda ko giti oña dodade, kwian bda chage dba kde kwara giti oña dodade. Lle oña e ulita ngwale me gwade, lle oña e kare ole kwian mo ta gbe no, kwian lle oña e kare gai mo chubeale, agwa Chube gwade ulia ole kwian me mo ta gbe, kwian me Chube ulia gwade gai mo Chubeale me gerule no Chube ulia gwade giti.

Hebreos 4:12

Che me Chube gerua gadale geru ngwale kare, Chube gerua gwade kiraske, Chube gerua me geru na kare. Chube gerua ulita ulia, Chube diali kle gerule mau ta giti geru e ulita kiraske, Chube diali kle age ulita Chube kle gerule kare. Chube gerua kiraske salengwli sbadi dau no dau degabale ka bonga kare, sbadi e kare giti kwian ñage lle ulita boi no, kwian ñage bda dage blikare tadi ñage bda gweda sbadi e kare giti. E kare ene Chube gerua ñage joge chke kwian ulita tale biale kiraske kwian gbe tañachuge kwian kle age giti. Kaire Chube gerua giti suge kwiange ama mo ta blitadale Chube ole suge kwiange ama me kle tañachuge trate ama me kle age trate Chube gerua kle gerule kare.

Santiago 1:18

Malen Chube mo gerua ulia Jesucristo giti gbu che alin, che geru e gai ulia gire Chube che gai mo oliale che gbe toi diali chui tangle ule ama ole. Chube takalin che chege amanu ngerutabi lle ulita ama dodaduge, Chube takalin talla no ene che alin malen ama geru ulia amanu jigu che ulita alin.

1 Pedro 1:25

Agwa Chube gerua me boi, Chube gerua jage diali chui tangle.” Chube gerua e geru Cristo kwian jwannga siere giti, geru e amaña Cristo giti jo tragaba ba ulita ole.

1 Pedro 1:3

Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.

1 Juan 3:9

Ulia che Chube oliale che me kle chage age me no diali, che kwian Chubenu ulitage Chube ta jagere ketaba toigda no Chube takalin kare malen che kwian Chubenu me kle chage mo ta gbaba age me no diali, che ulia Chube oliale, Chube che ta blitu toi no Chube takalin kare.

1 Juan 5:18

Uñale chage kwian mo ta gbaba Chube gai ulia kwian ene me mo ta gbe age me no Chube dollale, Chube Kirolla Jesucristo kwian ene ta manade no ama kle kwian ene kira gbe diali malen che dolla Satanás me ñage age me no kwian ene ole kirachke kwiandi, Chube ma kiraske che dolla Satanáge.