1 Juan 4:7 - Buglere

⁷ Ba ulita cha bitalla Jesucristo giti, cha gerule ba ulita ole, che mo ta dbadale no daba na ulita ole ongoru ongoru, che ulita bai ta suge no daba ole Chube kle ta ene kete chege, ama ta ene no molen. Kwian ulita mo ta dbe no daba ole, kwian ene Chube olia kwian ene Chube uñe ulia.

1 Juan 4:7 ပူးပေါင်းရင်းမြစ်များ

Juan 13:34

Cha be geru ai jagere kete ba ulitage, ba geru ai gbe gdadi: Ba ulita mo ta dbadale no modi cha ta dbe no ba ulita ole kare, ulia ba mo ta dbadale ulita no modi daba ole.

Juan 17:3

Kwian ba gadale Chube gdaitre alin ulia, kaire kwian cha gadale ulia ba Kirolla Jesucristo, ba cha kagu nga dba ai giti, kwian cha uñe ene kaire kwian ba uñe, e giti kwian toi diali chui tangle.

1 Corintios 8:3

Ma no ba ulita mo ta dbe no salengwli daba na Chubenu ole kaire mo ta dbe no Chube ole, Chube alinge uñale ba talla mine.

2 Corintios 4:6

Unsuialin nga ulita kledu nga jereske gire Chube nga gwangea dodadu, Chube nga chra gbu gire nga jere chegu sugekare nga chrage, nga chra chegu sugekare nga jerege. Chube e amaña Jesucristo kagu nga dba ai giti chage kwianske kwian ta gbe Chube uñe, kwian me Chube uñe kle chage nga jereske kare, Jesucristo kwian ta gbe suge salengwli jichra kwian gbe ten nga jereske kare, Jesucristo giti che Chube uñe, Jesucristo giti suge trate chege Chube noare kweri.

Gálatas 4:9

Ngeru ba kledu ene, agwa nege ba Chube ulia uñe, ba agali me mo ta blitu Chube ulia gai, Chube ba ta gbu ama uñe trate. Chube agedu ene ba alin, malen me suge chage mineade nege ba mo ta blitakalin chege age nge kare naskuni kwian gweale ngwale nu geru gbaba gerule kare, geru e ngwale, geru e giti ba me ñage age ulita Chube takalin kare, ni Moisés chadalla giti.

Gálatas 5:22

Kwian mo chuge ngwadi age kwian takalin kare, kwian ene be age me no diali, agwa kwian Chube Oña chuge ngwadi age ama tale, Chube Oña kwian ene ta gbe ai kare: Chube Oña kwian ta gbe mo ta dbe no daba na ulita ole. Chube Oña kwian ta gbe nga suga no ole. Chube Oña kwian ta gbe suga no me tañachuge boi daga ngwale giti. Chube Oña kwian ta gbe jage ulita boi daga ngwalege me skochie me skwatige. Chube Oña kwian ta gbe gerule ta no ole daba na ole. Chube Oña kwian ta gbe age no daba na alin daba na chudaboi. Kwian gerule be age gweale daba na alin, Chube Oña kwian ene ta gbe age ulia kwian gerudu kare.

2 Timoteo 1:7

Chube mo Oña ketu chege lle boadale no Chube alin, Chube me mo Oña ketu chege mo ta dbadale kennga lle boi Chube alin. Diali Chube Oña kle che ole che ta gbe kiraske, ama che ta gbe no Chube ole kwian ole, kaire ama che ta gbe age no ama takalin kare me che ta agekalin kare.

1 Pedro 1:22

Nege ba ulita geru Cristo giti gai dage, ba kle Chube gerua gbe gdadi, geru e ulia giti ba kle mo ta gbe joge siere age me noge mo ta gbe age no geru e gerule kare, ene geru e giti ba no no daba na Chubenu ole. Geru ulia giti ba ulita mo ta gbadale diali gwangerugu mo ta dbe ma no trate daba na ole.

1 Juan 2:10

Agwa kwian bai kaire kle mo ta dbe no daba ole ulia, kwian ene kle age no Chube takalin kare. Kwian kle joge chage ngajudige jonkare ama ñage ten jondi no trate, ama me kle sera jwatenga lle gwealege jonkare baini kaire ama chage ngwadige, nga chra giti ama ñage ten no ulita. E kare ene kwian bai kaire kle mo ta dbe no daba ole Chube takalin kare, kwian ene me kle mo gbe age me no Chube dollale.

1 Juan 2:29

Uñale ba ulitage Jesucristo no trate agenga no diali, kaire chkedale uñale bage kwian bai kaire kle chage age ulita trate Chube takalin kare, kwian ene ulia Chube olia.

1 Juan 2:3

Chube geru gbu kare kwian alin che geru e gai dage geru e gbe gdadi age Chube gerua gerule kare, ene suge chege mo tale geru e giti che Chube uñe ulia.

1 Juan 2:4

Kwian gweale gerule: “Cha Chube uñe”, kwian gerule ene agwa me Chube gerua gai dage me age Chube gerua gerule kare, kwian ene me Chube gerua uñe ulia, Chube gerua me kle kwian ene tale, kwian ene kle sole mo ole naskuni Chube gwa giti.

1 Juan 2:7

Cha bitalla ulita Jesucristo giti, cha gerule ba ole, ba mo ta dbadale no daba ole ongoru ongoru. Geru ai ulita cha kle dege ba alin geru ai me jagere dale, geru ai amaña sbalibi ba nu keruchugababi gwangeabi ba Jesucristo gerua gau uliabi gire.

1 Juan 3:9

Ulia che Chube oliale che me kle chage age me no diali, che kwian Chubenu ulitage Chube ta jagere ketaba toigda no Chube takalin kare malen che kwian Chubenu me kle chage mo ta gbaba age me no diali, che ulia Chube oliale, Chube che ta blitu toi no Chube takalin kare.

1 Juan 4:11

Ba ulita cha bitalla Jesucristo giti, ba ole cha gerule, Chube no che ole malen ama agedu no che ulita alin ene kaire che mo ta dbadale no no daba na ole ongoru ongoru Chube mo ta du no che ole kare.

1 Juan 4:12

Chubedi ni bitaite che nu gwageba agwa che mo ta gbe no daba ole toi no daba ole ongoru ongoru Chube takalin che toi kare, gire ene suge chege ulia Chube Oña kle toi che tale che ta gbe ma no gwangerugu chui kaire kairege, kaire che mo ta gbe no daba ole diali, ene nga suga noare Chubedi ama talla no kle che ta gbe toi age no trate ama takalin kare.

1 Juan 4:16

Chube Oña giti Chube che ta gbe chke suge trate ulia Chube no che ole. Chube ta dbe no diali kwian ulita ole, kwian bai kaire toi Chube talla giti no daba na ole, kwian ene kle toi Chube talla ole Chube kle toi ama tale, kwian ene Chubenu.

1 Juan 4:20

Kwian gweale gerule: “Cha mo ta dbe no Chube ole”, gire sugeti ama mo ta dbe jainchke daba na Chubenudi, kwian ene me no Chube ole ama kle sole ama me kle gerule ulia ama no Chube ole, ama me no mo salengwli ole kaire ama me no Chube ole. Mo gwagwa giti kwian kle gwage dabadi, ama kle mo ta dbe me no daba ole ama me ñage gerule ama no Chube ole, ama me ñage gwage Chubedi mo gwagwa giti ama kle gwage dabadi kare, ¿mine kwian ene ñage gerule ama no Chube ole? Che mo ta dbe no Chube ole kaire che mo ta dbadale no daba Chubenu ole.

1 Juan 4:8

Kwian me mo ta dbe no daba na ole, kwian ene me Chube uñe. Chube ta dbe no diali kwian ulita ole Chube age no kwian ulita alin malen kwian bai Chube uñe ta ene molen kaire daba na ole, kwian ene Chubenu ulia.

1 Juan 5:1

Kwian ulita bai kaire mo ta gbe Jesucristo gai ulia, suge kwian enege ulia Jesucristo Chube Kirolla Chube nu ama kagaba kwian ulita jwanngale siere ji chugege age me no gdale, kwian ene Chube olia. Kwian Chubenu ulita bai kaire mo ta dbe no Chube ole kwian ene kaire mo ta dbe no kwian na Chube olia ulita ole.

2 Juan 1:5

Cha no no ba ulita ole ba cha bitalla ulita Jesucristo giti, cha gerule ulia ba ole, cha takalin che ulita Chubenu mo ta dbe no daba na ole ongoru ongoru. Geru ai cha kle dege ba alin, geru ai me jagere dale, geru ai sbali kledubi gbaba geru ai amaña che keruchugubi gwangea che Jesucristo gerua gau chuiage.