1 Juan 4:4 - Buglere

⁴ Ba ulita cha olia kare Jesucristo giti, ba ulita Chubenu ole cha gerule, Chube Oña kle ba tale, ama ma kiraske che dolla Satanáge malen ba kirachku kwian kle chage geru ngwale me ulia dbe Satanás kiralla gitidi. Che dolla Satanás kle kwian e tale ama me kiraske Chube Oña kare, malen kwian e me ñage ba anblite geru ngwaledi ama takalin kare.

1 Juan 4:4 ပူးပေါင်းရင်းမြစ်များ

Juan 12:31

Chui kle kodi gire cha Ñenua be ji gbe kwian ulita alin bai me cha gai ulia Chube cha kagu, kwian ene be chege sugekare cha Ñenuage diali, cha be jogeda giti che dolla Satanás mi chege nga ulita chugagwallale dare.

Juan 14:30

Cha me ñage chege gerule tanre dare ba ulita ole, kwian me chanu ulita chugagwalla Satanás kle kwian amanu ta gbe biale chie age me no cha ole. Satanás me ma kweri chage, cha me mo chuge ngwadi amage ama me ñage age cha ole,

Juan 16:11

Chube Oña be kwian ta gbe suge che dolla Satanás be ji chuge tirare bdagli, Satanás kwian ulita me chanu chugagwalla, Satanás jiske kweri cha Ñenua gwa giti, cha Ñenua be ji gbe kweri ama alin, ene kaire cha Ñenua be ji gbe kwian ulita me chanu alin.

Juan 17:23

Cha kle ama ulita ole ba kle cha ole kare, cha giti ama ulita tañachuge no ulia kwian gdaitre alin kare, ene ama giti kwian me chanuge suge ulia ba cha kagu aini nga dba ai giti, kaire suge amage ulia ba no kwian chanu ole ba no cha ole kare.

Romanos 8:31

Chube agedu no tanre ene che alin, Chube no che ole, malen che me tañachugadale dare kle boi mine che ole. Lle na me salengwli kiraske Chube kare, Chube kle che ole, Chube kle che manade malen ni kwian gdaite ñage age me no che ole che gbe siere Chube agedu che alinge.

Romanos 8:37

Che me tallade boi tanre daga ngwale giti, uñale chege che Jesucristonu Jesucristo no no che ole ama agedu tanre no che alin, e giti che mo ta gbe no ama ole, boi daga ngwale me ñage che ta gbe siere amage.

1 Corintios 2:12

Chube mo Oña ketu che ulita Chubenuge, ene Chube Oña giti suge trate chege Chube kle age no no che alin Jesucristo giti, che salengwli me kle che ta gbe suge ene, Chube Oña alin che ta gbe suge Chube giti.

1 Corintios 6:13

Che ñage gerule bligda giti kaire che kde giti: “Bligda kle che alin gutadale, che bligda gute gire bligda joge che kdege.” Ulia bligda che kde alin che kde bligda alin, e ulita ene agwa lle e boke mi chege diali alin, chui be chke gire Chube be bligda ulita kagenga be che kde ulita kagenga. Che ñage gerule ulia che kde giti che kde bligda alin, agwa che me ñage gerule che jegwale giti che jegwale mo chuge diali ke giti alin. Me ene, che me mo jegwale chugadale ngwadi mo chuge ke giti, che jegwale me mo chugadale ke giti alin, che jegwale che Chugagwalla Jesucristo alin. Jesucristo che jegwale dodadu mo alin lle boadale no ama alin, Jesucristo kira kete chege lle boi no ama alin ama takalin kare.

2 Corintios 4:4

Che dolla Satanás kle ko gate kwian ene ta giti, malen kwian ene ta kle nga jereske kare sugekare Chubege, kwian ene kle age Satanás takalin kare, malen kwian me Cristo gai ulia, me suge kwian enege Cristo no kweri Cristo Chube Cristo giti ama ñage Chube uñe.

2 Corintios 6:16

Lle oña dodaba mo kodi kwian kle gai mo chubeale, ¿lle oña e talla tañachuge mine ule kwian talla ole? Lle oña e jaba, che talla me ñage tañachuge ule e ole. Che Cristo ganga ulia me kle lle oña jaba gai mo chubeale, che talla Chube gwadenu, che talla Chube gwade toingwalla, Chube gerua degaba unsuialin gerule e giti, chada e gerule: “Chube gerudu: ‘Kwian bai kaire cha gai dage, cha be toi kwian ene tale diali, baini kaire ama joge ngwadi cha be kle ama ole, cha ama Chubea, ama kwian chanu.’

Efesios 2:2

Ba kledu chage age me no kwian na ulita agenga me no kare, ba kledu chage diali che dolla Satanás takalin kare, dolla Satanás ama dolla na ulita kle nga ngaña ngwalege chugagwalla, ama kle kwian ta gbe diali age me no Chube dollale.

Efesios 3:17

Ba ama ulita ta gbe Cristo gai ma no dare diali gwangerugu mo Chugagwallale, ba ama chudaboi mo Oña giti, ene suge amage mo tale Cristo kle diali ama ole. Ama no no ba ole kaire ama no daba ole,

Efesios 6:10

Nege cha gerule ba ulita ole ba Cristo gerua gaba ba ulita Chubenu, ba ulita che Chugagwalla Chube kiralla gadale mo kira gbagda che dolla Satanás ngeru.

1 Juan 2:1

Cha bitalla ulita Jesucristo giti, ba cha alin ulita salengwli cha olia kare, cha no ba ulita ole, malen cha chada ai dege ba alin ba ta gbagda, ene ba mi age me no gweale. Agwa kaire ba gweale age me no Chube dollale, gire sugedale bage che kwian Chubenu ka chudaboanga gdaite gerunga che alin Chube ole gdaite kle, ama kada Jesucristo ama no trate ulita ama agenga diali no, Jesucristo kle ama Ñenua Chube ngwadi gerunga no che alin Chube ole diali.

1 Juan 3:20

Che tañachuge mo tale che jiske lle gweale giti Chube gwage, che suge moge ene agwa kaire agwe sugedale chege Chube kiraske ama diali che age me no talla mlienga che chudaboi kade amage gire, amage suge che ta mine ama ole, ama alinge allabi uñale che jiske che me jiske ama gwa giti, ama ñage che ta gbe suge moge me jiske ama gwa giti.

1 Juan 3:24

Che ulita bai kaire kle Chube gerua gai dage ulia age diali Chube takalin kare, gire ene che ta kle Chube ole kaire Chube kle mo Oña gbe che tale che ta gbagda suge che Chubenu ulia.

1 Juan 4:13

Suge trate chege Chube mo Oña gbu che tale malen suge chege trate ulia che kle toi Chube talla ole che Chubenu, suge chege kaire Chube Oña giti che kle toi ama takalin kare, Chube Oña che ta gbe suge Chube kle diali che ole che kira gbanga.

1 Juan 4:16

Chube Oña giti Chube che ta gbe chke suge trate ulia Chube no che ole. Chube ta dbe no diali kwian ulita ole, kwian bai kaire toi Chube talla giti no daba na ole, kwian ene kle toi Chube talla ole Chube kle toi ama tale, kwian ene Chubenu.

1 Juan 4:6

Agwa che me kwian daba tkanga tangle e kare, che me kle ama kerua gbe gdadi, che Chubenu ulia, kwian bai kaire ulita Chube uñe me kle kwian daba tkanga tangle geru me uliage keruchuge dale ama kle che Chubenu gerua keruchuge, agwa kwian me Chubenu me ta che kwian Chubenu keruchugakalin. Gire ene suge chege trate ulia chema chema kle chage Chube Oña kirallaske Chube talla giti geru ulia trage kaire suge chege trate chema chema kle chage che dolla Satanás talla giti geru ngwale trage kwian ole.

1 Juan 5:19

Uñale trate chege che Chubenu Chube che Chugagwalla che Chube gau ulia giti, agwa kwian me Chube gai ulia Satanás kwian ene ulita chugagwalla kwian ene age me no tanre Satanás takalin kare diali.

Apocalipsis 12:11

Nga dba giti Jesucristo jo gwabada kwian ulita age me no giti salengwli kwian bda cordero guda kare kwian agedu me no giti ene kwian ñage chege trate Chube gwa giti. E kare ene kaire agwe Jesucristo jokeda kruge, e giti daba Chubenu ñadu kirachke che dolladi, daba e Chube gerua ulia tragu kwian na ole Chube tadukalin kare ama me kendunga kwian be age daga ngwale ama ole Chube gerua gdale giti agwa ulia ama ulita mo ta gbu biale kwian ama gwakalinda Chube gerua gdale. Jesucristo giti ama ñadu age ene kirachke che dolladi.